Хохаимос, через саво о Дэл ашэл жэстоко англа мануша

АНДЭР СО ПАТЯН БУТ МАНУША?

«И душа, сави терэл бэзэх, кала мэрэл точно попэрэла андо адо, кай вой лэла фартэ тэ мучийпэ андэ „вечно яг“» (Катехизис католическо қандири). Дэсавэ рашая сытярэн, кай адо, када кала о мануш полностью удалёно лэ Дэвлэстар и о мануш авэла вечно дур лэстар.

ЧАЧИМОС АНДА БИБЛИЯ.

«О мануш, саво терэл бэзэх, мэрэла» (Иезекииль 18:4). «Кодэла, ко мулинэ, нисо на ӷанэн» (Экклезиаст 9:5). Если и душа мэрэл и вой без сознания, тоди сар вой можэт тэ мучийпэ андэ «вечно яг» или тэ мучийпэ, кай вой вечно дур лэ Дэвлэстар?

Древнееврейско и древнеӷреческо алав, саво часто андэ Библия пэрэандярдёл сар «адо», па чачимастэ сыкавэл о гиндо пала общё моӷила. Например, кала о Иово мучияспэ лэ ԥарэ насвалимастар, во мангэласпэ: «Сар мэ камлоп, кай ту тэ загаравэс ман андэ моӷила [«андо адо»]» (Иов 14:13). О Иово камэлас, кай лэстэ тэ авэл покоё най андэ кодэва ҭан, кай мучинпэ или кай удалёно лэ Дэвлэстар, ай андэ моӷила.

ВАСО КАДА ВАЖНО?

И жэстокость никас на пашарэл, ай наоборот кати дурярэл. И Ро́сия анда Мексика ԥэнэн: «С децтва манди росԥэнэнас пала адо. Мэ фартэ даравас и дажэ прецтавить нэ моӷла, кай о Дэл можэт хоть варисо лашо тэ терэл. Мэ гиндосаравас, кай во холинако и жэстоко».

И библейски стихоря драго обисняют пала лэ Дэвлэстирэ сындоря, и пала кода, со терэлпэ лэ мулэнца. И через када и Ро́сия парудя пэско гиндо пала Дэл. Вой ԥэнэн: «Мэ чуствовала, кай мандэ ԥэнэса пэля бар па ди. Мэ полэм, кай о Дэл камэл важ амэндэ ек о лашымос, кай во любий амэн и кай мэ моӷу тэ любисарав лэс. Во сар заботливо дад, саво лэл пэстирэ бэятонэн вастэстар и фэрий» (Исаия 41:13).

Бут мануша старыинпэ тэ ԥирэн андэ қандири, важ кода кай даран тэ на попэрэн андо адо. Но о Дэл на камэл, кай амэ тэ полас лэс через и дар. О Иисусо ԥэнэнас: «Любисар пэстирэ Дэвлэс лэ Иеговас» (Марка 12:29, 30). Инке, если амэ полас, кай о Дэл справедливо, амэнди авэла май вушэро тэ патяс, кай во сар сындомари англэ прилэла правильни ришэнии. Сар о Елиую, лэ Иовоско друӷо, амэ можэм точно тэ ԥэнас: «Нэ можэт о чачуно Дэл тэ терэл о найлашымос и о Всемоӷущё тэ обжалпэ нэсправедливо» (Иов 34:10).