«На дар... и лэпэ тэ терэс»
«На дар и ав састо, и лэпэ тэ терэс. На дар и на тиносав даратар, важ кода кай о Дэл Иегова туса» (1 ЛЕТ. 28:20).
1, 2. а) Сави бари дила дя лэ Соломоности о Иегова? б) Васо о Давидо пэрэживал пала Соломоно?
О СОЛОМОНО трэбуй сас тэ стерэл фартэ бари дила. О Иегова витидя лэс, кай во тэ диқэл и тэ сытярэл лэ манушэн кодэлэсти, кай тэ строин о храмо. Андэ кодэя время, строинас бут храморя, но кадэя стройка на шоласпэ ни пэ сави. Лэ Соломоности трэбуй сас тэ строий о храмо андо Иерусалимо. Кадэва храмо трэбуй сас тэ авэл «фартэ баро и шукарно» и «тэ авэл па вся ԥув ашунгло пэстиря шукаримаса». Но со сас само главно, кай када «лэ чачунэ Дэвлэско лэ Иеговаско цэр» (1 Лет. 22:1, 5, 9—11).
2 О царё Давидо фартэ патялас, кай о Иегова поможыя лэ Соломоности. Но во сас «инке тэрно и бут, со на ӷанэнас». Ритярэлас лэс када, кай тэ лэл тэ строий о храмо? Даралас о Соломоно тэ строий лэс? Кай тэ стерэл вся, сар ԥэндя лэсти о Иегова, о Соломоно трэбуй сас тэ сыкавэл пэ дила, кай во на дарал тэ строий о храмо.
3. Со о Соломоно уӷангля пэстирэ дадэстар пала кода, сар тэ на дарал?
3 О Соломоно лэ Давидостар бут, со уӷангля пала кода, сар тэ на дарал. О Давидо пасыяс лэ бакрэн, савэн ритярэлас лэско дад. И кала о Давидо сас тэрно, во спасыяс лэ бакрэн лэ зверёнэндар (1 Сам. 17:34, 35). Во най еқвар пэ дила сыкадя, кай на дарал. Када сас, кала жыля тэ марэлпэ против Голиафо, саво сас фартэ баро и ӷанэнас драго тэ марэлпэ. О Давидо фартэ патялас лэ Иеговасти и важ када во умардя лэ Голиафос лэ барорэса (1 Сам. 17:45, 49, 50).
4. Васо о Соломоно трэбуй сас тэ на дарал?
4 Дицол, кай о Давидо сас кодэва мануш, саво мог тэ терэл кадя, кай о Соломоно тэ на дарал и тэ лэл тэ строий о храмо. (Адиносар 1 Летопись 28:20a). Если кай о Соломоно тэ авелоп дар, во на линоп тэ строий о храмо. Када авелоп хуже, чем во тэ на дотердоп лэс.
5. Васо амэнди трэбуй тэ на дарас?
5 Амэнди, сар и лэ Соломоности кадяжэ трэбуй помощь лэ Иеговастар тэ на дарас и тэ стерас кодэя дила, сави во ԥэнэн. Давайте роздиқаса, сар андэ дэлмутни время лэ Иеговастирэ служителя сыкавэнас пэ дила, кай на даран. Кадяжэ погиндосараса, сар амэ тэ на дарас и тэ стерас кодэя дила, сави о Иегова ԥэнэн.
СЫТЮВАС КОДЭЛЭНДАР, КО НА ДАРАЛАС
6. Со тумэнди чалеля анда кода, сар андярдя пэс о Иосифо?
6 Вспомним, сар андярдя пэс о Иосифо, кала лэ Потифаростири ромни терэлас вся, кай во тэ пэрэл лэса. Во ӷанэнас, со тоди авэла. Но во на диқля пэ када, на дарайля и нашлятар (Быт. 39:10, 12).
7. Росԥэнэн, сар и Раав сыкадя пэ дила, кай вой смило. (Диқэн и картинка англа статья.)
7 Инке, кастар тэ сытювас, кай тэ на дарас, када и Раав, сави жувэлас андо Иерихоно. Еқвар латэ андо цэр авелэ израильски мануша, кай тэ роздиқэн и ԥув. Вой могла тэ пэрэдарал лэндар и тэ отԥэнэнпэ тэ поможый лэнди. Но и Раав фартэ патялас лэ Иеговасти. Вой гарадя кадэлэ манушэн пэстэ цэрэ и поможысардя лэнди, кай тэ ужантар (Иис. Н. 2:4, 5, 9, 12—16). И Раав патялас, кай о Иегова чачуно Дэл, и кай во дэла лэ израильтянонэнди и ԥув, пала сави ԥэндя, кай вой авэла лэндири. Вой на домэкля, кай тэ пэрэдарал лэ манушэндар, лэ царёстар, саво андо Иерихоно и лэстирэ слугонэндар. Кода, со вой стердя, фэрисардя и жизня латирэ ерести и лэ родости (Иис. Н. 6:22, 23).
8. Сости и апостолоря сытелэ лэ Иисусостар?
8 Инке можно тэ сытювас тэ на дарас лэ Иисусостирэ апостолонэндар, савэ на ашадэ лэс. Вонэ диқэнас, саво смило сас о Иисусо и када поможыяс лэнди, кай тэ авэн кацавэ же (Матф. 8:28—32; Иоан. 2:13—17; 18:3—5). Кала и саддукеёря приԥэндэ лэнди тэ парашэн тэ росԥэнэн лэ Иисусостирэ алавэстар, и апостолоря на канглэ лэн (Деян. 5:17, 18, 27—29).
9. Сар алава анда 2 Тимофею 1:7 дэн тэ полас, со поможыя тэ на дарас?
9 О Иосифо, и Раав, о Иисусо и лэстирэ апостолоря пэ дила сыкадэ, кай камэн тэ терэн правильно. Вонэ слинэ смили най важ кода кай сас фартэ годявэрнэ, ай важ кода кай фартэ патянас лэ Иеговасти. Кадяжэ и андэ амари жизня может тэ авэл кацаво, кай трэбуй тэ на дарас. Тоди амэнди на трэбуй тэ гиндосарас, кай амэ фартэ годявэрнэ, ай тэ патяс лэ Иеговасти. (Адиносар 2 Тимофею 1:7b). Давайте диқаса, кай амэ инке трэбуй тэ авас смили. Када андо ери и андэ собрания.
КАЙ АМЭ ИНКЕ ТРЭБУЙ ТЭ АВАС СМИЛИ?
10. Васо лэ тэрнэ христианонэнди трэбуй тэ авэн смили?
10 Кай вся время тэ кандэн лэ Иеговас, лэ тэрнэ христианонэнди часто прижалпэ тэ авэн смили. Вонэ могут тэ сытён лэ Соломоностар, саво сас смило. Када дицолас, кала во витидэлас, со и сар тэ терэл, кай тэ строий о храмо. Чаче, и тэрнэ христианоря трэбуй тэ пушэнпэ кай и родителя, со и сар тэ терэн. Но кадяжэ вонэ трэбуй екжэнэ тэ витидэн (Прит. 27:11). Вонэ трэбуй тэ авэн смили, кай правильно тэ витидэн пэсти другонэн, кала камэн тэ отцыён и тэ андярэн пэс вужэс англа Дэл, ай кадяжэ, кала камэн тэ болдён. Кала и тэрнэ мануша терэн кадя, вонэ жан против Сатана, саво приасалпэ лэ Дэвлэстар.
11, 12. а) Состар кай о Моисеё можно тэ сытювас анда кода, кай во сас смило? б) Сар и тэрнэ христианоря могут тэ терэн кадя, сар о Моисеё?
11 Лэ тэрнэ христианонэнди трэбуй тэ полэн, со вонэ камэн тэ терэн андэ жизня. Андэ дэсавэ страны лэнди ԥэнэн, кай лэндэ тэ авэл лащи образование, тэ виарақэн бути, пэ сави лэна тэ потинэн лашэ ловэ. Ай андэ авэр страны, кай ԥарэс тэ прожувэн, и тэрнэ мануша гиндон, кай главно важ лэндэ, тэ затерэн ловэ важ о ери. Со бы тумэндэ анда када тэ на авэл, погиндон пала Моисеё. Лэс барярэлас лэ фараоностири щей, через када во мог тэ авэл ашунгло и барвало мануш. Кодэла, ко лэс барярэнас, и кодэла, ко сытярэнас, ай кадяжэ барэ мануша подԥэнэнас лэсти, кай во тэ авэл кацаво мануш. Но о Моисеё на подяпэ кадэлэсти. Во витидя тэ авэл лэ Дэвлэстирэ народоса. Кала во отԥэндяпэ кодэлэстар, со лэстэ могло тэ авэл андо Египто, во инке май фартэ ля тэ патял лэ Иеговасти (Евр. 11:24—26). О Иегова благословисардя лэ Моисеёс, ай англэ дэла лэсти инке бут лашимос.
12 Кадяжэ о Иегова благословия лэ тэрнэ христианонэн, савэ на даран май бут тэ служин лэ Иеговасти и стон пэ пэрво ҭан лэско Цаство. Во поможыя лэнди, кай вонэ тэ дэн пэстирэ ерести кода, со лэнди трэбуй важ и жизня. Андэ пэрво вико о тэрно христианино о Тимофеё май бут время отдэлас, кай тэ служий лэ Дэвлэсти. Тумэ кадяжэ можете тэ терэн, сар воc. (Адиносар Филиппийцам 2:19—22d).
Готови тумэ тэ авэн смили андэ вся? (Диқэн и абзацоря 13—17.)
13. Васо еқа тэрня ԥэяти трэбуй сас тэ авэл смило, кай тэ стерэл кода, со камэл?
13 Еқа ԥэяти анда Алабама (США) трэбуй сас тэ авэл смило, кай май бут тэ терэл андэ служения. Вой пистрой: «Мэ сымас фартэ лажани бэята. Манди даже сас фартэ ԥарэс тэ задав дума кодэлэнца, ко авэлас андо зало, кай тидэнпэ лэ Иеговастирэ свидетеля. Ай инке май бут даравас тэ жав и тэ стучисарав андэ двэри кай и чужи мануша». Но через кода, кай и родителя, и ԥрала, и ԥэя андэ собрания, поможисардэ лати тэ стерэл кода, со камэл, вой ашэля пионеро. Акэ, со вой ԥэнэн: «Лэ Сатанаско миро терэл вся, кай амэ тэ патяс, кай лэ манушэстэ трэбуй тэ авэн ловэ, лащи образование, тэ авэл ашунгло, тэ тинэл бут нэвэ вещи, кати када мануш трэбуй тэ камэл, кай лэстэ тэ авэл. Но май часто када анэн, кай тэ пэрэживаем и каринг кода, кай амэндэ на вижал кадя, сар камас. Ай, кала мэ служисарав лэ Иеговасти, када анэн манди бах и кадэлэстар ашэл драго по ди».
14. Кала и родителя трэбуй тэ авэн смили?
14 И христианоря, савэндэ исин бэятцэ, кадяжэ трэбуй тэ авэн смили. Кала тумэ терэн бути, о начальнико, может тэ ԥэнэн, кай тумэ тэ терэн бути май бут время, чем авэр, андэ деса, андэ савэ тумэ вместе лэ ереса сытён па Библия, ԥирэн пэ собрания и росԥэнэн важ о Дэл. Трэбуй тэ на даран, кай тэ ԥэнэн, кай на лэна тэ терэн бути андэ кодэла деса. Кадя тумэ сыкавэна пэстирэ бэятонэнди, сар правильно. Или ԥэнаса, варико анда родителя анда тумари собрания домэкэн тэ терэн пэстирэ бэятонэнди кода, со тумэ на камлоп тэ терэн тумарэ бэятцэ. Кодэла родителя могут тэ пушэн тумэндар, васо тумарэ бэятцэ на терэн кода, со лэндирэ. Кай тэ росԥэнэн када спокойно, тумэ трэбуй тэ авэн смили.
15. Сар лэ родителёнэнди поможын алава анда Псалом 37:25 и анда Евреям 13:5?
15 Трэбуй тэ на даран, кай тэ поможын пэстирэ бэятонэнди тэ погиндон, со камлоп тэ стерэн андэ служения. Кадяжэ тэ поможын, кай и бэятцэ тэ стерэн када. Дэсавэ родителя на дэн дума пэстирэ бэятонэнца пала кода, кай вонэ тэ авэн пионероря, тэ пэрэладэн кордэ, кай на хутилэл ԥралэн и ԥэян, тэ служин андо Вефилё или андэ теократически стройки. Вонэ даран, кай лэндирэ бэятцэ нэ смогут тэ поможын лэнди, кала вонэ авэна ԥурэ. Но мудри родителя фартэ патян лэ Иеговастирэ алавэнди. (Адиносар Псалом 37:25e; Евреям 13:5f). И христианоря, савэ пэ дила сыкавэн, кай на даран и патян лэ Иеговасти, терэн вся, кай лэндирэ бэятцэ тэ терэн кадя, сар вонэ (1 Сам. 1:27, 28; 2 Тим. 3:14, 15).
16. Сар дэсавэ родителя поможысардэ пэстирэ бэятонэнди, кай тэ закамэн май бут тэ терэн андэ служения и со када андя?
16 Ек ери анда США поможысардэ пэстирэ бэятонэнди, кай вонэ тэ закамэн май бут тэ терэн андэ служения. Акэ, со росԥэнэн о хулай кадэлэ ереско: «Сар инке амарэ бэятцэ на линэ тэ дэн дума и тэ ԥирэн, амэ росԥэнасас лэнди, сави радость анэн пионерско служения и кода, кала поможис лэ ԥралэнди и лэ ԥэянди андэ собрания. Акана вонэ екжэнэ камэн тэ терэн кадяжэ. Кода, кай и бэятцэ камэн тэ терэн май бут андэ служения, поможын лэнди тэ на терэн кадя, сар терэл лэ Сатанаско миро и май бут тэ терэн андэ служения лэ Иеговасти». Инке ек ԥрал, савэстэ дуй бэятцэ, пистросардя: «Кай бут родителя жал фартэ бут время и ловэ пэ кода, кай лэндирэ бэятцэ тэ авэн ашунглэ андо спорто, андо искусство и андэ учёба. Но май годявэрнэс авелоп тэ поможын пэстирэ бэятонэнди, кай и бэятцэ тэ лэн тэ терэн кода, через со могут тэ авэн лэ Дэвлэстирэ другоря. Амэндэ сас бари радость андо ди, кай амэ най кати диқасас, кай амарэ бэятцэ терэнас май бут андэ служения, но и терасас када вместе лэнца». Можно тэ патяс, кай о Иегова благословия лэ родителёнэн, савэ поможын пэстирэ бэятонэнди, кай вонэ тэ закамэн май бут тэ терэн андэ служения. Кадяжэ поможын лэнди тэ стерэн кода, со загиндосардэ.
СМИЛИ АНДЭ СОБРАНИЯ
17. Кала андэ собрания трэбуй тэ авэн смили?
17 Андэ собрания кадяжэ трэбуй тэ авэн смили. Лэ старейшинонэнди трэбуй тэ авэн кацавэ, кала розлэн лэ манушэстири дила, саво тердя бэзэх, или кала поможын кодэлэнди, ко фартэ занасвайля и лэнди йто трэбуй помощь лэ врачонэндар. Дэсавэ старейшиноря жан андо баруно, кай тэ росԥэнэн пала Дэл лэ манушэнди, савэ котэ бэшэн. Ай со можно тэ ԥэнэс важ и ԥэя, савэ най миростэ? Бут андар лэндэ смило витидэн май бут тэ служин лэ Иеговасти. Вонэ служин пионеронэнца, пэрэладэн интя, кай мало амарэ ԥрала и ԥэя, терэн бути андэ теократически стройки и сытён андэ Школа благовестников Царства. Дэсавэ ԥэя даже могут тэ сытён андэ Школа Галаад.
18. Кала и ԥурэ пэя могут тэ авэн смили?
18 Андэ собрания исин ԥурэ ԥэя и када фартэ бари благословения важ авэр! Сар же амэ любисарас кадэлэ ԥэян! Чаче, дэсавэндэ андар лэндэ нинай кацаво зор, кай тэ служин лэ Иеговасти кадя, сар спэрва. Но вонэ всаек могут тэ авэн смили и тэ подԥэнэн. (Адиносар Титу 2:3—5g). И старейшиноря могут тэ мангэн ла ԥуря ԥэя, кай вой тэ дэл дума ла тэрня ԥэяса, сар вой утидэлпэ. И чаче, кай тэ дэс дума трэбуй тэ авэс смило. И ԥури ԥэй на лэла тэ лажаварэл ла тэрня ԥэя, сар вой утидэлпэ. Но вой может тэ подԥэнэн ла ԥэяти, кай вой тэ погиндой, со через када, сар вой утидэлпэ могут тэ гиндон авэр (1 Тим. 2:9, 10). Кода, кай и ԥури ԥэй подԥэндя ла тэрня ԥэяти, может тэ анэн бут лашимос.
19. а) Сар и ԥрала, савэ болделэ, могут тэ авэн смили? б) Сар и алава анда Филиппийцам 2:13 и 4:13 могут тэ поможын лэ ԥралэнди, кай вонэ тэ авэн смили?
19 И ԥрала, савэ болделэ, трэбуй тэ авэн смили и тэ лэнпэ «тэ терэн» дила андэ собрания. И смили ԥрала, савэ камэн май бут тэ терэн дила андэ собрания, када благословения важ и собрания (1 Тим. 3:1). Но дэсавэ най фартэ камэн тэ терэн май бут. Может варико андар лэндэ, варикала тердя варисо най кадя и акана лэсти здэлпэ, кай во нэ может тэ авэл служебно помощнико или старейшина. А варико может тэ гиндой, кай лэсти када ԥарэс тэ стерэл. Если тумэндэ андо ди кацаво же, тоди о Иегова поможыя тумэнди, кай тумэ тэ авэн смили. (Адиносар Филиппийцам 2:13h; 4:13i). Сэрэн, кай спэрва о Моисеё кадяжэ гиндояс, кай на стерэла кода, со ԥэндя о Иегова (Исх. 3:11). Но о Иегова поможысардя лэсти. Кала прожыля время о Моисеё ашэля смило и через када, во мог тэ стерэл, со ԥэндя о Иегова. О ԥрал, саво болделя, может тэ ашэл смило, если лэла анда вся оди тэ мангэлпэ лэ Иеговасти пала помощь, и кажно дес тэ адиной и Библия. Кадяжэ во может тэ гиндой пала смили лэ Иеговастирэ служителя, кай тэ сытёл лэндар. Инке о ԥрал может драго тэ мангэл, кай и старейшиноря тэ сытярэн лэс и тэ ԥэнэн, кай во может тэ поможый, кала када трэбуй. Ԥрала, савэ болделэ, авэн смили и терэн бут андэ собрания!
«О ИЕГОВА... ТУСА»
20, 21. а) Пала со о Давидо инке еқвар ԥэндя лэ Соломоности? б) Андэр со амэ можем тэ патяс?
20 О царё Давидо, инке еқвар ԥэндя лэ Соломоности, кай о Иегова авэла лэса, пока во на достроия о храмо (1 Лет. 28:20) Кадэла лэ дадэстирэ алава, дожылэ каринг лэско ди и во ля тэ гиндой пала лэндэ. Во на диқля пэ кода, кай во сас тэрно и бут со на ӷанэнас. Вся када дя лэсти помощь тэ лэл тэ строий о храмо. Кала во ля тэ строий о храмо, во пэ дила сыкадя, кай фартэ смило. Важ кода кай о Иегова поможыяс лэсти, во пала семь с половиной бэрш построисардя о храмо, саво сас баро и шукарно.
21 Сар и лэ Соломоности о Иегова поможыя амэнди тэ авас смили и тэ терас пэсти дила андэ собрания и андо ери (Ис. 41:10, 13). Если амэ смили андэ служения лэ Иеговасти, тоди амэ можем тэ патяс, кай во благословия амэн адес и англэ. Важ када авэн смили и лэнпэ «тэ терэн» дила андэ собрания и андо ери!
a 1 Летопись 28:20: «О Давидо ԥэндя пэстирэ шавэсти лэ Соломоности: „На дар и ав састо, и лэпэ тэ терэс. На дар и на тиносав даратар, важ кода кай о Дэл Иегова, мэрно Дэл, туса. Во на ашавэла и на мэкэла тут, пока на достерэса вся и бути, сави трэбуй важ и служения андэ лэ Иеговаско храмо“».
b 2 Тимофею 1:7: «Важ кода кай о Дэл дя амэнди духо тэ на дарас, ай инке зор, любовь и правильно тэ гиндосарас».
c Пала кода, со май бут тэ терэс андэ служения, можно тэ виарақэс андэ «Сторожевой башне» 15 июля 2004 бэрш андэ статья «Пусть твои духовные цели прославляют Создателя».
d Филиппийцам 2:19—22: «Мэ же аштярав, кай о Господо Иисусо поможыя манди, через набут время тэ бишалав каринг тумэндэ лэ Тимофеёс, кай, кала уӷанава, сар тумэндэ и дила, мэ тэ радосавав пала тумэндэ всаворэ одеса. Мандэ никас нинай, кастэ андо ди тэ авэл каринг тумэндэ кацаво, сар мандэ, ко анда вся оди тэ поможый тумэнди андэ тумари дила. Всаворэ родэн пэско, ай най кода, со трэбуй лэ Иисусости Христости. Но тумэ ӷанэн, саво во: сар о шаво лэ дадэса, во ашэля манца, сар рабо, кай тэ росԥэнэн бутэнди лащи весть».
e Псалом 37:25: «Сымас мэ тэрно, ай акана ԥурелэм, но на диқлэм, кай о Дэл тэ ашавэл лэ манушэс, саво ритярэл лэско законо и лэстирэ бэятонэн, кай вонэ тэ мангэн о марно».
f Евреям 13:5 «Мэк андэ тумари жизня на авэла любовь каринг и ловэ. Авэн довольни кодэлэса, со исин, важ кода кай во ԥэндя: „Никала на ашавава тут и никала на мэкава тут“».
g Титу 2:3—5: «Кадяжэ и ԥурэ жувля, мэк андярэн пэс драго, на хохавэн, на матён и на пэн бут, сытярэн лашимастэ, тэ сытярэн лэ тэрнэн жувлян, кай тэ любин пэстирэ хулан, пэстирэ бэятонэн, тэ на споринпэ, тэ авэн вуже англа Дэл андэ дила и андэ гиндоря, драго тэ диқэн пала пэско ери, тэ терэн бут лашимос, тэ кандэн пэстирэ хулан, кай нико тэ на дэл дума найдраго пала лэ Дэвлэско Алав».
h Филиппийцам 2:13: «Важ кода кай екжэно о Дэл терэл кадя, кай тумэ тэ камэн и тэ терэн дила».
i Филиппийцам 4:13: «Исин кодэва, ко дэл манди зор, важ када мэ вся могу тэ терав».