Со амэ уӷанас пала чудеса, савэ терэлас о Иисусо?
ТУМЭ, наверно, удивинапэ, но андэ само пэрви библейски тексторя, кай пистромэ пала лэ Иисусостири жызня пэ ԥув, ни еқвар на тердёл алав савэстэ исин значения «чуда, сверхъестественно явление». Древнегреческо алав (ди́намис), дэкала пэрэандярэн сар «чуда», но пэрво значения «зор» (Луки 8:46). Кадяжэ лэс можно тэ пэрэандярэн сар «способность» и сар «могущественни дилы» (Матфея 11:20; 25:15). Ек учоно ԥэнэн, кай кадэва алав «драго сыкавэл могущественно дила, сави сас стерди, ай кадяжэ о зор блаӷодаря савэсти вой сас стерди. Фартэ шолпэ сама по лэ Дэвлэско зор андэ дила».
Авэр древнегреческо алав (те́рас) обычно пэрэандярдёлпэ сар «предзнаменование» или «чуда» в смысле «дэсо удивительно» (Иоанна 4:48; Деяния 2:19). Кадэя выражение сыкавэл, сар када подэйствовало пэ кодэла, ко када диқля. О народо и лэ Христостирэ ученикоря най еқвар удивинаспэ, сави нэобычно дила во терэлэс (Марка 2:12; 4:41; 6:51; Луки 9:43).
Трито греческо алав (сими́он), саво относитца каринг лэ Иисусостирэ чудеса, означает «знамение». Сар пистрой о учёно Роберто Деффинбауго, кадэва алав «спэрва сыкавэл значение кай кадэва чуда, саво смысло андэр лэстэ». Инке кадэва учено ԥэнэн: «Знамение, када чуда, саво сыкавэл амэнди варисаво чачимос пала Ӷосподо Иисусо».
Фокусы или зор лэ Дэвлэстар?
Андэ Библия на росԥэнэнпэ пала лэ Иисусостирэ чудеса, сар пала фокусы, кай лэ манушэнди тэ авэл весело. Лэстирэ чудеса сыкавэнас «фартэ баро лэ Дэвлэско зор», и сар примеро можно тэ вспомним, сар о Иисусо видарадя лэ бэнгэс анда шаворо (Луки 9:37—43). Хэба кацави бари дила най па лэ Всемоӷущёнэ Дэвлэско зор, пала саво ԥэнэнпэ, «кай лэстэ бут зор»? (Исаия 40:26). Канешно, па лэско зор.
Андэ Евангелия запистромэ варикай пала 35 чудеса, савэ стердя о Иисусо. Но общё число пала чудеса, савэ во стердя, андэ Библия на ԥэнэнпэ. Андэ Матфея 14:14 ԥэнэнпэ: «Во [о Иисусо] додиқля бутэ манушэн. Лэсти ашэля лэн жалко, и во рисардя о зор лэ насвалэнди». Ни кай на ԥэнэнпэ скати манушэнди о Иисусо рисардя о зор андэ кодэва разо.
Кацави лэ Иисусостири бари дила доԥэндя лэстирэ алава, кай во лэ Дэвлэско Шаво, Христос, пала саво сас ԥэндо. Андэ Библия драго дицол, кай тэ терэл кацавэ чудеса о Иисусо моӷ блаӷодаря лэ Дэвлэстирэ зорэсти. О апостоло Пётро ԥэндя пала лэстэ: «О Дэл драго сыкадя тумэнди, кай када во бишалдя лэ Иисусос, саво сас назаритянино. Кай када во, через о Иисусо стердя бут удивительно дила, чудеса и знамении, и тумэ када екжэнэ ӷанэн» (Деяния 2:22). Андэ авэр случаё о Пётро шутя сама пэ кода кай «О Дэл дя лэ Иисусости свято духо и о зор и во ԥирэлас па вся страна и терэлас лашимос, и исцэлияс всаворэн, кастэ сас насвалимос лэ Сатанастар, важ кода кай о Дэл сас лэ Иисусоса» (Деяния 10:37, 38).
И чудеса, савэ терэлас о Иисусо сжаласпэ кодэлэса, со во росԥэнэнас важ о Царство. Андэ Марка 1:21—27 дицол, сар диқэнас и мануша пэ кода сости сытярэлас о Иисусо и ек чуда, сави во стердя. Андэ Марка 1:22 ԥэнэнпэ, кай и мануша «удивинаспэ кодэлэсти, сар во сытярэлас», ай андо 27 стихо, всаворэн «ля лэ одестар», кала во видарадя лэ бэнгэс. И нэобычно дила, сави терэлас о Иисусо, ай кадяжэ, кода сости во сытярэлас, доԥэнэнас, кай во о Христос, пала саво сас ԥэндо.
О Иисусо най просто ԥэнэнас, кай во о Христос, када доԥэнэнас най кати лэстирэ алава и дила, но кадяжэ лэ Дэвлэско зор, через саво во терэлас чудеса. Кала вазгляпэ вопросо, ко во, и саво лэстэ исин право, о Иисусо смило ԥэндя: «Мандэ исин май важно, чем кода, со росԥэнэнас о Иоанно [Крестителё], важ кода кай и дила, сави дя манди о Дад тэ стерав, мэ и терав акана, и када доԥэнэн, кай ман бишалдя о Дад» (Иоанна 5:36).
Кода со доԥэнэн
Васо можэм тэ патяс андэ кода кай и чудеса, савэ терэлас о Иисусо, па чачимастэ сас? Акэ дэсо анда кода, со доԥэнэн кадэла чудеса.
Кала о Иисусо терэлас чудеса, во на шолас сама пэр пэстэ. Во всегда терэлас кадя, кай кажно чуда тэ анэн слава и честь лэ Дэвлэсти. Например, англа кода сар тэ рий о зор лэ корэсти, о Иисусо ԥэндя, кай рия о зор важ кода «кай пэр лэстэ тэ дицол лэ Дэвлэско зор» (Иоанна 9:1—3; 11:1—4).
О Иисусо най сар и фокусникоря, колдуноря и целителя, во никала нэ использовал гипнозо, хохаимос, заклинания или прецтавления, кай тэ удивий. Андэ кода со во терэлас на сас суеверия или варисавэ предметоря через савэ патян. Вспомним, сар о Иисусо рисардя о зор дуе корэ манушэнди кадя, кай пэр лэстэ тэ на шон сама авэр мануша. Андэ Евангелия ԥэнэнпэ: «Лэ Иисусости ашэля лэн жалко, во ляпэ каринг лэндирэ яқа, и корэ катэ жэ линэ тэ диқэн и жылэ пала лэстэ» (Матфея 20:29—34). Котэ на сас ни ритуалоря, ни прецтавления. Часто о Иисусо терэлас чудеса англа бут мануша, во ни кастар на гарадёлас. Лэсти на трэбуй сас ни спецыально освещения, ни сцена, или варисавэ предметоря. Ай «и чудеса», савэ терэн андэ амарэ деса, часто ни сар на доԥэнэса па лила (Марка 5:24—29; Луки 7:11—15).
Дэкала о Иисусо прижанэнас, кай кодэлэндэ, важ кастэ во терэлас чудеса, исин вера. Но если кай о мануш на хутилэлас вера, када нэ тердярэлас лэ Иисусос тэ терэл чуда. Кала о Иисусо сас андэ Галилея, андо Капернаумо каринг лэстэ андэ бутэ манушэн, савэн мучинас и бэнга, и во алавэса видаравэлас лэ бэнгэн андар лэндэ, ай кадяжэ «исцелисардя всаворэн, ко сас насвало» (Матфея 8:16).
О Иисусо терэлас и чудеса най важ кода, кай тэ удовлетворий лэ манушэндири любопытство, ай кай тэ поможый кодэлэнди ко нуждался (Марка 10:46—52; Луки 23:8). Ай кадяжэ о Иисусо никала на терэлас чудеса важ пэстири выӷода (Матфея 4:2—4; 10:8).
Со тоди тэ ԥэнас пала кода, со росԥэнэнпэ андэ Евангелия?
Кода савэ чудеса стердя о Иисусо, запистромэ важ амэндэ андэ штар Евангелия. Можно ли, кала родас и доказательства, кай кадэла чудеса сас па чачимастэ, тэ шас сама пэ кода, со котэ пистромэ? Да, можно.
Сар ужэ сас ԥэндо, о Иисусо терэлас и чудеса англа бут мануша, на гарадёлас. Пэрви Евангелия сас запистромэ, кала бут анда кодэла мануша инке сас жундэ. Пала кода, кай и мануша, савэ пистросардэ и Евангелия, сас най хохаимаря андэ книӷа «Чудеса и воскресение» акэ со ԥэнэнпэ: «Тэ дошалярас лэ евангелистонэн андэ кода, кай вонэ росԥэнэнас и исторически факты пала чудеса, кай май бут мануша тэ ашэн верующи, авелоп нэ правильно. [...] Вонэ терэнас вся, кай тэ запистрон о чачимос» («The Miracles and the Resurrection»).
И иудеёря, савэ сас против христианство, никала на ԥэнэнас, кай и барэ чудеса, пала савэ запистромэ андэ Евангелия на сас. Вонэ на допатянас кати лэ зорэсти, савэса вонэ сас стердэ. (Марка 3:22—26). Кодэла ко сас против, май позжэ тожэ нэ моӷли тэ доԥэнэн, кай о Иисусо на терэлас и чудеса. Андэ литература, сави сас пистромэ андо пэрво и дуйто вико н. э., кадяжэ ԥэнэнаспэ пала кадэла чудеса. Да, амэндэ исин бут со доԥэнэн, кай лэ Иисусостирэ чудеса сас па чачимастэ.
Мануш, саво терэлас чудеса
Кала розуӷанас пала лэ Иисусостирэ чудеса, авелоп нэ правильно андэ кадэя тема тэ шас сама кати пэ кода, со лэн доԥэнэн. Андэ Евангелия амэ уӷанас най кати пала чудеса, савэ терэлас о Иисусо, но и пала кода, саво лэстэ дэ баро ди, сар дэ фартэ во жалуий лэ манушэн и кай во па чачимастэ заботица, кай лэ манушэндэ тэ авэл блаӷополучия.
Вспомним о случаё, кала лэ Иисусостэ шутяпэ пала помощь о прокажонно. Во анда оди мангля: «Сар кати ту закамэса, ту рисарэса манди о зор». И о Иисусо, «процырдя каринг лэстэ о вас, ляпэ каринг лэстэ и ԥэндя: Камав. „Ав зорало“». Каринг о мануш катэ жэ рисайля о зор (Марка 1:40—42). Катэ дицэля кай о Иисусо жалуий, важ када во стердя чуда лэ Дэвлэстирэ зорэса.
Ай со о Иисусо стердя, кала додиқля, сар анда форо Наино виандярэнас тэ гаравэн еқэ манушэс? Кодэва кас андярэнас тэ гаравэн, сас тэрно мануш, ек шаво кай пэсти дэй, сави сас ԥивли. Лэ Иисусости ашэля жалко кадэла жувля, во поджыля латэ и ԥэндя: «На ров». И рисардя латирэ шавэс каринг и жызня (Луки 7:11—15).
По ди ашэл драго кодэлэстар, кай о Иисусо, кала терэлас и чудеса и дэлас помощь лэ манушэнди, терэлас када, кай жалуий анда вся оди. Но кадэла чудеса най просто дила сави сас дэлмут. Андэ Евреям 13:8 ԥэнэнпэ: «О Иисус Христос вся кодэва жэ — арати, адес и вечно». Щяс во царё по нэбо. И во ӷотово и можэт тэ использует о зор, саво лэсти дя о Дэл, кай тэ стерэл инке май барэ чудеса, чем кодэла, савэ во стердясас пэ ԥув. Ӥто о Иисусо кадэлэ зорэса исцэлия всаворэн, ко кандэл лэ Дэвлэс. Лэ Иеговастирэ свидетеля с радостью поможына тути тэ уӷанэс пала лашимос, саво авэла англэ.
[Картинки]
Лэ Иисусостирэ чудеса, сыкадэ баро лэ Дэвлэско зор.
[Картинки]
Кай о Иисусо баро ди.