Сави дила терэн андо филиало?

И ԥрала и ԥэя андо Вефилё терэн дила андэ разни отделоря и кадя поможын, кай и служэния драго тэ жал андэ ек страна или андэ май бут страны. Вонэ пэрэандярэн и литература, печатают и журналоря, стидэн и книжки, ай кадяжэ терэн дила по складо кай и литература, запистрон аудио и видео и терэн авэр важно дила.

Камитето, саво диқэл пала филиало. О Руководящё совето дя тэ диқэл пала филиало лэ ԥралэнди, савэ ужан андо лэ филиалоско камитето. Андо камитето трэбуй тэ авэн трин чи май бут старейшыноря. О камитето росԥэнэн лэ ԥралэнди анда Руководящё совето пала кода, сар жал и дила важ о Царство андэ кодэла страны, пала савэ диқэл о филиало, и пала кода, саво котэ исин ԥаримос. Када поможый, кай о Руководящё совето тэ полэл, савэ темы трэбуй тэ авэн андэ литература, пэ собрании и пэ канӷрэсоря. О Руководящё совето кажно разо бишалэл андэ филиалоря дэсавэ ԥралэн. Кадэла ԥрала авэн андэ филиалоря и пэрэдэн лэ ԥралэнди анда лэ филиалоско камитето, со и сар лэнди трэбуй тэ терэн андэ пэстири служэния (Притчи 11:14). Важ кодэла, ко жувэл андэ страна, пала сави диқэл о филиало, стидэн спецыально собрания, пэ сави о представителё анда ӷлавно управления ԥэнэн речь.

Диқэн пала собрании. И ответственни ԥрала андо филиало ришают, трэбуй тэ стидэн нэвэ собрании чи най. Кадяжэ, кадэла ԥрала диқэн пала служэния, сави исин кай и пианероря, мисианероря и раёни надзирателя андэ кодэла ҭана, пала савэ диқэл о филиало. Вонэ диқэн пала кода, кай тэ авэн и канӷрэсоря, тэ строин и залоря и тэ розбишалэн и литература андэ собрании. Вся, со терэл о филиало, трэбуй важ кода, кай андэ лэ Дэвлэстири дила тэ авэл порядко (1 Коринфянам 14:33, 40).

• Сар о Руководящё совето и лэ филиалоско камитето терэн ек дила?

• Пала со диқэн и филиалоря?