Ай тумэ ӷанэн?

Сар андэ библейско время и мануша полэнас, кай залэлпэ нэво бэрш и нэво шон?

КАЙ и евреёря пэ Обетованно ԥув о бэрш залэласпэ кодэла времятар, кала пахыинас и ԥув и сеинас о зэрно. Адес када сентябрё — октябрё.

И мануша полэнас, скати деса андо шон па кода, важ скати деса и луна прожал круӷом и ԥув. Обычно када 29 или 30 деса. Пэ кацаво календарё ԥэнэн луно календарё, и андэр лэстэ 12 шона. Ай кадяжэ исин солнечно календарё. И мануша полэн, скати деса андо бэрш па кодэя время, кала и ԥув прожал круӷом о қам. Но о луно бэрш май скурто, чем о солнечно бэрш. Важ када и мануша трэбуй сас варисо тэ стерэн, кай и время тэ авэл еқэндар. Например, можно сас тэ достон дэсавэ деса каринг и шона или дэкала цыло шон, кала залэлпэ о бэрш. Када поможыяс тэ полэн, кала па календарё трэбуй тэ сеин и тэ стидэн о зэрно.

Андэ лэ Моисеёстирэ деса, о Иегова ԥэндя пэстирэ народости, кай о свынто бэрш лэла тэ залэлпэ весной лэ шонэстар авиво, или нисано (Исх. 12:2; 13:4). Андэ кадэва шон, кала жалас о празнико, и израильтяноря анэнас лэ Иеговасти пэрво урожаё па ячменё (Исх. 23:15, 16).

Ек историко, савэс ақарэн Эмиль Шюрер пистросардя: «О правило, па саво решали тэ достон инке ек шон или най, сас фартэ вушэро. И Патради, сави справинас 14 нисана андэ полнолуния, всегда трэбуй сас тэ авэл посли кодэва дес, кала о дес и рят па время еқэндар. [...] Важ када, кала в концэ ӷода диқэнас, кай пэ авэр бэрш и Патради авэла жы каринг кадэва дес, тоди англа нисано достонас инке ек [13-то] шон».

Лэ Иеговастирэ свидетеля лэн кадэва правило, кала камэн тэ полэн андэ саво дес тэ проандярэн лэ Иисусостири Вечеря, сави прожал весной 14 нисана па еврейско календарё. Андэ всаворэ собрании ԥэнэн пала кадэва дес май данглал.

Но сар и евреёря виадинонас, кай залэлпэ нэво шон? Адес важ када хутила просто тэ диқас по календарё, саво исин пэ стина или андо телефоно. Но андэ дэлмутни время када сас най кадя вушэро тэ стерэн.

Кала жувэлас о Ноё, андэ всаворэ шона сас 30 деса (Быт. 7:11, 24; 8:3, 4). Но потом кай и евреёря паруделя, скати деса сас андо шон. Андо еврейско календарё о шон залэласпэ кодэлэ десэстар, кала сас и новолуния (кала лэлас набут тэ дицол и луна). Важ када о шон сас 29 или 30 деса.

Андэ Библия пистромэ, кай еқвар о Давидо и о Ионафано ԥэндэ пала дес, кала залэласпэ нэво шон: «Тэся авэла новолуния» (1 Сам. 20:5, 18). Када сыкавэл, кай жы каринг о адинацэто вико до н. э. и мануша ужэ май данглал виадинонас, кала залэлпэ о шон. Сар и израильтяноря моӷли тэ полэн, кай заляпэ нэво шон? Пала када ԥэнэнпэ андэ Мишна́, кай пистромэ пала иудейски законоря и традицыи. Котэ пистромэ, кай посли кода, сар и иудеёря рисайлэ анда плено, кадэлэса линэ тэ залэнпэ и мануша анда Синедрионо (ӷлавно иудейско сындо). Андэ кодэла шона, кала сас празникоря, и сындомаря стидэнаспэ рано утром андо 30 дес андо шон. Вонэ трэбуй сас тэ виадинон, кала трэбуй тэ залэлпэ о нэво шон. Сар вонэ када терэнас?

Круӷом Иерусалимо пэ плая стонас лэ манушэн, кай вонэ тэ следин пала када. Вонэ диқэнас и рят по нэбо, кала лэла тэ дицол набут и луна. Кала вонэ ла додиқэнас, вонэ сразу када пэрэдэнас андо Синедрионо. Сар кати лэнди пала када ԥэнэнас най ек мануш, и сындомаря прилэнас ришэния, кай кадэва 30 дес авэла пэрво дес андо нэво шон. Но со, если через и тучи или о тумано, на дицолас и луна? Тоди ԥэнэнас, кай андэ кадэва шон авэла 30 деса, ай о нэво шон залэлапэ пэ авэр дес.

Андэ Мишна́ сас пистромэ, кай и мануша андо Иерусалимо уӷанэнас, сави ришэния приля о Синедрионо, кала вимэкэнас и яг пэ Маслично плай паша форо. Кай када тэ уӷанэн и мануша, савэ жувэнас май дур, вонэ стонас яга пэ вуче ҭана па вся и страна. Ай ӷэт май интя бишалэнас лэ манушэн, кай вонэ всаворэнди тэ росԥэнэн пала када. Важ када всаворэ евреёря уӷанэнас пала кадэя ришэния, кай бы вонэ тэ на жувэн: андо Иерусалимо, андэ авэр фороря и гава и андэ дурутнэ ҭана. Блаӷодаря кадэлэсти всаворэ мануша андэ ек время моӷли тэ справин празникоря, савэ прожанас кажно бэрш.

Май бут пала еврейско календарё тумэ можэте тэ уӷанэн анда таблица.