Пэ ученикоря сжал свынто духо

Кала прожыля дэш деса после кода, сар о Иисусо рисайля по нэбо, пэ лэстирэ ученикоря сжыля свынто духо. Када сас андэ Пятидесятница 33 бэрш лэ И. Х. Андэ кадэва дес по празднико андо Иерусалимо, авелэ фартэ бут мануша анда разни ҭана. Андэ ек цэр андэ упруни комната стидэпэ варикай 120 лэ Иисусостирэ ученикоря. И стердяпэ кацаво, со инке ни еқвар на сас. Понад шэро кай кажно ученико ашэля варисо кацаво, сар яг. Тоди вонэ линэ тэ дэн дума пэ разни шыба. И акэ ашунделяпэ варисо, сар бари балвал.

Кодэла, ко авелэ анда авэр страны андо Иерусалимо, ашундэ кадэва шумо и прастае каринг кодэва цэр, кай тэ диқэн, со котэ тердяпэ. Вонэ динэ наздив, кала ашундэ, кай и ученикоря дэн дума пэ разни шыба! Вонэ ԥэндэ: «Кадэла мануша анда Галилея. Катар вонэ ӷанэн амари шыб?»

Тоди о Пётро и авэр апостолоря терделэ англа мануша. О Пётро росԥэндя лэнди пала кода, кай лэ Иисусос умардэ и кай о Иегова лэс рисардя каринг и жизня. О Пётро ԥэндя: «Акана о Иисусо уже по нэбо, во па право вас лэ Дэвлэстар, и во, сар и дя алав, дя амэнди о свынто духо. Акэ васо тумэ диқэн кадэла чудеса».

Лэ Петростирэ алава фартэ чалелэ лэ манушэнди и вонэ пушлэ: «Со амэнди акана тэ терас?» О Пётро ԥэндя: «Каинпэ важ пэско бэзэх и болдён лэ Иисусостирэ алавэстар. Тоди тумэнди кадяжэ авэла о свынто духо». Андэ кодэва дес болделэ варикай 3 000 мануша. Кодэла времятар и ученикоря андо Иерусалимо ашэнас вся май бут. Через о свынто духо апостолоря стидэнас и собрании, кай тэ сытярэн лэ учениконэн всаворэсти, со о Иисусо приԥэндя.