ХРИСТИАНСКО ДРОМ

Нэво пэ собрания пэ куртестэ

Андо 2018 бэрш лэ январёстар пэ собрания пэ куртестэ авэна тэ розлэн кода, пар со сытён, а инке картинки и видео анда специально книга «Священно Книга — Нэвэ мироско переводо» (nwtsty), вой исин онлайн (даже если ла инке на пэрэандярдэ пэ тумари шыб). Амэ патяс, кай кадэлэстар тэ сытёс авэла май интересно и май драго. Инке кадэлэстар ту ашэса май пашэ лэ Иеговаса, саво важ тутэ, сар любящё Дад!

ИНФОРМАЦИЯ, ПА САВИ СЫТЮВАС

Катэ росԥэнэнпэ пала культура, кай и со исин пэ ԥув и сар дэнас дума, и када дэл помощь май драго тэ полас и стихоря анда Библия.

Матфея 12:20

Фитилё, саво лэл тэ мудардёл. Обычно лампа, када найбаро глиняно сосудо, андо саво сас оливково вулей. О вулей ԥаболас, кала ваздэласпэ па льняно фитилё. Пэ греческо шыб пала фитилё, саво лэл тэ мудардёл полэнас, кай када фитилё, савэстар жал саноро ҭув, важ кода кай и яг мударделя или йто мудардёла. Андэ Исаия 42:3 сас запистромэ, кай о Иисусо авэла фартэ тэ жалуий аврэн. Инке во никала на домэкэла, кай и мануша, савэндэ ԥарэс по ди, тэ парашэн тэ патян, кай англэ авэла май драго, и во на домэкэла, кай вонэ тэ авэн кацавэ, сар о фитилё, саво лэл тэ мудардёл.

Матфея 26:13

Чаче. Греческо алав, саво пэрэандярдэ «аминь», пэ еврейско шыб кадэва же алав «амен», саво значит «мэк кадя и авэл; чаче». О Иисусо часто ԥэнэнас кадэва алав, кала варисо доԥэнэнас, дэлас алав или кала ԥэнэнас, со авэла англэ. Кадэлэ алавэса во сыкавэлас, кай кода, со во ԥэндя, кадя и авэла. Андэ Библия и андэ авэр книги важ и вера нико на ԥэнэнас кадэва алав кадя, сар о Иисусо. Анда книга Иоанна дицол, кай о Иисусо дэкала дувар ԥэнэнас «аминь». Кадя во инке май фартэ сыкавэлас, кай во дэл дума чачимос (Ин 1:51).

КАРТИНКИ И ВИДЕО

Карточки, картинки и бизвукоско видео дэн помощь тэ додиқас кода, со сас, кай и со исин пэ ԥув и инке варисо.

Виффагия, Маслично плай и Иерусалимо

Кадэва найбаро видео дэл помощь, сар ԥэнэса па чачимастэ, тэ проладас па дром каринг о Иерусалимо. О дром лэл тэ жал па востоко, кай адес о форо Эт-Туро, пала лэстэ гиндон, кай во поджал кай и библейско Виффагия, и дожал кадэва дром упрэ по Маслично плай. Каринг о востоко ла Виффагиятар, тэлэ кай о Маслично плай по востоко исин Вифания. Обычно котэ ратярэлас о Иисусо и лэстирэ ученикоря, кала авэнас андо Иерусалимо. Андэ амарэ деса по ҭан, кай сас и Вифания тердёл найбаро гав Эль-Азарие (Эль-Эйзария), па арабско шыб пэрэандярдо «лэ Лазарёско ҭан». Дицол, кай Иисусо ашэласпэ андо цэр, кай жувэнас и Марфа, Мария и о Лазарё (Мф 21:17; Мк 11:11; Лк 21:37; Ин 11:1). Кала о Иисусо жалас лэндирэ цэрэстар андо Иерусалимо, во мог тэ жал па дром, саво сыкавэн андэ кадэва видео. Может, именно анда Виффагия о Иисусо ля тэ жал, кала 9 нисана андо 33 бэрш лэ И. Х. лагля по ишако андо Иерусалимо через Маслично плай.

Дром анда Вифания андэ Виффагия.
Виффагия.
Маслично плай.
Дром машкар плая Кедроно.
Храмово плай.

Карфин андо пяткако кокали

Пэ карточка амэ диқас точно копия кокали анда манушэсти пятка. Андо кокали саструно карфин лунгимаса 11,5 см. Када муршэско кокали, савэс виарақлэ андо 1968 бэрш, кала ӷанавэнас, кай варисо тэ виарақэн по северо Иерусалимо. Кода, со вонэ виарақлэ сас анда время, кала сас и Римско империя. Када сыкавэл, кай лэ манушэс, кала казнинас могли тэ примарэн карфянца каринг о каштуно столбо. Может, кацавэ же карфина линэ и римски солдаторя, кала казнинас по столбо лэ Иисусос. И кокаля лэ карфинэса виарақлэ андэ оссуария. Оссуария, када ящико, саво стердо анда бар, андэ саво стидэнас и кокаля, кала лэ манушэстири тила терниля. Анда када дицол, кай кодэлэн, кас казнисардэ могли потом тэ гаравэн (Мф 27:35).