Полэ лэ манушэс

Кай тэ полэс лэ манушэс, трэбуй тэ уӷанас, со лэстэ по ди, со лэсти трэбуй и со важ лэстэ куч, ай кадяжэ тэ стос пэс пэ лэско ҭан. Вся када тутэ вижала тэ стерэс, кати тоди, кала ту анда вся оди камэс лэсти тэ поможыс. И мануша сразу полэн, со тутэ по ди каринг лэндэ. Кала ту полэс лэ манушэн, савэнди росԥэнэс пала Иегова, тоди вонэ диқэн, кай во любий и заботийпэ пала лэндэ, и вонэ камэн тэ уӷанэн лэс (Фп 2:4).

Кода, кай ту полэс лэ манушэс анда вся оди, дицол па тирэ жэсторя и муй, и па кода, сар ту лэс виашунэс, и сар дэс дума. Ту анда вся оди камэс тэ полэс, андэр со патял о мануш, со лэсти чалёл и со лэстэ терэлпэ андэ жызня. Ай кадяжэ ту ӷотово лэсти тэ росԥэнэс кода, со лэсти трэбуй, кай тэ ришый пэстири проблема, и тэ ԥэнэс, кай можэш тэ дэс помощь. Но кати сэр, тути нащи тэ заставис лэс, кай во тэ парувэл пэстири жызня. Если о мануш прилэл тири помощь, ту кадэлэстар авэса фартэ лошало.

СЫКАВ ВИДЕО «РАДУИНПЭ, КАЛА СЫТЯРЭН ЛЭ МАНУШЭН, КАЙ ВОНЭ ТЭ АВЭН УЧЕНИКОРЯ. СЫТЁН МАЙ ДРАГО ТЭ СЫТЯРЭН. ДЭН ДУМА И ОБЖАНПЭ АВРЭНЦА КОВЛЭС» И ДЭ АТВЕТОРЯ ПЭ КАДЭЛА ВОПРОСОРЯ.

• 

  Сар и Нита сыкадя, кай полэл ла Роза, кала и Роза авеля най вовремя?

• 

  Сар и Нита сыкадя, кай полэл ла Роза, кала и Роза ԥэндя, кай на лэла тэ изучает важ кода, кай цыеля?

• 

  Сар и Нита сыкадя, кай полэл ла Роза, кала и Роза ԥэндя, кай латэ ни андэр со нинай порядко?