О Иоанно росԥэнэн, кай авэла о Христос

Лэ Захарияско и ла Елизаветако шаво, о Иоанно, ашэля пророкоса. О Иегова приԥэндя, кай во тэ росԥэнэн лэ манушэнди, кай авэла о Христос. О Иоанно сытярэлас лэ манушэн най андэ синагога, када сас цэр, кай прожалас и собрания, и най андэ фороря, ай андэ пустыня. И мануша авэнас анда Иерусалимо и анда вся Иудея, кай тэ ашунэн лэс. О Иоанно ԥэнэнас, кай лэнди трэбуй тэ парашэн тэ терэн найлашэ дилы, савэ на чалён лэ Дэвлэсти. Кала и мануша ашундэ, со ԥэндя о Иоанно, бут каисайлэ, кай стердэ бэзэх. И тоди о Иоанно болдя лэн андэ лэн Иордано.

О Иоанно жувэлас найбарвалэс. Во ԥиравэлас йда, сави стерди анда верблюжьё шерсть. Во халас саранча, сави шолпэ пэ кузнечкоря, и дыко ядин. И мануша авелэ, кай тэ диқэн по Иоанно. Каринг лэстэ даже авелэ барэ мануша, савэ заваздэнас о шэро, пэр лэндэ ԥэнэнас фарисеёря и саддукеёря. О Иоанно ԥэндя лэнди: «Тумэнди трэбуй тэ парудёнпэ и тэ каинпэ. Тумэ ԥэнэн, кай тумэ лэ Авраамостирэ шавэ и кай тумэ най кацавэ, сар всаворэ. Но када на сыкавэл, кай тумэ лэ Дэвлэстирэ бэятцэ».

Бут мануша авэнас каринг о Иоанно и пушэнас: «Со амэ можем тэ стерас важ о Дэл?» О Иоанно ԥэндя лэнди: «Сар тутэ исин дуй йдэ, отдэ ек кодэлэсти, касти вой фартэ трэбуй». Ӷанэс, васо во кадя ԥэндя? Во камля, кай лэстирэ ученикоря тэ ӷанэн тэ любин аврэ манушэн.

О Иоанно ԥэндя кодэлэнди, ко стидэлас па мануша и налоӷоря: «Авэн найхохавнэ и никас на дилярэн». Ай лэ воинонэнди во ԥэндя: «На лэн и ловэ, кала тумэн камэн тэ подтинэн и на хохавэн».

Каринг о Иоанно кадяжэ авелэ и рашая и левиторя и пушлэ: «Ко ту? И мануша камэн тэ ӷанэн када». О Иоанно ԥэндя: «Мэ ӷолосо андэ пустыня. Мэ сыкавав о дром каринг о Иегова. Пала мандэ ԥэнэнас о пророко Исаия».

Лэ манушэнди чалёлас тэ ашунэн, со росԥэнэнас о Иоанно. Бут гиндонас, кай о Иоанно, када о Христос. Но во ԥэндя лэнди: «Йто авэла кодэва, ко па чачимастэ баро. Мэ на ашав кода, кай тэ росԥандав лэстирэ сандали. Мэ болав паеса, ай во болэла свынтонэ духоса».