Вонэ вазглэпэ против о Иегова

Прожыля время. Кала израильтяноря слинэ андэ пустыня, о Кореё, о Дафано, о Авироно и инке 250 манушэн вазглэпэ против Моисеё. Вонэ ԥэндэ: «Амэ цыелям тутар! Амэ будэр на камас, кай ту тэ авэс барэдэр, ай тиро ԥрал само баро рашай. О Иегова най кати туса и лэ Аароноса, но и амэнца». О Иегова када приля, кабута вонэ вазглэпэ против лэстэ!

О Моисеё ԥэндя лэ Кореёсти и кодэлэнди, ко вазглэпэ лэса: «Авэн тэся каринг и бари свынто катуна. Лэн пэса ковшоря, кай ԥабарэнас о фимиамо, саво драго қандэл, и шон кадэва фимиамо андэ кадэла ковшоря. О Иегова сыкавэла, кас во витидэла».

Пэ авэр дес о Кореё и 250 мануша авелэ каринг и бари свынто катуна, кай тердёлас о Моисеё. И мануша, савэ авелэ, динэ яг кадэва фимиамо, кабута вонэ слинэ рашая. О Иегова ԥэндя лэ Моисеёсти и лэ Аароности: «Отжан лэ Кореёстар и лэстирэ манушэндар».

О Дафано, о Авироно и лэндирэ еря на авелэ каринг о Моисеё, сар о Кореё. О Иегова приԥэндя, кай израильтяноря кадяжэ тэ отжан лэндирэ катунэндар. И мануша йто отжылэ. Ай о Дафано, о Авироно и лэндирэ еря терделэ паша пэстирэ катуны. Стердяпэ кода, со вонэ на аштярэнас! И ԥув ԥарэля, и всаворэ вонэ пропэлинэ андэ ԥув! Андэ кадэя время по Кореё и пэ 250 лэстирэ манушэн, савэ тердёнас паша бари свынто катуна, сжыля па нэбо яг и сԥабардя лэн.

О Иегова ԥэндя лэ Моисеёсти: «Лэ рувли кажнонэ манушэстар, саво май баро андэ племя. Пэ кажно рувли пистросар алав, касти вой. Но пэ рувли анда племя Левия пистросар лэ Аароноско алав. Сто и рувля андэ бари свынто катуна. Кас мэ витидава, лэстэ пэ рувли розмэкэнапэ и цвиторя».

Пэ авэр дес о Моисеё виандярдя всаворэ рувля и сыкадя кодэлэнди, ко май баро андэ племя. И рувли лэ Аароности розмэкляпэ и о миндалё пэр латэ сас лашо. Кадя о Иегова сыкадя, кай о Аароно трэбуй тэ авэл само баро рашай.