Воино и цынёни бэята

Андэ Сирия жувэлас цынёни израильско бэята. Сар вой интя попэля? Кала и сирийски воиноря динэ по Израилё, вонэ ла залинэ лэ родителёнэндар и андярдэ андо плено. Акана вой сас дур пэстирэ цэрэстар. Котэ вой терэлас, со ԥэнэнас лати лэ Нееманостири хулаи. О Неемано сас барэдэр машкар воиноря. Хоть паша кадэя цынёни бэята сас мануша, савэ тэлёнас аврэ дэвлэнди, вой всаек любияс лэ Иеговас.

О Неемано сас фартэ насвало. Лэстэ тернёлас и тила. Кадэя бэята фартэ камэлас, кай лэстэ када тэ прожал. Важ када вой ԥэндя лэстиря хулаяти: «Мэ ӷанав еқэ манушэс, саво дэла зор тирэ хуласти. Када о Елисеё. Во лэ Иеговаско пророко и жувэл андо Израилё. Во вилечия тирэ хулас».

Лэ Нееманостири хулаи росԥэндя пэстирэ хуласти, со уӷангля ла бэятатар. О Неемано сас фартэ радо и важ када во лагля андо Израилё каринг лэ Елисеёско цэр. Важ кода кай о Неемано сас барэдэр машкар воиноря, во аштярэлас, кай лэс тэ прилэн кадя, сар барэ манушэс. Но о Елисеё даже на вижыля каринг лэстэ, ай бишалдя каринг о Неемано лэ слуӷос, кай о слу́ӷо тэ ԥэнэн лэсти: «Жа каринг и лэн Иордано и семь разоря болэпэ андо паи. После када ту вилечисапэ».

Лэ Нееманости када фартэ на чалеля. Во ԥэндя: «Мэ гиндосардэм, кай кадэва пророко мангэлапэ пэстирэ Дэвлэсти, проандярэла вастэса па кодэва ҭан, кай дуқал, и вилечия ман. Ай во бишалэл ман андэ варисави лэн андо Израилё! Амэндэ андэ Сирия пэ бутэстэ май лашэ лэна́. Васо мэ интя́ на жылэм? О Неемано фартэ захоляйля и улаглятар.

Но лэ Нееманостирэ слуӷоря камэнас, кай лэстэ тэ авэл зор. Вонэ ԥэндэ лэсти: «Ӷосподино, ту камэсас тэ жас пэ вся, кай тэ вилечиспэ. О пророко на мангэл тут тэ стерэс варисо бут. Васо бы тэ на жас?» О Неемано кангля лэн. Во лагля каринг и лэн Иордано и семь разоря болдяпэ андо паи. И акэ, кала во вижыля анда паи, лэстэ пэ тила нисо на сас. Во вилечисайля! О Неемано сас фартэ радо кадэлэсти. Во рисайля каринг о Елисеё, и ԥэндя лэсти «наис». Инке во ԥэндя: «Акана мэ ӷанав, кай о Иегова, када чачуно Дэл». Погиндосар, сар сас радо кодэя цынёни израильско бэята, кала додиқля, кай лако ӷосподино, ашэля зорало!