ЗАЛЭ И ДУМА
УРОКО 6
Смилость
Библейско принцыпо: «О Дэл поможысардя амэнди тэ ашас смили, кай тэ росԥэнас тумэнди лэ Дэвлэстири лащи новость» (1 Фис. 2:2).
Со терэлас о Иисусо
1. Дик ВИДЕО или адиносар Лука 19:1—7. Тоди погиндосар пала кацавэ вопросоря:
а) Васо дэсавэ мануша, можэт, дурёнас лэ Закхеёстар?
б) Васо о Иисусо закамля тэ подэл дума лэса?
Сости амэ сытювас кай о Иисусо
2. Кай тэ росԥэнас и лащи новость разнонэ манушэнди, трэбуй смилость.
Тер кадя, сар о Иисусо
3. Надеисав по Иегова. О Дэл дэлас лэ Иисусости о свынто зор и важ када во моӷ тэ росԥэнэн и лащи новость. Кадэва жэ зор о Иегова можэт тэ дэл и тути (Матф. 10:19, 20; Лука 4:18). Если андэ служэния тутэ на хутилэл смилость тэ задэс дума варикаса, мангпэ пала када лэ Иеговасти (Дила 4:29).
4. На сындосар лэ манушэс. Амэ можэм тэ дарас тэ задас дума лэ манушэса через кода, саво лэстэ внешнё видо, ко во машкар и мануша и саво лэстэ достатко. Или через кода, сар во жувэл и андэр со патял. Но на бистэр:
а) О Иегова и о Иисусо моӷут тэ диқэн оди, ай амэ — най.
б) Нинай кацавэ манушэс, пала саво о Иегова ԥэндоп, кай андар лэстэ нисо на вижала.
5. На бистрэн, кай трэбуй тэ андярэн пэс пативалэс и осторожно (Матф. 10:16). На спорисав лэ манушэса. Если ту диқэс, кай во на камэл тэ дэл дума или исин варисави уӷроза, тоди ковлэс закончи и дума (Прит. 17:14).