Сар амэнди поможын и раёни надзирателя?

Андэ Христиански Гречески Писании най еқвар ԥэнэнпэ пала Варнава и пала апостоло Павло. Кадэла ԥрала служынас, сар разъездни надзирателя андэ пэрви христиански собрании. Васо вонэ када терэнас? Вонэ анда оди камэнас тэ поможын лэ ԥралэнди анда собрании, кай лэндэ тэ авэл вся драго мишто. Еқвар о Павло ԥэндя лэ Варнавасти: «Давай рисаваса и зажаса кай и ԥрала... диқаса, сар лэндэ и дила». Во камэлас тэ прожал бут километроря кати важ кода, кай тэ подритярэл лэ ԥралэн и лэ ԥэян (Деяния 15:36). Андэ амари время и раёни надзирателя терэн кадяжэ.

Вонэ авэн, кай тэ подритярэн амэн. О раёно надзирателё авэл варикай андэ 20 собрании (када ек раёно) дувар андо бэрш и проандярэл кажнона собранияса ек курко. Амэ можэм бутэсти тэ сытювас кацавэ ԥралэндар и лэндирэ хулаяндар. Вонэ терэн вся, кай тэ уӷанэн кажнонэс андэ собрания. Кадяжэ вонэ уӷанэн май драго лэ бэятонэн и лэ ԥурэн. Инке вонэ анда вся оди росԥэнэн амэнца важ о Дэл па цэра и ԥирэн кай и мануша, савэ сытён па Библия. И раёни надзирателя ԥирэн лэ старейшынонэнца пэ пасторски, ай кадяжэ подритярэн всаворэн амэн, кала росԥэнэн и речи пэ собрании и пэ канӷрэсоря (Деяния 15:35).

Вонэ камэн тэ уӷанэн кажнонэс андэ собрания. И раёни надзирателя терэн вся, кай андэ собрания лэ ԥралэндэ и лэ ԥэяндэ тэ авэл лащи дружба лэ Дэвлэса. Вонэ стидэнпэ лэ старейшынонэнца и лэ служэбнонэ помошниконэнца, кай лэн тэ похвалин и тэ дэн лэнди совето. И раёни надзирателя поможын лэ пианеронэнди май драго тэ росԥэнэн важ о Дэл. Кадяжэ вонэ уӷанэн нэвэ манушэн андэ собрания и шон сама пэ кода, со лэндэ драго вижал тэ терэн важ о Дэл. Кажно анда кадэла ԥрала отдэл бут время и зор андэ служэния, кай амэндэ тэ авэл лашимос (2 Коринфянам 8:23). Амэ можэм тэ сытювас кодэлэстар, сар вонэ патян и на парашэн тэ кандэн лэ Дэвлэс (Евреям 13:7).

• Васо и раёни надзирателя авэн андэ собрании?

• Сар тути поможыя кода, кай вонэ авэн андэ собрания?