Со и старейшыноря терэн важ и собрания?

Андэ амари арӷанизацыя амэ никасти на потинас ловэ, кай тэ диқэн пала амэндэ. Но амэндэ исин старейшыноря, савэн стодэ тэ диқэн пала лэ Дэвлэско народо. Кадя жэ сас андо пэрво вико андэ христианско собрания (Деяния 20:28). И старейшыноря, када мануша, савэндэ лащи дружба лэ Дэвлэса и савэ диқэн пала «лэ Дэвлэско стадо... най важ кода, кай трэбуй, ай важ кода кай анда оди камэн. Най важ кода, кай... камэн, кай пэ вас... варисо тэ пэрэл, ай важ кода кай камэн тэ стон зор» (1 Петра 5:1—3). Со вонэ терэн, кай амэнди тэ авэл драго?

Вонэ фэрин и собрания. И старейшыноря дэн помощь и фэрин и собрания. Вонэ полэн, сави дила дя лэнди о Иегова, и важ када вонэ на андярэн пэс сар хула́я пэ лэско народо, ай терэн вся, кай амэндэ тэ авэл лашимос и амэ тэ авас радосни (2 Коринфянам 1:24). Сар лашо пастухо, саво ӷанэн кажнонэ бакрорэс андэ пэско стадо, и старейшыноря терэн вся, кай май драго тэ уӷанэн кажнонэс андэ пэстири собрания (Притчи 27:23).

Вонэ сытярэн амэн тэ терас кадя, сар камэл о Дэл. Кажно курко и старейшыноря проандярэн и собрании, кай амэ тэ авас инке май пашэ каринг о Дэл (Деяния 15:32). Кадэла старейшыноря, савэ на парашэн тэ кандэн лэ Иеговас, сытярэн амэн и ԥирэн амэнца тэ росԥэнэн важ о Дэл па цэра и котэ, кай исин мануша.

Вонэ шон сама кажнонэс андэ собрания. И старейшыноря поможын кажнонэсти андэ собрания, кай лэстири вера тэ авэл май састи. Вонэ подритярэн амэн через лэ Дэвлэско алав, кай амэнди тэ авэл май вушэро по ди. Важ када и старейшыноря моӷут тэ авэн амэндэ цэрэ пэ пастырско или тэ подэн дума амэнца пэ собрания (Иакова 5:14, 15).

Кай бут старейшыноря исин еря, важ када лэнди трэбуй най кати тэ терэн и дила андэ собрания, но и тэ диқэн пала пэстирэ еря. Амэнди трэбуй тэ стас патив пэ кадэла старейшыноря и тэ любисарас лэн (1 Фессалоникийцам 5:12, 13).

• Со терэн и старейшыноря андэ собрания?

• Сар и старейшыноря шон сама кажнонэс андэ собрания?