1 Фесалоники

1 Мэ, о Павло, ай кадяжэ о Силуа́но и о Тимафеё пистросарас лэ ӷуртости андэ Фесало́ники, савэстэ ек гиндо лэ Дэвлэса, амарэ Дадэса, и лэ Барэ Хуласа лэ Исусоса лэ Христоса.

Мэк о Дэл здиқэл пэр тумэндэ па пэско баро ковло ди и дэл мирно жызня.

2 Амэ вся и время блаӷодарисарас лэ Дэвлэс, кала ԥэнас пала тумэндэ андэ пэстирэ молитвы. 3 Амэ никала на забистрас англа амаро Дэл и Дад пала тумаро зор, саво тумэ пристонас, кай тэ патян и тэ любин, ай кадяжэ пала кода, кай тумэ ашэнаспэ састэ андэ ԥари время, важ кода кай надеинпэ пэ амаро Баро Хулай, по Исусо Христос. 4 Ԥрала, кас любий о Дэл, амэ ӷанас, кай во витидя тумэн. 5 Важ кода кай кала амэ росԥэнасас тумэнди и лащи новость, када на сас просто алава — амэ дасас дума через о свынто зор и терасас када барэ патяимаса, и через кадэя новость тумэ фартэ паруделэ. Тумэ и кадя ӷанэн, савэ манушэнца амэ ашэлям важ тумэндэ, кала самас тумэнца. 6 Тумэ линэ амэндар примеро и линэ примеро лэ Барэ Хуластар. Хоть тумэндэ сас бут бида, тумэ приашунделэ каринг о алав лэ Дэвлэстар и тердэ када лошаса, сави жал лэ свынтонэ зорэстар. 7 И кадя тумэ екжэнэ подинэ примеро всаворэнди, ко патяя андэ Македо́ния и андэ Аха́я.

8 Через тумэндэ о алав лэ Иеговастар* ашундэ най кати андэ Македо́ния и андэ Аха́я, но и пэ авэр краёря. Кадяжэ пала кода, сар тумэ патян андо Дэл, уӷанглэ па всаворэ краёря, кочай амэнди ужэ нисо на трэбуй тэ ԥэнас. 9 Всаворэ росԥэнэн, сар амэ пэрво разо диқлямаспэ тумэнца и сар тумэ отԥэнделэ пэстирэ дэвлэндар, кай тэ полэн лэ жундэ и лэ чачунэ Дэвлэс. 10 Тумэ линэ тэ аштярэн па небо лэстирэ Шавэс, савэс во жундярдя, лэ Исусос — кодэлэс, ко спасыя амэн лэ Дэвлэстиря холятар, сави ӥто авэла.