Акана мэ моӷу тэ поможысарав аврэнди

РОСԤЭНЭН, СО САС МАЙ АНГЛАЛ.

Мэ арақаделэмпэ андэ найбаро форо Акуль. Во находийпэ паша плая по западо Гватемала. Мэрно ери анда потомко майя. Амэ анда народо ишиль. Мэ давас дума пэ испанско шыб, ай кадяжэ пэ пэстири чачи шыб. Кала мэ сымас цынёнё, андэ Гватемала ужэ 36 бэрш жалас ӷражданско война. Андэ кодэя ԥари время мулинэ фартэ бут мануша анда амаро народо.

Кала манди сас штар бэрш, мэрно ԥрал, савэсти сас семь бэрш, цэлэласпэ ла гранатаса, сави потом резко взорвисайля. Через када, мэ парашэлэм тэ диқав, ай мэрно ԥрал муля. Важ када, вся мэрно децтво мэ проандярдэм андо интернато важ и бэяцэ, савэ на диқэн. Кадэва интернато сас андэ Гватемала. Котэ ман сытярэнас тэ полав о шрифто Брайля. И учителёря на мэкэнас ман тэ дав дума аврэ бэятонэнца и через када всаворэ линэ ман тэ обнашэн. Манди сас фартэ ԥарэс, кай мэ екжэно и мэ фартэ аштяравас дуй шона андо бэрш, андэ савэ мэ моӷ тэ авав цэрэ кай пэстири мама, сави сас фартэ добро и вся и время ман полэлас. Но, кала манди сас дэш бэрш и мама муля. Када важ мандэ сас бари бида, важ кода кай вой сас ек мануш пэ люма, саво ман любияс.

Кала манди сас 11 бэрш, мэ рисайлэм андо мэрно чачо форо и лэм тэ жував андо ери лэ ԥралэско, саво манди сас чачо па дад. Мэ сымас чало, утидо, но манди на хутилэлас кода, кай ман варико тэ полэл и тэ любий. Дэкала мэ ровавас и пушавас кай о Дэл: «Васо мэрни дэй муля? Васо мэ корайлэм?» И мануша ԥэнэнас: «Значит, кадя сас трэбуй лэ Дэвлэсти». Тоди мэ погиндосардэм, кай лэ Дэвлэстэ нинай оди и кай во нэсправедливо. Мэ камавас пэс тэ умарав, но мандэ на сас кацави возможность.

Через кода, кай мэ на диқавас, мэ нэ моӷ пэс защищать. Кала мэ сымас бэято, манди най еқвар терэнас нахально билажавардимос. Мэ никасти пала када на росԥэнавас, важ кода кай гиндосаравас, кай никасти на трэбуй, со манца тердяпэ. И мануша ридко, кала манца дэнас дума, важ када и мэ када на теравас. Мэ никасти на росԥэнавас, со мандэ по ди. Мандэ о муй сас помэкло и мэ никасти нэ моӷ тэ патяв.

САР И БИБЛИЯ ПАРУДЯ МЭРНИ ЖЫЗНЯ?

Еқвар андэ школа, кала сас перемена, каринг мандэ поджылэ лэ Иеговастирэ свидетеля. Еқа учительницати мэ сымас фартэ жалко. Важ када вой мангля кадэлэ ерес, кай во тэ авэл каринг мандэ. Кадэва ери росԥэндя манди пала обещяния, сави запистромэ андэ Библия. Када, кай кодэла, ко мулинэ, лэна упалэ тэ жувэн. И кодэла, ко корэ, лэна упалэ тэ диқэн (Исаия 35:5; Иоанна 5:28, 29). Манди фартэ чалеля, со вонэ росԥэндэ, но манди сас ԥарэс тэ общяюсь лэнца, важ кода кай мэ присытелэм никаса тэ на дав дума. Но вонэ на диқэнас пэ када. Вонэ всаек авэнас мандэ и сытярэнас ман тэ полав о чачимос анда Библия. Вонэ сас добри и терпеливи. Кай тэ дожан жы каринг мэрно форо, кадэлэ ерести прижаласпэ тэ жал май бут чем 10 километров через и плая.

Мэрно ԥрал, саво сас чачо па дад, росԥэндя пала кадэла мануша, савэ вонэ. Вонэ драго и вужэс утидэ, но вонэ най анда барвалэ мануша. Вонэ вся и время относились каринг мандэ анда оди и дажэ анэнас найбарэ подаркоря. Мэ патявас, кай кати и чачунэ христианоря моӷут кадя пэс тэ андярэн и важ када нисо тэ на аштярэн.

Мэ изучал и Библия через и публикацыи, савэ сас напечатани через о шрифто Брайля. Хоть лэ шэрэса мэ полавас, со пистромэ андэ Библия, но лэ одеса сас ԥарэс дэсо тэ прилав. Манди на патяласпэ, кай лэ Дэвлэсти най всаек пэр мандэ и кай авэр моӷут ман тэ любин. Мэ полавас, васо о Иегова пэ дэсави время домэкля кадэва ԥаримос. Но манди сас ԥарэс тэ прилав, кай во любящё Дадa.

Через кода, со мэ уӷанавас анда Библия, мэ понабут лавас тэ диқав пэ жызня авря ригатар. Например, мэ уӷанглэм, кай о Дэл полэл и жалуий кодэлэн, ко пэрэандярэл о ԥаримос. Акэ, со во ԥэнэн пала пэстирэ служытеля, савэнца найдраго обжанаспэ: «Мэ додиқлэм и бида мэрнэ народости... Мэ ӷанав, сар лэнди дэ ԥарэс» (Исход 3:7). Кала мэ полэм, пэ скати о Иегова дэ добро и дэ любящё, мэ закамлэм тэ дав лэсти алав тэ жував важ лэстэ. Андо 1998 бэрш мэ болделэм и ашэлэм лэ Иеговаско свидетелё.

Варикай через бэршэстэ посли кода, сар мэ болделэм, мэ прожавас спецыально обучения важ и корэ мануша. Кадэя обучения прожалас найдур лэ форостар Эскуинтла. Ек старейшына уӷангля, саво мэ став зор, кай тэ дожав анда пэско форо кордэ, кай прожал и собрания. И собрания, сави сас май пашэ каринг мандэ, сас пала плая. Када кодэла жэ плая, через савэ пэрэжанас лэ Иеговастирэ свидетеля, кай тэ авэн и тэ изучают манца. Лэ корэ манушэсти сас фартэ ԥарэс тэ пэрэжал через лэндэ. О старейшына, саво камэлас манди тэ поможый, виарақля еқэ ерес, савэ сас свидетеля. Вонэ жувэнас андэ Эскуинтла. Вонэ прилинэ ман пэстэ, кай мэ лэндэ тэ жував и поможынас тэ авав пэ собрании. Жы кодэла времятар, вонэ заботинпэ пала мандэ, кабута мэ анда лэнго ери.

Мэ моӷу бут со тэ росԥэнав пала кода, сар и ԥрала и ԥэя сыкавэнас пэстири любовь каринг мандэ. Через када мэ инке май фартэ патяв, кай мэ находисавав машкар чачунэ христианоря (Иоанна 13:34, 35).

САР МЭРНИ ЖЫЗНЯ АШЭЛЯ МАЙ ЛАЩИ?

Вместо кода, кай май бут тэ шав сама по пэско ԥаримос, мэ поможысарав аврэнди тэ уӷанэн, саво сомнак запистромэ андэ Библия. Кадяжэ мэ фартэ радо тэ служысарав, сар старейшына андэ христианско собрания и тэ ԥэнав и речи англа бут мануша. Инке мэ дажэ ԥэнавас и речи пэ региональни канӷрэсоря, пэ савэ сас най ек тысяча мануша.

Андо 2010 бэрш мэ сытелэм андэ Школа усовершэнствования служэния (адес пэр латэ ԥэнэн Школа важ кодэла, ко росԥэнэн пала Царство) андо Сальвадоро. Кадэя школа подӷотовила ман, кай мэ май драго тэ терав и дила андэ собрания. Через кадэя обучения, мэ полэм, кай о Иегова цэний и любий ман, ай кадяжэ полэм, кай через кажно мануш во можэт тэ стерэл пэстири дила.

О Иисусо ԥэндя: «Май бари бах, кала дас, чем, кала лас» (Деяния 20:35). Адес мэ моӷу тэ ԥэнав, кай мэ бахтало, кай поможысарав аврэнди, хоть и раньшэ манди здэласпэ, кай кацаво нэ можэт тэ авэл.