Сытювас май драго тэ служысарас. Сар тэ росԥэнас важ о Дэл па домофоно

ВАСО КАДА ВАЖНО Андэ амарэ деса, кай тэ авэл безопасно и удобно и мануша стон пэ двэри камеры и домофоноря. Амэндэ можэт тэ авэл дар англа домофоно, важ кода кай амэ на диқас кодэлэс, каса дас дума, ай амэн дицол. И советоря, савэ катэ пистромэ дэна помощь амэнди тэ на дарас тэ росԥэнас важ о Дэл па домофоно или англа камера.

САР КАДА ТЭ ТЕРАС

• Ритяр андо шэро, кай и мануша закамэна тэ уӷанэн кода, со амэ росԥэнаса. Бут мануша, савэ стодэ пэстэ домофоно или камера нэ против амэнца тэ подэн дума.

• На бистэр, кай дэсавэ камеры лэн тэ запистрон инке англа кода, сар ту позвониса андо звонко, и кай о мануш можэт тут тэ диқэл и тэ ашунэл, сар кати ту пашэлян каринг и двэри.

• Дэ дума па домофоно или па камера, сар англа мануш. Зааса и андяр пэс сар обычно. Ԥэн кода, со ту камлоп тэ ԥэнэс, если бы о мануш ԥэрнадоп и двэри. На тердюв фартэ пашэ каринг и камера. Если нико нэ атвечает, на ашав нисавэ аудио или видеосообщения.

• На бистэр, кай посли кода, сар тумэ подинэ дума, тут инке моӷут тэ диқэн и тэ ашунэн.