Калосы
4 Хула́я пэ раборя, обжанпэ пэстирэ рабонэнца найхохаимаса и справедливо, важ кода кай тумэ ӷанэн, кай и пэр тумэндэ исин Хулай по небо.
2 Вся и время мангэнпэ, на́ бистрэн када тэ терэн и, кала мангэнпэ, блаӷодарин лэ Дэвлэс. 3 Мангэнпэ и пала амэндэ, кай о Дэл тэ ԥэрнавэл и вудара и амэ тэ пэрэдас о алав лэстар и кай амэ тэ росԥэнас и свынто тайна пала Христос (акэ важ со мэ идоси сԥангло цэпонэнца). 4 Мангэнпэ, кай мэ понятно тэ росԥэнав пала када, сар мэ и трэбуй тэ терав.
5 Кодэлэнца, ко най анда лэ Христоско ӷурто*, андярэн пэс годявэрнэс и тратин пэстири время со май фэдэр. 6 Вся и время дэн дума кадя, кай тумэн тэ авэл приятно тэ ашунэн, ԥэнэса тумари дума дошути лонэса, и тоди тумэ лэна тэ ӷанэн, со тэ ԥэнэн кажнонэ манушэсти.
7 Пала кода, со мандэ нэво, тумэнди росԥэнэна мэрно кучутно ԥрал, о Ти́хико, кандино помошнико и лэ Барэ Хуласко рабо, сар и амэ. 8 Мэ бишалав лэс каринг тумэндэ, кай во тэ росԥэнэн, сар амэндэ и дила, и тэ стерэл тумэнди по ди май вушэро. 9 Лэса авэла о Ани́симо, мэрно кандино и кучутно ԥрал, ек анда тумарэ. Вонэ росԥэнэна тумэнди пала вся, со катэ терэлпэ.
10 Пэрэдэл тумэнди поклоно о Ариста́рхо, саво бэшэл манца андо баруно, ай кадяжэ о Ма́рко, лэ Варнаваско упэрвых ԥрал (савэс тумэнди сас ԥэндо всаворэ́ одеса тэ шон сама, если во авэла каринг тумэндэ) 11 и о Исусо, пэ саво ԥэнэн Ю́сто. Всаворэ вонэ опшындэ. Кати вонэ терэн манца и дила важ лэ Дэвлэско Царство и фартэ ман подритярэн. 12 Пэрэдэл тумэнди поклоно о Епафра́со — лэ Христоско лэ Исусоско рабо, ек анда тумарэ. Во вся и время анда ди мангэлпэ пала тумэндэ, кай тумэ тэ на дурён лэ Дэвлэстар и састэс тэ патян андэ кода, со сԥангло лэ Дэвлэстиря времяса. 13 И мэ моӷу тэ потвердисарав, кай во пристол вся о зор важ тумэндэ и важ кодэла, ко андэ Лади́кия и андо Ера́палё.
14 Пэрэдэл тумэнди поклоно амаро кучутно врачо о Лука́, ай кадяжэ о Дима́со. 15 Пэрэдэн мандар поклоно лэ ԥралэнди андэ Лади́кия, ай кадяжэ ла Нимфати и лэ ԥралэнди и лэ ԥэянди, савэ стидэнпэ латэ андо цэр. 16 Кала кадэва письмо проадинона тумэндэ, позаботинпэ, кай лэс тэ проадинон и андо ӷурто андэ Лади́кия, ай тумэ проадинон о письмо, саво сас бишалдо лэнди. 17 И пэрэдэн лэ Архипости: «Вужэ одеса тер дила, сави тутэ исин лэ Барэ Хуластар».
18 Мэ, о Павло, пэрэдав тумэнди поклоно и пистросарав пала када мэрнэ вастэса. На́ бистрэн пала мэрнэ цэпоря. Тэ здиқэл пэр тумэндэ о Дэл па пэско баро ковло ди.