Авэла время, кала на авэна и биды?
Со ту ԥэнэса?
Да.
Най.
На ӷанав.
СО ԤЭНЭНПЭ АНДЭ БИБЛИЯ?
«[О Дэл] виқосэла всаворэ ясва па лэндирэ яқа, и смерть будэр на авэла, ни сави бида, ни дук будэр на авэна» (Откровение 21:4, Нэвэ мироско переводо).
СО КАДА ТУТИ ДЭЛА?
Фартэ патяса, кай о Дэл на терэл и биды (Иакова 1:13).
По ди авэла драго кодэлэстар, кала уӷанэса, кай о Дэл тут полэл (Захария 2:8).
Авэса точно тэ ӷанэс, кай англэ и биды на авэна (Псалом 37:9—11).
МОЖНО ТЭ ПАТЯС АНДЭ КОДА, СО ԤЭНЭНПЭ АНДЭ БИБЛИЯ?
Да, и пэ када исин бут причины, роздиқаса дуй:
О Дэл ненавидит, кала терэнпэ и биды, и сар терэн вся найлашимос и найчачимос. Со сас по ди кай о Дэл Иегова, кала лэстирэ народос фартэ тасавэнас? Андэ Библия ԥэнэнпэ, кай лэстэ дуқалас оди, сар во диқэлас, кала и мануша «цыпин через кодэла, ко лэн тасавэн» (Судей 2:18).
Лэ Дэвлэсти най вся ек, сар и мануша на дэн жизнь аврэнди. Андэ Библия пистромэ, кай о Дэл ненавидит манушэн, «савэ терэн, кай тэ жал о рат кодэлэндар, ко найдошало» (Притчи 6:16, 17).
О Дэл диқэл и фэрисарэл кажнонэс. Андэ Библия пистромэ, кай «кажно ӷанэл пэсти бида и сар ԥарэс по ди». Амэ най екжэнэ, кала амэнди ԥарэс, када кадяжэ ӷанэл о Иегова (2 Летопись 6:29, 30).
Через пэско Царство о Иегова ито улэла и биды, савэ исин всаворэндэ (Матфея 6:9, 10). И андэ амари время о Дэл лэ одеса полэл и дэл помощь кодэлэнди, ко родэл лэс (Деяния 17:27; 2 Коринфянам 1:3, 4).