СОМНАК АНДА БИБЛИЯ | ИСАИЯ 52—57
О Христос пала амэндэ пэрэжудя о ԥаримос
«И мануша гиндонас, кай тэ шон сама пэр лэстэ на трэбуй и обжанас лэс... [...] Ай амэ гиндосардям, кай када о Дэл лэс марэлас и терэлас, кай лэсти тэ авэл ԥарэс»
53:3—5
И мануша гиндонас, кай по Иисусо на трэбуй тэ шон сама и дошалярэнас лэс, кай во андярэлас пэс сар Дэл, и кай лэстар жалас найлащи дума по Дэл. Дэко гиндосарэлас, кай о Дэл марэлас лэ Иисусос, кабута умарэлас лэс найлашэ насвалимаса.
«О Иегова камля, кай лэс тэ умарэн... ...И лэско вас стерэла вся, со камэл о Иегова»
53:10
Лэ Иеговасти сас фартэ ԥарэс тэ диқэл, сар лэско Шаво мэрэл. Но о Иегова сас фартэ радо, кай о Иисусо жы кай пэстири смэрть на парашэля тэ кандэл лэс. Кода, кай о Иисусо отдя пэстири жизня, сыкадя, кай о Сатана хохавэл пэ мануша, савэ служин лэ Дэвлэсти, ай инке када дэла о лашымос, саво авэла англэ, кодэлэнди, ко камэн, кай о Дэл лэн тэ простий. Кода, кай о Иисусо отдя пэстири жизня пала амэндэ, ашэля вся кадя, сар о Иегова камля.