«Май англал... поладисар пэстирэ ԥралэса». Сар када тэ стерэс?

Представь, кай ту жувэс андэ Галилея андэ лэ Иисусости время. Ту авелян андо Иерусалимо пэ катунэнго празднико. Андо форо тердяпэ шумно, важ кода кай стидэпэ фартэ бут мануша анда разни ҭана. Ту камэс тэ анэс лэ Иеговасти жертва. Ту андярэс пала пэстэ лэ животнонэс па улица, кай ԥарэс тэ прожас, машкар бут мануша каринг о храмо. Кала ту поджылян, ту диқэс, кай котэ фартэ бут мануша, савэ кадяжэ камэн тэ анэн жертва. И акэ поджыля время, кала тути трэбуй тэ пэрэдэс лэ животнонэс лэ рашаенди. Но катэ ту лэс тэ сэрэс, кай тиро ԥрал ритярэл пэр тутэ холи. Во варикай катэ, машкар бут мануша или андо форо. О Иисусо росԥэндя, со тути трэбуй тэ терэс. (Адиносар Матфея 5:24.) Со тути и тирэ ԥралэсти трэбуй тэ стерэн, кай упалэ тэ ладин? Витидэ анда кажно рамка кода, со трэбуй тэ терэс.

СО ТУ ТЕРЭСА?

• Подава дума лэ ԥралэса, кати если во пэр мандэ па чачимастэ холинако.

• Лава тэ доԥэнав лэ ԥралэсти, кай во вся най кадя поля или кода, кай амэ лэдуй дошалэ.

• Драго виашунава лэ ԥралэс. И даже если най вся полав, васо во холяйля, анда вся оди мангава тэ простий ман, важ кода кай стердэм лэсти найдраго и лэстэ задуқая оди через мандэ, хоть мэ када и на камлэм.

СО ТЕРЭЛА О ԤРАЛ?

• Авэла тэ ԥирэл и тэ родэл андэ собрания кодэлэн, ко пала лэстэ зашолапэ и тэ росԥэнэн, сар ту лэс холярдян.

• Авэла тут тэ дошалярэл, вся тэ виԥэнэн тути и тэ домардёлпэ, кай ту тэ ԥэнэс важ пэстири дош.

• Цения кода, кай ту на завазглян о шэро и на дарайлян тэ поджас лэстэ. И анда вся оди простия тут.

Адес амэ на анас андэ жертва лэ животнонэн. Но сар кода, со ԥэндя о Иисусо, сыкавэл, кай о Иегова прилэл амари служения кати тоди, сар амэ терас вся, кай тэ ладисарас лэ ԥралэнца и лэ ԥэянца?