Бэзэх, саво стердя о царё о Давидо

О Сауло муля. Кала лэ Давидости сас 30 бэрш, во ашэля царё. Прожыля время и во стердя бэзэх. Еқвар и рят па лэ цэрэсти крыша, во додиқля шукарня манушня. О Давидо уӷангля, кай ла ақарэн Вирсавия. Инке, кай вой хулаи лэ Уриясти, саво сас воино. О Давидо ԥэндя тэ анэн ла лэстэ. Машкар лэндэ сас кода, со может тэ авэл кати машкар ром и ромни. Вой заԥирдя. О Давидо камля тэ гаравэл, со тердя. Во приԥэндя лэ барэ манушэсти андэ война тэ стол лэ Урияс англал лэ манушэнца, ай тоди, кай вонэ тэ отжан лэстар. Сар о Урия муля, о Давидо женисайля пэ Вирсавия.

О Иегова диқэлас, саво найлашимос стердя о Давидо. Во бишалдя лэстэ лэ пророкос лэ Нафанос. О Нафано ля тэ росԥэнэн: «Кай ек барвало мануш сас бут бакрэ, ай кай чоро ек, савя во фартэ любияс. Но о барвало ла заля лэ чорорэстар». О Давидо росхоляйля: «Тэ умарэн трэбуй лэ барвалэс!» Тоди о Нафано ԥэндя: «Кадэва барволо, ту!» Лэ Давидости ашэля ԥарэс и во ԥэндя: «Да, мэ стердэм бэзэх англа Иегова». Через кадэва бэзэх кай о Давидо и кай лэско ери ашэлэ бут биды. О Иегова на ашадя лэ Давидости вся када кадя, но на умардя лэс. Васо? Важ кода кай о Давидо на гиндояс пала пэстэ бут и прижанделя, кай дошало.

О Давидо камля тэ стерэл о храмо важ о Иегова. Но о Иегова ԥэндя, када стерэла лэско шаво о Соломоно. О Давидо ля тэ стидэл, со трэбуй важ када. Во ԥэндя: «Лэ Иеговаско храмо трэбуй тэ авэл фартэ шукарно. О Соломоно тэрно, мэ дава лэсти зор и стидава, со трэбуй». Кай тэ авэл кадэя бути, о Давидо отдя бут пэстирэ ловэ. Во виарақля манушэн, савэ ӷанэн драго тэ терэн ла. Инке стидя сомнак и о руп. Анда форо Ти́ро и Сидоно андэ́ бут кедрови кашта. Сар о Давидо тэ мэрэл, во пэрэдя лэ шавэсти и лила, кай пистромэ, сар тэ стерэл о храмо. Во ԥэндя: «О Иегова ԥэндя тэ запистросарав када важ тутэ. О Иегова дэла зор. На дар. Ав зорало и тутэ вся вижала».