О Давидо и о Сауло

Сар о Давидо умардя лэ великанос, о Сауло стодя лэс барэдэрэс андэ пэско войско. О Давидо вицэлэлас бут войны и через када ашэля ашунгло. Кала во авэлас цэрэ па война, и манушня цэлэнас и дилабэнас: «О Сауло вицэлдя андэ война тысячи вороӷонэн, ай о Давидо май бут, чем дэш тысяч!» Важ када о Сауло ля тэ холявэл по Давидо и закамля лэс тэ умарэл.

О Давидо драго дилабэлас пэ арфа. Кала во дилабэлас важ о царё, о царё шувидя андэр лэстэ копьё. О Давидо отбанделя и о копьё запусаделя андэ стина. О царё Сауло бут разоря камэлас тэ умарэл лэ Давидос. И акэ о Давидо занашля и гараделя андэ пустыня.

Лэ Саулоса жылэ 3 000 воиноря тэ родэн лэ Давидос. Еқвар во зажыля андэ пещера, кай гарадёлас о Давидо и лэстирэ мануша. Вонэ полокорэс ԥэндэ лэ Давидости: «Умар лэс катэ». О Давидо чоралэс пашэля кай о Сауло и отшындя котороро лэстиря йдатар. О Сауло пэ када на шутя сама. Но тоди лэ Давидости ашэля лажаво лэ Иеговастар, кай на стодя патив по царё, савэс стодя о Иегова. О Давидо на мэкля пэстирэ манушэн тэ дэн по Сауло. Во вижыля анда пещера и зацыписайля: «Диқэс, мэ тут на умардэм, хоть када и моӷ тэ стерав!» После када о Сауло ля тэ гиндой пала Давидо па аврятэ?

Най. О Сауло на парашэлас тэ родэл лэ Давидос. Еқвар и рят о Давидо и лэско плиминико о Авесса, чоралэс авелэ андэ лэ Саулоско лаӷерё. Котэ всаворэ совэнас. И о Авениро, саво трэбуй тэ фэрий лэ Саулос, кадяжэ совэлас. О Авесса ԥэндя: «Умарам лэс! Дэ мэ лэс умарава». О Давидо ԥэндя: «О Иегова екжэно лэстар спушэла. Залам лэско копьё и о кувшино важ о паи».

О Давидо вазгляпэ по плай, катар дицолас лэ Саулоско лаӷерё и зацыписайля: «Авениро! Васо ту на фэрис лэ царёс? Кай лэ Саулоско кувшино и о копьё?» О Сауло ӷатярдя лэ Давидоско ӷолосо и ԥэндя: «Ту моӷ тэ умарэс ман, но на стердян када. Мэ ӷанав, кай ту авэса дуйто царё андо Израилё». И о Сауло рисайля цэрэ. Но най всаворэ андэ лэско ери вэрыцынас лэ Давидос.