И Руфь и Ноеминь

Андо Израилё сас боқалимос. Израильтянка Ноеминь пэстирэ хуласа и пэстирэ дуе шавэнца жыля андо Моаво. Прожыля время, лако хулай муля. Латирэ шавэ женисайлэ пэ моавитянки Руфь и Орфа. Но и шавэ кай и Ноеминь кадяжэ мулинэ.

Ноеминь ашундя, кай андо Израилё уже нинай боқалимос и закамля тэ жал цэрэ. И Руфь и Орфа жылэ ласа. Но андо дром и Ноеминь ԥэндя: «Тумэ слинэ лашэ хулая мэрнэ шавэнди, и манди ашэлэ, сар мэрнэ чаче щея. Камав, кай упалэ тумэ тэ жан миростэ. Ринпэ андо Моаво». И боря ԥэндэ: «Амэ тут фартэ любисарас и на камас тэ мэкас». Но и Ноеминь всаек када ԥэнэнас. Тоди и Орфа жыля цэрэ, ай и Руфь ашэляпэ. И Ноеминь ԥэндя: «И Орфа рисайля каринг пэско народо и кай пэстирэ дэвла. Жа и ту ласа». И Руфь ԥэндя: «Мэ на ашавава тут. Тиро народо авэла мэрно народоса, и тиро Дэл мэрно Дэл». Сар ту гиндос, со сас по ди кай и Ноеминь, кала и Руфь када ԥэндя?

Сар кати линэ тэ стидэн о ячменё и Ноеминь ла Руфяса авелэ андо Израилё. Еқвар и Руфь жыля тэ стидэл о зэрно, саво ашэласпэ пэ мал. И мал сас лэ Воозости, саво сас шаво ла Раавако. О Воозо ашундя, кай и Руфь моавитянка и, кай вой на мэкэлас ла Ноеминя, кала лати сас ԥарэс. Во приԥэндя кодэлэнди, ко терэл бути лэстэ пэ мал тэ ашавэн май бут зэрно важ и Руфь.

Андэ кодэва же вэчэро и Ноеминь пушля кай и Руфь: «Пэ касти мал ту адес стидян о зэрно?». И Руфь ԥэндя: «Пэ мал кай о Воозо». И Ноеминь ԥэндя: «О Воозо, родо мэрнэ хуласти. Тидэ о зэрно лэ манушнянца пэ лэсти мал. Котэ туса драго обжанапэ».

Сас время, кай тэ стидэн о зэрно. Вся кадэя время и Руфь терэлас бути пэ мал кай о Воозо. О Воозо шутя сама кай и Руфь лащи манушни и драго терэл бути. Андэ кодэя время, сар кай и манушни мэрэлас о мурш и лэндэ на слинэ шавэ, тоди варико анда лэско родо трэбуй сас тэ женийпэ пэр латэ. Важ када о Воозо женисайля пэ Руфь. Лэндэ арақаделяпэ шаво Овидо. Кадэва бэято авэла лэ Давидоско папо. Ла Ноеминятирэ друӷоря слинэ фартэ лошалэ пала латэ и ԥэндэ: «Спэрва о Иегова дя тути ла Руфя, сави диқэлас пала тутэ, ай акана тутэ арақаделяпэ внуко. Наис лэ Иеговасти!»