О Иеффаё дэл алав

Израильтяноря упалэ парашэлэ тэ кандэн лэ Иеговас и линэ тэ тэлён хохавнэ дэвлэнди. Кала пэр лэндэ динэ аммонитяноря, кадэла хохавнэ дэвла на фэрисардэ лэн. Кай израильтяноря сас ԥаримос бут бэрша. И акэ вонэ линэ тэ мангэн лэ Иеговас: «Амэ тердям бэзэх. Мангас тут, улэ амарэн вороӷонэн». Израильтяноря стердэ, кай тэ на авэн лэндэ хохавнэ дэвла и упалэ линэ тэ тэлён лэ Иеговасти. Тоди о Иегова закамля тэ улэл лэнго ԥаримос.

О воино Иеффаё, трэбуй сас тэ андярэл о народо, кай тэ марэлпэ лэ аммонитянонэнца. Во дя алав лэ Иеговасти: «Сар ту дэса зор тэ вицэлас и война, мэ, кала рисавава цэрэ, отдава тути кодэлэс, ко пэрво вижала анда цэр тэ диқэл, кай мэ авелэм». О Иегова ашундя лэ Иеффаёсти молитва и дя зор тэ вицэлэл и война.

Кала о Иеффаё рисайля цэрэ, пэрво, ко вижыля лэс тэ диқэл, када сас лэсти щей. Вой сас лэстэ ек. Вой цэлэлас и марэлас по бубно. Со стердя о Иеффаё? Во ԥэндя: «Най, мэрни щей, кати най ту! Ту тердян манди ԥарэс по ди. Мэ же дэм лэ Иеговасти алав. И акана, кай тэ зритярав лэс, трэбуй тэ отбишалав тут андо Силомо. Котэ ту лэса тэ служис андэ бари свынто катуна». Но лэстири щей ԥэндя: «Дадэ, если ту дян алав лэ Иеговасти, зритяр лэс. Кати одмэк ман пэ дуй шона тэ жав андэ плая тэ проандярав время мэрнэ подружкэнца. Ай тоди мэ жава андо Силомо». Лэ Иеффаёсти щей вся пэсти жизня на парашэлас тэ терэл бути важ о Дэл андэ бари свынто катуна. Кажно бэрш латирэ подружки авэнас латэ, кай тэ диқэнпэ ласа.