О Дэл и о Христос дэн амэнди свобода!

Савэ ԥаримастар тути можэт тэ авэл найдраго по ди? Можэт, ту хулай андо ери и тути трэбуй пала бут со тэ заботиспэ. Или ту екжэно барярэс лэ бэятонэн, и тути ԥарэс тэ затерэс дажэ по котор марно. Или жэ ту сытёс андэ школа и тути прижалпэ тэ тэрпис, кай туса вэрыто обжанпэ и однокласникоря. Ай можэт, тутэ вэрыто о зор или ужэ и бэрша най вонэ? Нинай кацаво мануш, савэстэ андэ жызня на авелоп нисавэ проблемы. Бутэ христианонэнди дорэсэлпэ бут ԥаримос. Но амэ ӷанас, кай йто вся о ԥаримос будэр на авэла (2Кр 4:16—18).

Ай пока амэнди дэл зор кода, кай о Иегова полэл, саво ԥаримос амэ пэрэандярас, и во цэний, кай амэ кандас лэс, дажэ кала ԥарэс. Кадяжэ во камэл тэ стерэл важ амэндэ бут лашэ подаркоря (Иер 29:11, 12). Лэ Иисусости амэ тожэ най всаек. Во дя алав, кай поможыя амэнди тэ терас амари христианско дила. Во ԥэндя: «Мэ... тумэнца» (Мф 28:20). Амэ трэбуй тэ витидас время, кай тэ гиндосарас пала свобода, сави авэла, кала правия лэ Дэвлэско Царство. Кадя амэ лас инке май фартэ тэ аштярас кодэя время, и тоди амэ ӷотови тэ виритярас любо ԥаримос (Рм 8:19—21).

ДИК ВИДЕО «ПОКА ПАШОЛ И БУРЯ, ВСЯ И ВРЕМЯ ДИҚЭН ПО ИИСУСО! О ЛАШИМОС ЛЭ ДЭВЛЭСТИРЭ ЦАРСТВОСТАР» И ДЭ АТВЕТОРЯ ПЭ КАДЭЛА ВОПРОСОРЯ.

• Сар и мануша «ашэлэ май дур ла жызнятар, сави дэл о Дэл», и со кадэлэстар вижыля?

• Со аштярэл кодэлэн, ко кандэл лэ Иеговас?

• Через со амэндэ авэла кадэва лашимос?

• Со ту май фартэ аштярэс андо раё пэ ԥув?