И читателя пушэн
Васо посли кода, сар арақаделя о Иисусо, о Иосифо и Мария ашэлэпэ андо Вифлеемо и на рисайлэ цэрэ андо Назарето?
Андэ Библия нинай атвето пэ кадэва вопросо. Но андэр латэ исин интересни маменторя, савэ поможын тэ полас, васо вонэ прилинэ кацави ришэния.
О анӷело ԥэндя ла Марияти, кай вой заԥирэла и анэна шавэс. Андэ кодэя время и Мария и о Иосифо жувэнас андо Назарето андэ Галилея (Луки 1:26—31; 2:4). Потом дэсави время вонэ жувэнас андо Египто, ай тоди рисайлэ андо Назарето. О Иисусо вибареля андэ кадэва форо и ашэля назаретянино (Матф. 2:19—23). Важ када, кала амэ дас дума пала Иисусо, Иосифо и Мария амэ часто вспоминаем пала форо Назарето.
И Елизавета, сави сас лэ Захариястири хулаи, сас родо ла Марияти. О Захария сас рашай и вонэ ла хулаяса жувэнас андэ Иудея. Кай и Елизавета арақаделя о Иоано Крестителё (Луки 1:5, 9, 13, 36). И Мария авеля андэ Иудея каринг и Елизавета и пробэшля латэ варикай 3 шон, ай тоди рисайля андо Назарето (Луки 1:39, 40, 56). Вижал, и Мария ӷанэнас дэсавэ ҭана андэ Иудея.
Ӷэт май интя о правителё приԥэндя тэ стерэн перепись. О Иосифо жыля анда Назарето андо Вифлеемо. О Вифлеемо сас лэ Давидоско форо, андэ саво трэбуй сас тэ арақадёл о Миси́я (Луки 2:3, 4; 1 Сам. 17:15; 20:6; Мих. 5:2). Сар ԥэнэнаспэ андо пророчество, котэ кай и Мария арақаделя о Иисусо. О Иосифо на камэлас, кай вой лэ ԥарнэндирэ бэятоса тэ жал андо баро дром палпалэ андо Назарето. Важ када вонэ ашэлэпэ андо Вифлеемо. Кадэва форо находийпэ паша Иерусалимо, варикай 9 километров лэстар. Важ када лэнди сас удобно тэ авэн пэстирэ барэдэрэ шавэса андо храмо и тэ анэн жэртвы, пала савэ сас ԥэндо андо законо (Лев. 12:2, 6—8; Луки 2:22—24).
Инке сар о Иисусо на арақаделя лэ Дэвлэско анӷело ԥэндя ла Марияти, кай лако шаво бэшэла пэ лэ Давидоско троно и ашэла Царёса. Возможно, о Иосифо и Мария гиндонас, кай када фартэ важно, кай о Иисусо тэ арақадёл андэ лэ Давидоско форо (Луки 1:32, 33; 2:11, 17). Вонэ моӷли тэ гиндон, кай авэла годявэрнэс и дальшэ тэ ашэнпэ котэ и тэ аштярэн, со ԥэнэна о Дэл.
Амэ на ӷанас, скати время вонэ прожудэ андо Вифлеемо каринг кодэва маменто, сар авелэ и драбатяримаря. Но кала вонэ авелэ, о Иосифо и Мария жувэнас андо цэр и пала лэнго шаво ԥэнэнпэ сар пала «бэято», ай най сар пала ԥарнэнго бэято (Матф. 2:11). Анда када дицол, кай посли кода, сар прожыля и перепись, вонэ на рисайлэ андо Назарето, ай заритярделэ андо Вифлеемо и жувэнас котэ дэсави время, кай дажэ успели тэ прижувэнпэ.
О Ирадо «приԥэндя, кай андо Вифлее́мо... тэ умарэн всаворэ́ шаворэн, савэнди инке на сас дуй бэрш» (Матф. 2:16). О Дэл май данглал ԥэндя пала када лэ Иосифости, важ када во заля ла Мария и лэ Иисусос и унашля андо Египто. Вонэ ашэнаспэ котэ, пока на муля о Ирадо. Посли када о Иосифо лэ ереса пэрэлагля андо Назарето. Васо вонэ на рисайлэ андо Вифлеемо? Важ кода кай андэ кодэя время андэ Иудея правияс лэ Ирадоско шаво о Архилаё, ай во сас жэстоко мануш. Инке о Дэл андэ сунэстэ ԥэндя лэ Иосифости, кай во тэ на жал интя. Андо Назарето сас безопасно и о Иосифо моӷ тэ барярэл лэ Иисусос и тэ сытярэл лэс лэ Дэвлэстирэ законости (Матф. 2:19—22; 13:55; Луки 2:39, 52).
Возможно, о Иосифо муля жы каринг кода, сар о Иисусо дя возможность аврэ манушэнди тэ жувэн по нэбо. Вижал, о Иосифо рияпэ каринг и жызня пэ ԥув. Бут мануша смоӷут лэса тэ диқэнпэ и тэ уӷанэн май бут пала кода, васо кала о Иисусо арақаделя, вонэ ла Марияса ашэлэпэ андо Вифлеемо.