Сар тэ стерас, кай и любовь каринг о Дэл и каринг и мануша тэ авэл май бари?

Хоть лэ Моисеёско законо най важ христианоря, но дуй со май барэ законоря, када тэ любис лэ Дэвлэс и тэ любис лэ манушэн. Вонэ дэн помощь тэ полас, со амэндар аштярэл о Иегова (Мф 22:37—39). Кацави любовь на лэлпэ екжэни пэстар. Ла трэбуй тэ терас май бари. Сар? Со май фэдэр, када тэ адиносарас и Библия кажно дес. Кала амэ анда Библия лас май драго тэ уӷанас лэ Дэвлэс, саво во, тоди амэ лас «тэ диқас, саво лашимос жал лэ Иеговастар» (Пс 27:4). Амэ лас май фартэ тэ любисарас лэ Иеговас и амэ уже май бут гиндосарас кадя, сар во. Када дэл помощь тэ ритярас лэ Дэвлэско законо и тэ любисарас аврэн анда вся оди (Ин 13:34, 35; 1Ин 5:3). Акэ дэсо, состар авэла май интересно тэ адиносарас и Библия.

• Мэк кода, со адинос, авэл андэ тиро шэро, сар кино. Додик пэс котэ, пала со адинос. Со ту диқлоп и ашундоп? Со, файма, ашунэнас и диқэнас кодэла, пала кастэ адинос?

  

• Витидэ, сар тэ адинос. Акэ, дэсо, сар тэ адинос. Адиносар, кай тэ ашундёл или дик па Библия, кала ашунэс аудио. Витидэ, со тэ адинос. Камэс, адиносар кода, кай росԥэнэнпэ пала варисаво мануш или пала тема, сави ту камэс тэ уӷанэс. Акэ инке со. Уӷан май бут пала Иисусо. Андэ када тути дэла помощь брошюра «Слово Бога в картах и схемах» (Приложении 4 и 16). Адиносар вся ӷлава, анда сави линэ о стихо пэ кажно дес. Адиносар и книӷи анда Библия ек пала ек, кадя сар вонэ запистромэ.

  

• Адиносар, кай драго тэ полэс. Фэдэр тэ адинос ек ӷлава андо дес, но тэ полэс ла и тэ погиндос пала кода, со адиносардян, чем тэ адинос бут ӷлавы, кай тэ авэл май бут. Дик, со пистромэ май упрэ и май тэлэ кадэлэ стихостар и шу сама, сави время сас, кала пистронаспэ кадэла стихоря. Шу сама и пэ кода, со здэлпэ най фартэ трэбуй. Дик пэ карта, пэ сноски и со пистромэ андэ авэр стихоря андэ Библия. Сто зор, кай тэ полэс варисо ек анда кода, со на полян. Кала адинос тутэ жал и время. Сар тутэ вижал, гиндосар скати же время, скати и адиносардян.