Ко када «о годявэрно и кандино рабо»?

Англа пэстири смэрть о Иисусо дя дума лэ штарэ учениконэнца, када о Пётро, о Иаково, о Иоанно и о Андреё. О Иисусо росԥэндя, савэ авэна и послидни деса, ай тоди пушля: «Ко о годявэрно и кандино рабо, савэс о ӷосподино стодя тэ диқэл пала кодэла, ко андэ лэско цэр, кай тэ дэл лэнди о хамос, кала када трэбуй?» (Матфея 24:3, 45; Марка 13:3, 4). О Иисусо дя алав пэстирэ учениконэнди, кай во, сар лэнго «ӷосподино», стола лэ рабос. Кадэва рабо андэ послидни деса лэла тэ диқэл пала лэндэ, кай вонэ драго тэ ӷанэн лэ Дэвлэс. Ко кадэва «рабо»?

Када набут мануша анда памазани христианоря. «Рабо», када о Руководящё совето кай лэ Иеговастирэ свидетеля. Через лэстэ лэ Дэвлэстирэ служытеля уӷанэн пала вся, со жал лэ Иеговастар. Би кадэлэ годявэрнэ рабоско амэндэ на авелоп «о хамос, кала када трэбуй» (Луки 12:42).

Лэс стодэ тэ диқэл пала дила андэ лэ Дэвлэско цэр (1 Тимофею 3:15). О Иисусо дя лэ рабости бари дила, кай во тэ диқэл пала лэ Иеговастири арӷанизацыя пэ ԥув. Важ када во дя лэ рабости тэ ԥэнэн, каринг трэбуй тэ тратинпэ и ловэ, сар амэнди тэ росԥэнас важ о Дэл, и дя лэсти тэ сытярэл амэн андэ собрании. «О годявэрно и кандино рабо» дэл амэнди май драго тэ уӷанас лэ Дэвлэс через и литература, ай кадяжэ через и собрании и канӷрэсоря.

Кадэва «рабо» годявэрно, важ кода кай драго терэл вся и дила, сави дя лэсти пэ ԥув о Христос. Во кадяжэ кандино, важ кода кай во вся и время терэл кадя, сар пистромэ андэ Библия и на парашэл тэ росԥэнэн и лащи новость (Деяния 10:42). О Иегова блаӷословий кадэя дила и терэл вся, кай и мануша тэ уӷанэн май бут важ лэстэ и тэ авэн андэ лэстири арӷанизацыя (Исаия 60:22; 65:13).

• Кас о Иисусо стодя, кай во тэ поможый лэ учениконэнди драго тэ ӷанэн лэ Дэвлэс?

• Андэр со кадэва «рабо» годявэрно и кандино?