Пушэн кодэла, ко адинон

Андэ Библия пистромэ, кай тэ полэн, ко дошало, трэбуй дуй или май бут свидетеля (Числа 35:30; Второзаконие 17:6; 19:15; Матфея 18:16; 1 Тимофею 5:19). Но, сар пистромэ андэ лэ Моисеёско законо, если мурш ля нахально «андэ мал» щя, сави сас засватано, и вой цыпияс, и щей най дошали андэ кадэва билажавардимос, ай о мурш андэ када дошало. Если нико на диқля, сар во ла ля нахально, тоди васо о мурш дошало, ай и щей най?

Ӷлавно цэль кодэлэсти, со запистромэ андэ Второзаконие 22:25—27, най андэ кода, кай тэ полэн дошало о мурш чи най (во кадя и кадя дошало), ай андэ кода, кай тэ доԥэнэн, кай и щей дошали чи най. Шам сама, со пистромэ андэ стихоря.

Андэ стихоря, савэ сас май англал, пистромэ пала случаё, саво тердяпэ андо форо. Кала о мурш проандярдя и рят ла щяса, сави засватано, и вой на цыпияс, катэ о мурш дошало, кай стердя кадэва билажавардимос. Важ кода кай раз и щей засватано, можно тэ ԥэнэс, вой миростэ. Если вой тэ цыписайлоп, мануша ашунглоп и фэрисардоп ла. Но важ кода кай вой на цыписайля, вой кадяжэ дошали андэ када, и лэн лэ дуен прижанэнас дошалэнца (Второзаконие 22:23, 24).

Май дур андо Законо пистромэ пала авэр случаё: «Если мурш диқэла щя андэ мал, астарэла ла и лэла нахально, тоди кодэлэ муршэс трэбуй тэ умарэн, ай ла щяса нисо тэ на терэн. И щей на тердя бэзэх, важ саво ла тэ умарэн. Када авелоп кадя жэ, сар, ԥэнэса, ек мануш тэ дэл пэ авэр мануш и тэ умарэл лэс. Важ кода кай кадэва мурш диқля ла щя андэ мал и, хоть вой цыпияс, тэ спасый ла най касти сас» (Второзаконие 22:25—27).

Андэ кадэва случаё важ и щей нисо вэрыто на гиндонас. Васо? Важ кода кай «вой цыпияс», но тэ «спасый ла най касти сас». Вижал, вой най дошали андэ кадэва билажавардимос. Ай о мурш сас дошало андэ кадэва билажавардимос, важ кода кай во хутилдя ла щя, сави засватано, и ля ла нахально.

Вижал, о законо сас важ кода, кай тэ доԥэнэн, кай и щей най дошали. Андо законо сас пистромэ, кай о мурш дошало андэ кода, кай ля ла нахально и тердя билажавардимос. Можно тэ патяс, кай и сындомаря, «драго вся розуӷанэнас», и виандярэнас о приӷоворо, сар най еқвар сас пистромэ андэ лэ Дэвлэстирэ законоря (Второзаконие 13:14; 17:4; Исход 20:14).