О Иисусо вишутя анда храмо кодэлэн, ко битинэнас

О Иисусо жыля андо Иерусалимо. Када сас вэсной андо 30 бэрш лэ Христостар. Бут мануша стидэпэ андэ кадэва форо пэ патради. Кала жалас кадэва празднико, и мануша анэнас андэ жертва лэ животнонэн андо храмо. Дэко анэнас лэ животнонэн пэса, ай дэко тинэнас лэн андо Иерусалимо.

Кала о Иисусо авеля андо храмо по празднико, во додиқля, кай котэ битинэн лэ животнонэн. И чорымастирэ мануша, битинэнас и затерэнас и ловэ ворта андэ лэ Иеговаско цэр! Сар андярдя пэс о Иисусо? Во стердя анда дуря чукни и видарадя анда храмо лэ бакрэн и лэ гурувэн. Во пэрэшутя и скаминда кодэлэнди, ко парувэлас и ловэ и росшутя всаворэ лэндирэ ловэ. Ай кодэлэнди, ко битинэнас лэ ӷолубонэн, о Иисусо ԥэндя: «Вилэн када катар! Мэрнэ дадэско цэр, када най ҭан, кай тэ битинэн!»

И мануша, савэ слинэ андо храмо, фартэ динэ наздив кодэлэстар, со стердя о Иисусо. Лэстирэ учениконэнди дя андо шэро кода, со сас дэлмут ԥэндо и трэбуй сас тэ авэл важ о Христос: «Мандэ авэла фартэ бари любовь каринг лэ Иеговаско цэр».

После кода, сар прожыля трин бэрш, о Иисусо до дуйто разо вишутя анда храмо кодэлэн, ко битинэнас. Во на домэкэлас, кай варико тэ на стол патив пэ Дэвлэско цэр.