Васо и сар амэ строисарас амарэ залоря?

Пэ залоря, кай амэ стидэспэ, кадяжэ ԥэнэн Залоря Царства, важ кода кай лэ Дэвлэско Царство, када ӷлавно, сости сытярэл и Библия и ӷлавно, пала со росԥэнэнас о Иисусо (Луки 8:1).

Ҭана, кай тэлён лэ чачунэ Дэвлэсти. Котэ стидэнпэ, кай тэ сытён май драго тэ росԥэнэн пала Дэл (Матфея 24:14). Кадэла залоря разни, но всаворэ вонэ прости. Часто андэ ек зало тидэлпэ най ек собрания. Важ и послидни бэрша амэ строисардям фартэ бут нэвэ залоря, важ кода кай пэ амарэ собрании авэн май бут и май бут мануша. Сар амэндэ када вижыля? (Матфея 19:26).

Вонэ строинпэ пэ ловэ, савэ дэн и мануша екжэнэ пэстар. Кадэла ловэ бишалэн андо филиало, кай и собрании тэ строин и тэ терэн ремонторя андэ залоря.

И добровольцоря терэн дила би ловэнго. Исин ԥрала и ԥэя, савэ строин амарэ залоря. Машкар лэндэ исин добровольцоря, савэ поможын дэсави время, и кодэла, ко вся и время терэн кадэя дила. Андэ территория, пала сави диқэл о филиало, вонэ пэрэладэн анда ек собрания андэ авэр. Кадя вонэ поможын тэ строин и залоря лэ ԥралэнди, савэ котэ жувэн и дажэ кодэлэнди, ко жувэл андэ дурутнэ ҭана. И залоря строин и ԥрала и ԥэя анда авэр ҭана, савэ драго ӷанэн кадэя дила. Но май бут бути терэн и свидетеля, савэ жувэн котэ, кай строин. Кода, кай строин и залоря, када чаче бари дила. Вся када терэлпэ кати через лэ Дэвлэско духо и о зор, саво стон лэстирэ служытеля (Псалом 127:1; Колоссянам 3:23).

• Васо амэ строисарас и Залоря Царства?

• Сар амэндэ вижал тэ строисарас и залоря па вся и ԥув?