7. Сытярэн кодэлэсти, со лашо

ВАСО?

Кажно мануш витидэл важ пэстэ, сар во лэла тэ жувэл. Кала о мануш витидэл ни андэр со тэ на хохавэл, тоди во лэла тэ сытярэл пэстирэ бэятонэн, кай и вонэ тэ на хохавэн.

О дад и дэй трэбуй екжэнэ тэ ӷанэн, сар трэбуй пэс тэ андярэн. Вонэ трэбуй тэ любин тэ терэн и дила, тэ авэн справедливи, и тэ заботинпэ пала авэр. Кадэлэсти о мануш май вушэро сытёл, кала во инке тэрноро.

БИБЛЕЙСКО ПРИНЦЫПО. «Сытяр лэ шаворэс тэ жал па дром, па саво трэбуй. И дажэ тоди, кала во ԥурёла, во на сжала пар лэстэ» (Притчи 22:6).

ВАСО КАДА ВАЖНО?

Адес исин бут электронни устройства, важ када трэбуй тэ сытярэн лэ бэятонэн, кай тэ полэн, со лашо, ай со най. «Ек дэй, савя ақарэн Карэн, ԥэнэн: „Адес через кода, саво найлашимос и бэяцэ моӷут тэ диқэн андэ телефоноря, римой лэн. И бэяцэ моӷут спокойно тэ бэшэн паша тутэ и тэ диқэн па телефоно кацаво, состар терэлпэ найдраго!“»

БИБЛЕЙСКО ПРИНЦЫПО. «И взросли мануша... сытелэ тэ полэн, со лашо, ай со най» (Евреям 5:14).

Андярэн пэс пативалэс. Ԥэнэн аврэнди «наис», «мангав тут» и шон сама аврэн. Адес и мануша почти бистэрдэ, сар када тэ андярэн пэс пативалэс, важ кода кай и мануша фартэ бут время бэшэн андэ телефоноря.

БИБЛЕЙСКО ПРИНЦЫПО. «Андярэн пэс лэ манушэнца кадя, сар камэн, кай вонэ тэ андярэн пэс тумэнца» (Луки 6:31).

СО МОЖНО ТЭ СТЕРЭС?

Росԥэнэн лэ бэятонэнди, сар вонэ тэ андярэн пэс. И учони доԥэндэ, кай кала о дад и дэй ԥэнэнас лэ бэятонэнди, кай жы каринг о брако нащи тэ авэл нисо, со можэт тэ авэл кати машкар хулай и хулаи, май бут андар лэндэ кандэн пэстирэ родителёнэн.

СОВЕТО. Кала тумэ ашундэ андэ новости пала варисо фартэ жэстоко, тумэ можэте тэ ԥэнэн пэстирэ бэятости: «Сар дэ найдраго, кай лэ манушэндэ исин кадя бут ненависть. Сар гиндос, васо вонэ ашэлэ кацавэ?»

«Лэ бэятонэнди фартэ ԥарэс тэ витидэн машкар лашимос и найлашимос, если лэнди нико на росԥэнэна, со драго, ай со най» (Брэндоно).

Сытярэн лэ бэятонэн тэ андярэн пэс пативалэс. Дажэ и цынёне бэяцэ моӷут тэ сытён тэ ԥэнэн «мангав тут», «наис» и тэ стон патив пэ авэр мануша. Андэ книжка «Родители без границ», ԥэнэнпэ: «Со май драго и бэяцэ полэн, кай вонэ най екжэнэ, кай паша лэндэ исин авэр мануша, када о ери, класо или кодэла, каса вонэ цэлэн андо футболо, тоди вонэ лэна тэ гиндон най кати, со лэнди трэбуй, ай закамэна тэ заботинпэ и пала авэр».

СОВЕТО. Дэн лэ бэятонэнди тэ терэн цэрэ дила, кай вонэ тэ полэн, пэ скати дэ важно тэ поможын аврэнди.

«Кала жы бэятостар присытён тэ терэн и дила па цэр, лэнди май вушэро авэла, кала вонэ подбарёна. Када поможыя лэнди, кай вонэ никала тэ на даран ла дилатар» (Тара).