Ту ӷанэс?

Со терэлас кодэва, кас стонас пала вся тэ диқэл андэ библейско время?

АНДЭ БИБЛЕЙСКО время кодэва, ко пала вся диқэл, во диқэлас пала вся, пала со приԥэнэнас тэ диқэл о хулай.

Кала о Иосифо, лэ Иаковоско шаво, сас лэ Потифароско рабо андо Египто, о Потифаро стодя лэс, кай тэ диқэл пала вся андэ пэско цэр. Во «отдя андэ лэстирэ вас вся, со лэстэ сас» (Бытие 39:2—6). Прожыля время, и о Иосифо ашэля андо Египто баро правителё и екжэно стодя андэ пэско цэр манушэс, кай тэ диқэл пала вся (Бытие 44:4).

Андэ кодэла деса, кала жувэлас о Иисус Христос, и мануша, савэ залэнаспэ ла ԥувьяса, часто жувэнас андо форо и дур пэстирэ маляндар. Важ када вонэ стонас манушэн, савэ диқэнас пала кода, кай и мануша кажно дес тэ терэн бути пэ маля.

Саво сас трэбуй тэ авэл кодэва, ко пала вся диқэл? О римско писателё, саво жувэлас андэ пэрво вико лэ И. Х., савэс ақарэнас Колумелла, дэлас совето, кай тэ стон кодэлэс, ко пала вся диқэла, кацавэ рабос, саво «драго ӷанэн пэстири дила». Лэстэ трэбуй тэ авэн кацавэ качестворя, кай «тэ авэл састо андо алав, но тэ на авэл жэстоко». О Колумелла ԥэнэнас: «Ӷлавно, кай кодэва, ко пала вся диқэл, тэ на ԥэнэн, кай во вся ӷанэн, ай екжэно нисо на ӷанэн. Фэдэр мэк старыийпэ тэ уӷанэн кода, со во на ӷанэн».

Андэ Библия кодэва, ко пала вся диқэл, сыстойпэ кодэлэса, сар терэл и собрания. О апостоло Пётро ԥэнэнас лэ христианонэнди, через кода, со лэнди дя о Дэл и лэндэ драго вижал, вонэ «тэ подритярэн ек еқэс, сар кодэла, ко драго диқэн пала лэ Дэвлэско лашимос» (1 Петра 4:10).

Андэ лэ Иисусостири притча, сави запистромэ андэ Луки 16:1—8, кадяжэ пистромэ пала кодэва, ко пала вся диқэл. Ай инке анда пророчество пала кода, со сыкавэл, кала о Иисусо ашэла Царёса, во дэл алав пэстирэ учениконэнди, кай стола лэ «годявэрнэ и кандинэ рабос». Чи стола кодэлэс, ко диқэл пала вся и кандэл. Кодэва, ко пала вся диқэл, трэбуй тэ дэл лэ христианонэнди кода, через со лэндири вера авэла састи, тэ дэл, кала када трэбуй и андэ послиднё время (Матфея 24:45—47; Луки 12:42). Сар жэ амэ лошалэ, кай можэм тэ стерас кадя, кай амари вера тэ авэл май састи через и литература, сави роздэл па вся и ԥув кодэва, ко диқэл пала вся и кандэл!