Ай тумэ ӷанэн?

Васо и израильтяноря дэнас калымо важ и тэрни?

АНДЭ дэлмутни время, кала доԥэндёнаспэ пала ябьяв, ла тэрнятирэ родителёнэнди дэнас калымо. Када моӷли тэ авэн ловэ, сомнак, мищимос или жывотни. Ай дэкала, кай тэ залэн ла тэрня, о тэрно трэбуй сас тэ стерэл варисави бути. Например, важ и Рахиль о Иаково трэбуй сас тэ терэл бути кай лако дад семь лет (Быт. 29:17, 18, 20). Васо сас кацави традицыя?

Андэ ек книжка ԥэнэнпэ: «Андо Израилё о тэрно дэлас калымо, кай тэ потинэл важ и дила, сави моӷла тэ терэл и тэрни андо ери кай пэско дад». Када сас фартэ важно важ и еря, савэ залэнаспэ ла ԥувьяса и ритярэнас лэ скотос. Кадяжэ через кацаво обычаё кадэла дуй еря лэнас май фартэ тэ ладин и моӷли тэ дэн помощь ек еқэсти андэ ԥари время. Ай инке о калымо сыкавэлас, кай и щей ужэ просватано и кай акана пала латэ лэла тэ заботийпэ о хулай, ай най о дад.

О калымо на сыкавэлас, кай и тэрни, сар варисави вещь, сави можно тэ тинэн и тэ битинэн. Андэ ек инцыклапедия ԥэнэнаспэ: «Кала пала тэрни дэнас ловэ или варисо авэр, моӷло тэ здэлпэ, кай ла тинэн, но па чачимастэ о калымо рияс важ ла тэрняко трудо».

Адес идоси кай дэсавэ народоря исин кацаво обычаё. Кала и родителя-христианоря мангэн о калымо пала пэстири щей, вонэ трэбуй тэ андярэн пэс блаӷоразумно (Флп. 4:5; 1 Кор. 10:32, 33). Када поможыя лэнди тэ на замангэн фартэ бут ловэ. Кадэлэса вонэ сыкавэна, кай на цырдэнпэ пала ловэ (2 Тим. 3:2). Кадяжэ, если и родителя на мангэн пала тэрни фартэ барэ ловэ, лэ тэрнэсти на прижалапэ тэ отстол о ябьяв, пока на стидэла кадэла ловэ. Инке вонэ на камлоп, кай о тэрно тэ ашавэл и пианерско служэния и тэ терэл пэ бути вся о дес, кай тэ затерэл барэ ловэ важ о ябьяв.

Если андэ страна, кай тумэ жувэн, па законо трэбуй тэ потинэн о калымо пала тэрни, тоди тумэнди прижалапэ када тэ стерэн. Васо? Андэ Библия ԥэнэнпэ, кай о христианино трэбуй тэ «кандэл кодэлэн, кастэ исин власть» и тэ жувэл па законо, саво на жал против лэ Дэвлэстири воля (Рим. 13:1; Деян. 5:29).