О Иегова аштярэлас, кай о Иона тэ парудёл

Андо ассирийско форо Ниневия и мануша сас фартэ найлашэ. О Иегова приԥэндя пэстирэ пророкости, савэс ақарэнас Иона, кай во тэ жал андэ Ниневия. Состэ? Кай тэ ԥэнэн лэ манушэнди тэ парудён. Но о Иона бэшля андо кораблё и улагля андэ авэр риг, андо форо Фарсисо.

Кала о кораблё сас андэ моря, вазгляпэ фартэ бари балвал. И морякоря по кораблё, фартэ пэрэдарайлэ. Вонэ линэ тэ мангэнпэ пэстирэ дэвлэнди и тэ пушэн лэндар: «Васо амэндэ кацави бида?» И акэ о Иона росԥэнэн о чачимос: «Андэ када мэ дошало. Мэ унашлэмтар, важ кода кай на камлэм тэ стерав кода, со ԥэндя манди о Иегова. Шон ман андэ моря и тоди и балвал парашэла». И морякоря на камлэ тэ шон лэ Ионас андэ моря, но во всаек мангэлас, кай тэ шон. Сар кати вонэ вишутэ лэс анда кораблё, и бари балвал парашэля.

О Иона гиндояс, кай во щяс мэрэла. Кала во ужаластар андо паи вся май тэлэ и май тэлэ, во ля тэ мангэлпэ лэ Иеговасти. Тоди о Иегова бишалдя фартэ барэ мащес. О мащё нақадя лэ Ионас, но во на муля. Кала во попэля андо мащё, о Иона дя алав лэ Иеговасти: «Мэ вся время тут кандава». О Иегова трин дес фэрияс лэ Ионас андрэ андо мащё, ай тоди стердя, кай о мащё тэ вишол лэс пэ ԥув.

О Иегова спасысардя лэ Ионас. Но сыкавэл када, кай лэ Ионасти будэр на трэбуй тэ жал андэ Ниневия? Най. О Иегова упалэ ԥэндя лэ Ионасти тэ жал андэ Ниневия. Пэ кадэва разо о Иона кангля лэ Иеговас. Во авеля андэ Ниневия и ԥэндя лэ найлашэ манушэнди: «Через сорок деса о форо Ниневия на авэла». Тоди стердяпэ кода, со инке ни еқвар на сас. И мануша анда Ниневия приашунделэпэ кодэлэсти, со ԥэндя о Иона и паруделэпэ. Лэнго царё ԥэндя: «Каинпэ и мангэн лэ Дэвлэс, кай во тэ простий. Может о Дэл на умарэла амэн». Кала о Иегова диқля, кай и мануша каисайлэ, во закамля тэ ашавэл и Ниневия.

О Иона росхоляйля, важ кода кай о Иегова нисо на стердя лэ фороса. Кати погиндосар, о Иегова аштярдя, кай о Иона тэ парудёл и жалуисардя лэс, но о Иона на камля тэ жалуий лэ манушэн анда Ниневия. Холинако, во вижыля пала форо. Во бэшля тала тыква, кай на сас о қам. Кадэя тыква барёлас, сар виноӷрадо и пэр латэ ԥэнэнас бутылочно тыква. Кала и тыква зашутеля, о Иона фартэ росхоляйля. Тоди о Иегова ԥэндя лэсти: «Тути жалко и тыква, ай лэ манушэн най жалко. Ай манди жалко лэ манушэн, важ када мэ лэн на умардэм». Сости о Иегова камля тэ сытярэл лэ Ионас? Кодэлэсти, кай и мануша, савэ жувэнас андэ Ниневия, пэ бутэстэ май куч, чем варисави тыква.