УРОКО 1

Лашэ пэрви алава андэ дума

Деяния 17:22

СО ТРЭБУЙ ТЭ СТЕРЭС. Стер, кай тэ авэл интересно кодэлэнди, ко тут ашунэн. Ԥэн и тема и васо кадэя тема важно.

САР КАДА ТЭ СТЕРЭС

Стер, кай тэ авэл интересно. Витидэ вопросо, новость, кода, со сас андэ жызня, или кода, со ԥэнэн. Дэ дума кадя, кай када тэ авэл интересно кодэлэнди, ко тут ашунэн.

Погиндосар, пала со гиндон и мануша и со лэнди интересно. Тоди ԥэн важ када андэ пэрви пэстирэ алава андэ дума.
Ԥэн и тема. Стер кадя, кай тирэ пэрви алава андэ дума тэ поможын кодэлэнди, ко тут ашунэн, тэ полэн и ӷлавно тема, ай кадяжэ васо ту када росԥэнэс.
Ԥэн, васо кадэя тема важно. Погиндосар пала кода, со па чачимастэ трэбуй лэ манушэнди. Вонэ трэбуй драго тэ полэн, соса тири дума поможыя лэнди.

Кала ӷотовишся каринг и речь пуш пэстар: «Пала со загиндонпэ и ԥрала и ԥэя анда мэрни собрания?» Тоди стер вся, кай тирэ пэрви алава андэ дума тэ поджан каринг кода, пала со вонэ загиндонпэ.

АНДЭ СЛУЖЭНИЯ.

Кай тэ полэс, со интересно лэ манушэсти, дик, исин лэстэ бэятцэ чи най, соса во залэлпэ или инке варисо. Кай тэ залэс и дума, задэ варисаво вопросо или ԥэн кацавэ алава, кай во тэ закамэл тэ дэл дума туса. Андэ дэсавэ ҭана, авелоп пативалэс спэрва тэ пушэс важ о мануш и важ лэско ери, ай кадяжэ набут тэ росԥэнэс важ пэстэ. Дэкала дажэ фэдэр тэ ԥэнэс пала Библия пэ авэр разо, ай най кала кати уӷанглян лэ манушэс. Ав май годявэрно и гиндосар, со можэт тэ авэл англэ.