Лэ Иеговаско анӷело фэрисардя лэ Езекияс

Кай и Ассирия сас фартэ бари власть. И Ассирия захутилдя дэш племя андо царство Израиль. Акана о Сеннахиримо, саво сас царё андэ Ассирия, закамля тэ захутилэл дуй племя андэ царство Иуда. Во захутилэлас и фороря андэ Иуда ек пала ек. Но само ӷлавно важ лэстэ сас тэ захутилэл о Иерусалимо. Но о Сеннахиримо на ӷанэнас, кай о Иерусалимо фэрий о Дэл Иегова.

О Езекия, саво сас царё андэ Иуда, дя бут ловэ лэ Сеннахиримости, кай во тэ на дэл по Иерусалимо. О Сеннахиримо ля ловэ, но всаек бишалдя по Иерусалимо зоралэ воинонэн. И мануша андо Иерусалимо фартэ пэрэдарайлэ, важ кода кай и ассирийцоря пашонас вся май пашэ и май пашэ. Тоди о Езекия ԥэндя лэ манушэнди: «На даран, амэ лэ Иеговаса май зоралэ, чем и ассирийцоря».

О Сеннахиримо бишалдя андо Иерусалимо пэстирэ барэ манушэс, пэ саво ԥэнэн рабсако, кай во тэ приасалпэ лэ манушэндар, савэ жувэн андо форо. Кадэва баро мануш терделя паша форо и зацыписайля: «О Иегова на поможыя тумэнди! О Езекия тумэн хохавэл. Нисаво дэл тумэн на фэрия».

О Езекия пушля кай о Иегова, со тэ терэл. О Иегова ԥэндя: «На дар кодэлэстар, со ԥэнэн кадэва баро мануш. О Сеннахиримо на захутилэла о Иерусалимо». Прожыля найбут время и лэ Езекиясти авелэ письморя лэ Сеннахиримостар. Андэр лэндэ ԥэнэнаспэ: «Здэпэ. О Иегова тут на фэрия». О Езекия ля тэ мангэлпэ лэ Иеговасти: «Мангав тут, Иегова, фэрисар амэн, кай всаворэ тэ уӷанэн, кай ек ту чачуно Дэл». О Иегова ԥэндя: «О царё Ассирии на зажала андо Иерусалимо, мэ фэрисарава мэрно форо».

О Сеннахиримо ӷанэнас, кай йто захутилэла о Иерусалимо. Лэстирэ воиноря уже пашэлэ каринг о форо. Но еқвар и рят о Иегова бишалдя пэстирэ анӷелос андо ассирийско лаӷерё. Кадэва анӷело умардя 185 000 воинонэн! О царё Сеннахиримо хасардя пэстирэ зоралэ воинонэн и лэсти прижыляпэ лажаимаса тэ рийпэ цэрэ. О Иегова, сар и дя алав, фэрисардя лэ Езекияс и о Иерусалимо. Если ту тэ жудоп андэ кодэя время, андо Иерусалимо, патяёп ту лэ Иеговасти?