ХРИСТИАНСКО ДРОМ
На бистэр тэ мангэспэ пала христианоря, савэн тасавэн важ и вера
Андэ Библия сас ԥэндо, кай о Сатана авэла тэ тасавэл важ и вера, кай амэ тэ парашас тэ служисарас (Ин 15:20; Отк 12:17). Сар тэ дас помощь амарэ ԥралэнди и ԥэянди, савэн тасавэн важ и вера? Тэ мангаспэ пала лэндэ. Важ кода, кай «кала анда вся оди мангэлпэ, кодэва, ко кандэл лэ Дэвлэс, кацави молитва бут со дэл» (Иак 5:16).
Пала со тэ мангаспэ? Тэ мангас лэ Иеговас, кай во тэ терэл кадя, кай амарэ ԥрала и ԥэя тэ на даран и тэ на умэкэн и вас (Иса 41:10—13). Инке тэ мангаспэ, кай и барэ мануша тэ дэн амэнди, кай амэ тэ росԥэнас важ о Дэл, «кай амэнди и май дур тэ андярас спокойно... жизня» (1Тм 2:1, 2).
Кала кай о Павло и о Пётро сас ԥари время, и христианоря андэ пэстирэ молитвы, сэрэнас па алавэстэ лэ Петрос и лэ Павлос (Де 12:5; Рм 15:30, 31). Амэ на ӷанас, сар ақарэн кодэлэн, кас адес тасавэн важ и вера. Но амэ всаек, сар мангаспэ пала лэндэ, можем тэ ԥэнас лэндири собрания, страна или регионо.