Римо
7 Ԥрала, акана взвисавав каринг тумэндэ, ко ӷанэн о законо: хэба тумэ на ӷанэн, кай о мануш трэбуй тэ ритярэл о законо, кати пока во жундо? 2 Например, и жувли, сави миростэ, па законо прижал пэстирэ хуласти, пока во жундо. Но если лако хулай мэрэла, вой ашэла свободно лэ хуластирэ законостар*. 3 Важ када, если лако хулай жундо, ай вой жыля пала авэр мурш, тоди вой придэл лэс*. Но если о хулай мэрэла, вой ашэла свободно лэстирэ законостар и на придэла лэс*, если жала пала авэр.
4 Кадя и тумэ, ԥрала, ашэлэ свободни лэ законостар через лэ Христостири жэртва и линэ тэ прижан аврэсти — кодэлэсти, ко жунделя. И акана амэ можэм тэ терас и дила, сави уӷодно лэ Дэвлэсти. 5 Важ кода кай кала амэ жувасас кадя, сар камэлас бэзэхэстири тила, о законо поможысардя амэнди тэ полас, кай амаро ди цырдэлас амэн каринг о бэзэх. Када анэнас кати каринг и смэрть. 6 Но щас амэ свободни лэ законостар и мулям важ кода, со амэн зритярэлас. И акана амэ лэ Дэвлэстирэ раборя через о свынто зор, ай най через о законо, саво пистромэ, сар када сас варикала.
7 Тоди со, вижал, о законо — бэзэхэско? Най! Важ кода кай тэ на авелоп о законо, мэ на ӷанглоп, со када бэзэх. Например, мэ на уӷанглоп, кай нащи тэ камав кода, со прижал аврэсти, тэ на авелоп пистромэ андо законо: «Ту на трэбуй тэ камэс кода, со прижал аврэсти». 8 Но через кадэла алава о бэзэх ля тэ цырдэл мэрно ди каринг разно вэрыто дила. Тэ на авелоп о законо, кай о бэзэх на авелоп кацаво зор. 9 Вижал, кала на сас о законо, мэ сымас жундо. Но кала сас дино о законо, о бэзэх жунделя, ай мэ мулэм. 10 И мэ додиқлэм, кай о законо, саво трэбуй сас тэ андярэл ман каринг и жызня, па чачимастэ андя ман каринг и смэрть. 11 О бэзэх через о законо закамля тэ змарэл ман па правильно дром и тэ умарэл. 12 Ни акэ, о законо свынто и вся, со пистромэ андэр лэстэ, свынто, правильно и лашо.
13 Сыкавэл када, кай ман умардя варисо лашо? Най! Ман умардя о бэзэх. О законо лашо, но во драго сыкадя, кай када через о бэзэх мэ мулэм. Кадя через о законо дицэля, пэскати дэ вэрыто о бэзэх. 14 Амэ ӷанас, кай о законо лэ Дэвлэстар, ай мэ просто, обычно мануш, саво сас битиндо лэ бэзэхэсти и ашэля лэско рабо. 15 Мэ на полав, со терав. Мэ на терав кода, со камав, ай терав кода, со вэрыцысарав. 16 Мэ полав, кай о законо лашо, но мэ всаек терав кода, со на камав. 17 Вижал, па чачимастэ най мэ терав кадэва найлашымос, но када терэл о бэзэх, саво андэр мандэ. 18 Мэ ӷанав, кай андэр мандэ, андэ мэрни бэзэхэстири тила, нинай нисо лашо. Ман цырдэл тэ терав и лащи дила, но мэ не моӷу. 19 Мэ камав тэ терав лашымос, но мандэ на вижал, и мэ всаек терав найлашымос, саво на камав тэ терав. 20 Важ када, если мэ терав кода, со на камав, тоди ужэ най мэ када терав, ай о бэзэх, саво андэр мандэ.
21 Андэ мэрни жызня терэлпэ кадя: кала мэ камав тэ терав кода, со правильно, мэ додиқав, кай ман цырдэл каринг о найлашымос. 22 Мэрно ди па чачимастэ глаба пала лэ Дэвлэско законо. 23 Но мэ диқав, кай мэрня тиласа хулаий авэр законо, — во борийпэ мэрнэ гиндостирэ законоса, и через лэстэ мэ ашав рабо лэ бэзэхэсти, саво исин андэ мэрни тила. 24 Бибахтало мэ мануш! Ко спасыя ман ла тилатар, сави андярэл каринг кадэя смэрть? 25 Мэ блаӷодарно лэ Дэвлэсти, кай во спасыя ман через о Исусо Христос, амаро Баро Хулай! Ни акэ, мэрно гиндо ритярэл лэ Дэвлэско законо, ай и тила — лэ бэзэхэско законо.