О Моисеё витидэл тэ терэл лэ Иеговастири дила

Андо Египто, анда лэ Иаковоско ери вижыля о народо Израилё. После кода, сар муля о Иаково и о Иосифо, андо Египто ля тэ правий авэр фараоно. Во даралас, кай и израильтяноря ашэна май зоралэ, чем и египтяноря. И тоди кадэва фараоно закамля, кай израильтяноря тэ авэн лэстирэ раборя. Во стердя, кай вонэ линэ тэ терэн кирпичоря и тэ терэн бут бути пэ мал. Но со май бут о фараоно тасавэлас пэ израильтяноря, кай вонэ тэ терэн бути, со май зоралэ вонэ ашэнас и со май бут лэн сас. Лэ фараоности када на чалеля, и во приԥэндя тэ умарэн всаворэ шаворэн кай израильтяноря, савэ кати арақадёнпэ. Кати погиндосар, сар пэрэдарайлэ всаворэ израильтяноря!

Кай израильтянка, савя ақарэнас Иохаведа, арақаделяпэ шукарно бэято. Кай тэ фэрий лэ бэятос, вой стодя лэс андэ корзинка и гарадя ла андэ чар паша бэрэӷо андэ лэн Нило. Лэ бэятости ԥэй, савя ақарэнас Мариам, отжыля найдур, кай тэ диқэл, со авэла лэ бэятоса.

Каринг и лэн поджыля лэ фараоности щей, кай тэ наёл, и додиқля и корзинка. Котэ сас бэято, саво ровэлас. Лати ашэля лэс фартэ жалко. И Мариам пушля: «Камэс, мэ арақава манушня, сави диқэла пала бэято?» Лэ фараоности щей ԥэндя, кай камэл. И Мариам ақардя ла да, ла Иохаведа́. Лэ фараоности щей ԥэндя лати: «Видик кадэлэ бэятос, ай мэ тути важ када потинава».

Кала о бэято подбареля, и Иохаведа андя лэс каринг лэ фараоности щей. Вой дя лэсти алав Моисей и барярэлас лэс, сар пэстирэ чаче шавэс. О Моисеё барёлас, сар лэ фараоностиря щяко шаво и лэстэ авэлоп вся, со во камэл. Но о Моисеё никала на бистрэлас лэ Иеговас. Во ӷанэнас, кай лэско дад и дэй израильтяноря, ай най египтяноря. И во витидя тэ терэл лэ Иеговастири дила.

Лэ Моисеёсти сас 40 бэрш, и во закамля тэ дэл зор пэстирэ народости. Кала о Моисеё диқля, кай о египтянино марэл лэ рабос, саво сас израильтянино, о Моисеё кадя фартэ дядап лэ египтянинос, кай во муля. И тила о Моисеё гарадя андо писко. Кала о фараоно уӷангля пала када, во приԥэндя тэ умарэн лэ Моисеёс. Но о Моисеё унашля андо Мадиамо. Котэ о Иегова пала лэстэ диқэлас и фэрияс.