Со када Вефилё?

Па древнееврейско шыб о алав «Вефилё», када «лэ Дэвлэско цэр» (Бытие 28:17, 19, сноска). Кадэва алав фартэ поджал каринг и здании, андэ савэ терэн лэ Дэвлэстири дила. Кацавэ здании кай лэ Иеговастирэ свидетеля исин па вся и ԥув. О Руководящё совето терэл дила андо Вефилё андэ США, штато Нью-Йорко. Котар и ԥрала диқэн пала дила, сави терэн и филиалоря андэ разни страны. Пэ кодэла, ко служый андо Вефилё, ԥэнэн вефильско ери. Сар андо баро дружно ери, и вефильцоря вмести жувэн, терэн дила, сытён па Библия, ай кадяжэ вмести хан и пэн (Псалом 133:1).

Особо ери, кай кажно анда вся оди служый аврэнди. И вефильцоря отдэн вся пэстири время и зор, кай тэ терэн кода, со камэл о Дэл и кода, со трэбуй важ о Царство (Матфея 6:33). Никасти андар лэндэ на потинэн. Но всаворэндэ исин, кай тэ жувэн, со тэ хан и набут ловэ важ пэстэ. Кажнонэстэ андо Вефилё исин дила, например андо офисо, пэ кухня или андэ столова. Варико терэл дила котэ, кай терэн или стидэн амари литература. Ай дэко прилэл андэ комнаты, халавэл и йда, терэл ремонто и инке бут авэр дила, сави фартэ трэбуй.

Стон бут зор, кай и мануша тэ уӷанэн пала Царство. Ӷлавно, со трэбуй тэ терэл кажно Вефилё, када тэ росԥэнэн май бутэ манушэнди пала чачимос анда Библия. Кадэя брашура драго када сыкавэл. Пала кода, кай тэ пистрон кадэя брашура, диқэлас о Руководящё совето. Тоди ла розбишалдэ па вся и ԥув кодэлэнди, ко пэрэандярэн амари литература. Кадэя брашура напечатано пэ фартэ быстри машыны андэ дэсавэ Вефилёря и ла розындярдэ май бут чем андэ 120 000 собрании. Андэ вся кадэя дила и вефильцоря стонас бут зор. Вонэ дэнас помощь андэ само ӷлавно, кай и мануша тэ уӷанэн и лащи новость (Марка 13:10).

• Ко служый андо Вефилё и пэ савэ ловэ вонэ жувэн?

• Состэ трэбуй о Вефилё?