11. Любин тэ терэн дила

ВАСО?

Кала мануш любий тэ терэл дила, када анэн лашимос. Кацавэ мануша на нашэнтар ла дилатар. Вонэ терэн бути, кай тэ затерэн важ пэстэ и тэ поможын аврэнди, и лэнди када чалёл, хоть и бути можэт тэ авэл и найвушэро.

ВАСО КАДА ВАЖНО?

Камас амэ када чи най, но андэ жызня часто трэбуй тэ ласпэ тэ терас варисави дила. Андэ люма никасти почти на чалёл тэ терэл бути, но исин мануша, савэ любин тэ терэн дила и радуинпэ кадэлэсти (Экклезиаст 3:13).

«Если мэ драго стердэм и дила, мэ абуросарав пэса и манди по ди драго. Када поможый манди тэ любисарав тэ терав дила. Кадяжэ, кала о мануш любий тэ терэл дила, тоди и авэр лэна тэ дэн дума пала лэстэ драго» (Рейоно).

БИБЛЕЙСКО ПРИНЦЫПО. «Любо найвушэро дила анэн лашимос» (Притчи 14:23).

СО МОЖНО ТЭ СТЕРЭС?

Кай тэ чалёл тути тири бути, тути поможына кадэла советоря.

Сытюв, кай тути драго тэ авэл по ди кодэлэстар, кай ту драго терэс и бути. Если тутэ варисо вижыля драго тэ терэс, погиндосар, сар тэ терэс када инке май драго и май йто. Сави бы дила тэ на терэс, можэт па цэр прилэс, или урокоря терэс, или кай ловэ тэ затерэс, тер вся анда оди. Со май драго тутэ лэла када тэ вижал, со май фартэ тути чалёла тири бути.

БИБЛЕЙСКО ПРИНЦЫПО. «Диқлян ту лэ манушэс, саво драго ӷанэн тэ терэл пэстири дила? Во лэла тэ тердёл англа царёря. Во на лэла тэ тердёл англа прости мануша» (Притчи 22:29).

Старысав тэ терэс вся, со можэш. Если ту анда вся оди терэс пэстири бути, када анэн лашимос аврэнди. Сар цэрэ кажно терэл пэстири дила, кадэлэстар ашэл май вушэро аврэнди андо ери.

БИБЛЕЙСКО ПРИНЦЫПО. «Май бари бах, кала дас, чем кала лас» (Деяния 20:35).

Тер май бут. На тердюв пэ кода, кай стердян набут дила, стер май бут, чем трэбуй. Тоди тутэ вижала, кай ту тэ авэс хулай пэ пэстири жызня, важ кода кай ту стердян варисо, най через кода, кай тут застависардэ, ай важ кода кай екжэно кадя закамлян (Матфея 5:41).

БИБЛЕЙСКО ПРИНЦЫПО. «Но мэ нисо на камав тэ терав, пока ту на ԥэнэса, кай ту соӷласно, кай тири лащи дила тэ авэл най важ кода, кай кадя трэбуй, ай важ кода, кай ту екжэно кадя закамлян» (Филимону 14).

Ав мудро. И мануша, савэ любин тэ терэн дила, кадяжэ ӷанэн и тэ отцыён.

БИБЛЕЙСКО ПРИНЦЫПО. «Фэдэр набут покоё, чем бут ԥари бути и тэ ӷониспэ пала балвал» (Экклезиаст 4:6).