УРОКО 14

Шу сама пэ ӷлавни гиндоря

Евреям 8:1

СО ТРЭБУЙ ТЭ СТЕРЭС. Поможысар лэ манушэнди тэ полэн тири дума и сыкав, сар кажно ӷлавно гиндо поджал каринг и тема и каринг кода, сости ту када росԥэнэс.

САР КАДА ТЭ СТЕРЭС

Полэ, сости ту када росԥэнэса. Погиндосар, со тути трэбуй тэ стерэс. Тэ росԥэнэс варисо лэ манушэнди, тэ доԥэнэс варисо или тэ дэс дума кадя, кай вонэ тэ закамэн варисо тэ терэн. Тоди па када стер пэстири дума. Дэ дума кадя, кай кажно ӷлавно гиндо тэ поможый тути тэ росԥэнэс кода, со загиндосардян.

Пуш пэстар: «Со моӷут тэ пушэн и мануша? Андэр со вонэ моӷут тэ авэн нэ соӷласни манца? Если мэ дава атвето пэ када, со вонэ моӷут тэ ԥэнэн потом?» Тоди па када стер и дума. Када поможыя лэ манушэнди тэ диқэн, сар жан и гиндоря андэ тири дума, тэ полэн и тэ прилэн када.
Шу сама пэ тема. Андэ вся пэстири дума ԥэн най еқвар пала тема через и ӷлавни алава или через и алава, савэндэ ек значения.
Росԥэн и ӷлавни гиндоря просто и понятно. Росԥэн кати кодэла ӷлавни гиндоря, савэ поджан каринг и тема и пэ савэ тутэ хутилэла время драго тэ росԥэнэс. На трэбуй тэ авэн бут ӷлавни гиндоря. Драго росԥэн кажно гиндо. Стер пауза машкар ӷлавни гиндоря и резко на пэрэжа пэ авэр гиндо.

Ту можэш тэ ԥэнэс и ӷлавни гиндоря тоди, кала залян и дума, кай лэ манушэнди тэ авэл вушэро тэ полэн, пала со жала дума. Или када тэ стерэс в канцэ, кай и мануша май драго тэ запомнят.