Ефесо
3 Важ када мэ, о Павло, кас бэшардэ через о Христос Исусо важ тумэндэ, важ и мануша анда авэр народоря... 2 Чаче, тумэ ашундэ, кай о Дэл стодя ман слуӷоса, и акана мэ трэбуй тэ поможысарав тумэнди, кай во тэ здиқэл пэр тумэндэ па пэско баро ковло ди. 3 Да, о Дэл дя манди тэ ӷанав и свынто тайна. Мэ ужэ набут пистросардэм тумэнди пала када май данглал. 4 И кала тумэ када проадинона, тумэ додиқэна, кай мэ полав и свынто тайна пала Христос. 5 И мануша, савэ жувэнас андэ авэр время, на полэнас кадэя тайна кадя жэ драго, сар щас полэн через о свынто зор лэстирэ свынти апосталоря и лэ Дэвлэстирэ особи мануша. 6 О Дэл згарадя, кай лэ манушэнди анда авэр народоря, кала вонэ приашундёна каринг и лащи новость и лэна тэ андярэн лэ Христостири лэ Исусостири время, дорэсэлапэ кода жэ, со лэ Христости и амэнди, и вонэ ашэна ек тила, ай кадяжэ кай лэнди, сар и амэнди, о Дэл дэла кода, пала со дя алав. 7 Через кода, кай о Дэл здиқля пэр мандэ па пэско баро ковло ди, во стодя ман тэ поможысарав тумэнди тэ полэн, со во згарадя. Во стердя када, кай тэ дицол лэско зор.
8 Пэр мандэ, пэ само цыкно анда всаворэ свынти, о Дэл здиқля па пэско баро ковло ди. Во стердя када, кай мэ тэ росԥэнав лэ манушэнди анда авэр народоря и лащи новость пала лэ Христоско баро барвалимос 9 и тэ поможысарав всаворэ́ манушэнди. Мэ трэбуй тэ дав зор, кай вонэ тэ додиқэн, сар о Дэл, саво вся стердя, дэл тэ полэн и свынто тайна, сави згаравэлас бут викоря. 10 И вся важ кода, кай акана и правителя и барэдэра по небо тэ уӷанэн, пэскати дэ годявэрно о Дэл. Во домарделя када, кала стидя о ӷурто*. 11 Када на жал против лэско вечно баро гиндо, саво сԥангло лэ Христоса, амарэ Барэ Хуласа лэ Исусоса. 12 Через лэстэ амэ можэм би дарако и смило тэ взвисавас каринг о Дэл андэ молитва, важ кода кай патяс андо Христос. 13 Кочай мангав тумэн тэ на умэкэн и вас, кала тумэ ашунэн, сар мэ мучисавав важ тумэндэ, важ кода кай кадя тумэ ашэн май ашунглэ.
14 Важ када мэ тэлював пэ чанга англа Дад, 15 кастар жылэ всаворэ еря по небо и пэ ԥув. 16 О Дэл само ашунгло, и мэ мангав лэс тэ придэл тумэнди зор пэстирэ свынтонэ зорэса. 17 Тоди через кода, кай тумэ патян, тумэндэ андо ди авэла о Христос и тумэ всаворэ́ одеса лэна тэ любин лэс. Састэс ритярдён, сар ла виткако корнё, и тердён по састо ҭан. 18 Тоди вместе всаворэ́ свынтонэнца тумэндэ вижала андэ вся тэ полэн, со када буӷлимос, лунгимос, вучимос и ӷлыбина. 19 Кадяжэ тумэ сможэте тэ уӷанэн, сар любий о Христос. Тэ ӷанас пала када пэбутэстэ май важно, чем тэ ӷанас вся авэр. И посли када тумэндэ авэла вся о лашымос, саво жал лэ Дэвлэстар.
20 О Дэл через пэско зор, саво исин амэндэ, па чачимастэ можэт тэ стерэл пэбутэстэ май бут всаворэстар, пала со амэ можэм тэ мангас или дажэ тэ погиндосарас. 21 Тэ авэл во ашунгло через пэско ӷурто и через о Христос Исусо машкар всаворэ мануша о вико вечно. Аминь.