Ай тумэ ӷанэн?
Васо машкар лэ Давидостирэ халавдэ сас и мануша анда авэр народоря?
АНДЭ лэ Давидостири армия сас най кати евреёря. Например, машкар лэстирэ халавдэ сас о амонитянино Целеко, о хето Урия и о моавитянино Итма (1 Лет. 11:39, 41, 46)a. Инке кай о Давидо служынас «керетеёря, пелетеёря, ай кадяжэ гатяноря» (2 Сам. 15:18). Сар амэ ӷанас, и керетеёря и пелетеёря — пашутно лэ филистимлянонэго родо (Иез. 25:16). Ай и гатяноря — када кодэла, ко жувэнас андо филистимско форо Гато (Иис. Н. 13:2, 3; 1 Сам. 6:17, 18).
Васо о Давидо лэлас андэ пэстири армия лэ манушэн, савэ сас па чужо краё? Во патялас, кай вонэ отдэна пэско ди важ лэстэ, ай само ӷлавно — важ о Иегова. Например, акэ со ԥэнэнпэ андэ ек библейско справочнико пала керетеёря и пелетеёря: «Вонэ на ашавэнас и подритярэнас лэ Давидос андэ само ԥари время, кала во правияс» (The New Interpreter’s Dictionary of the Bible). Пала со жал и дума? Кала «всаворэ израильтяноря ашадэ лэ Давидос» и жылэ пала Шева, саво вазгляпэ против о Давидо, и керетеёря и пелетеёря ашэлэпэ лэ царёса. Вонэ поможысардэ лэсти тэ улэн кадэва бунто (2 Сам. 20:1, 2, 7). Ӷэт май интя лэ Давидоско шаво о Адония закамля тэ захутилэл о троно. Но и керетеёря и пелетеёря на ашадэ лэ Давидос и поможысардэ, кай по троно тэ бэшэл о Саламоно, савэс витидя о Иегова (1 Цар. 1:24—27, 38, 39).
Инке ек мануш, саво на сас израильтянино и саво на ашадя лэ Давидос, када о гатянино Иттаё. Во и лэстирэ 600 халавдэ подритярдэ лэ царёс, кала о Авессаломо вазгляпэ против о Давидо и андярдя пала пэстэ бутэ израильтянонэн. Сар мануш анда авэр народо, о Иттаё нэ обязано сас тэ жал пэ война важ о царё. И о Давидо кадя лэсти и ԥэндя. Но во атветил: «Солахав англа жундо Дэл, Иегова, ай кадяжэ по царё, саво мэрно хулай! Кай ту авэса, котэ авэла и тиро рабо, мэ ӷотово дажэ тэ мэрав туса!» (2 Сам. 15:6, 18—21).
О Иттаё отдэлас пэско ди важ о Давидо, савэс витидя о Иегова
Хоть и керетеёря, и пелетеёря и гатяноря на сас анда израильско народо, вонэ прижанэнас, кай о Иегова — чачуно Дэл и кай во витидя лэ Давидос тэ авэл царё. О Давидо сас блаӷодарно, кай паша лэстэ кацавэ надёжни мануша!
a Андэ лэ Дэвлэско законо, саво запистромэ андэ Второзаконие 23:3—6, ԥэнэнпэ, кай и амонитяноря и моавитяноря нэ моӷли тэ авэн андэ лэ Иеговаско народо. Возможно, када сыкавэлас, кай лэндэ на сас право пэ вся, со моӷли тэ терэн и израильтяноря. Но лэндэ на сас запрето тэ общяюца лэ израильтянонэнца или тэ жувэн машкар лэндэ. Диқэн «Понимание Писания», книӷа пэрво, страница 80.