На пэрэлэн кода, пала со гиндон андэ кадэва миро
«Диқэн, кай нико тэ на отцырдэл тумэн через кода, сости сытярэн андэ кадэва миро и через лэ манушэнго хохаимос, саво кадэлэ миростар» (КОЛ. 2:8).
1. Со подԥэндя о Павло лэ христианонэнди, савэ жувэнас андо форо Колоссы? (Диқэн и картинка англа статья.)
КАЛА о апостоло Павло сас андо баруно андо Римо, андо 60 жы кай 61 бэрша лэ Иисусостар, во пистросардя письмо лэ христианонэнди, савэ слинэ андо Колоссо. Андэ кадэва письмо ԥэнэнаспэ пала кода, сар важно «тэ диқэн пэ вся кадя, сар о Дэл» (Кол. 1:9). Кадяжэ во ԥэндя: «Ԥэнав када, кай нико тэ на обхохавэл тумэн ла думаса, сави здэлпэ, кай годявэрни, но па чачимастэ хохавни. Диқэн, кай нико тэ на отцырдэл тумэн через кода, сости сытярэн и через о хохаимос, саво лэ манушэндар, саво кадэлэ миростар, ай най лэ Христостар» (Кол. 2:4, 8). О Павло ԥэндя, пала со май бут гиндон и мануша, када найчачимос. Кадяжэ росԥэндя, васо бутэ манушэнди када чалёл. О Павло ԥэндя, кай кала и мануша пэрэлэн кадэла гиндоря, вонэ лэн тэ гиндон, кай май годявэрнэ и май лашэ аврэндар. О Павло пистросардя кадэва письмо, кай тэ поможый лэ ԥралэнди, кай вонэ тэ на пэрэлэн кода, со гиндой и терэл кадэва миро (Кол. 2:16, 17, 23).
2. Васо амэнди авелоп драго тэ уӷанас, пала со и мануша май бут гиндон андэ кадэва миро?
2 Кода, сар гиндон и мануша андэ кадэва миро терэл кадя, кай пэр со ритярдёл лэ Дэвлэско законо, када нисо, или на шон сама пэ кода, со котэ ԥэнэнпэ. Если амэ лас тэ гиндосарас кадяжэ, тоди амэ можем по набут тэ хасарас амари вера. Кода, пала со гиндон андэ кадэва миро, даравэл пэско па телевизоро, андо интернето, андэ школа и пэ бути. Всаворэстар кадэлэстар на угарадёса. Андэ кадэя статья амэ уӷанаса, сар тэ на пэрэлас кода, сар гиндой кадэва миро. Кадяжэ амэ роздиқаса, пала со май бут гиндон андэ кадэва миро и кадяжэ, сар тэ на подаспэ кодэлэсти, сости вонэ сытярэн.
ТРЭБУЙ ТЭ ПАТЯС АНДО ДЭЛ?
3. Со гиндон бут мануша и васо?
3 «Мэ и кадя могу тэ авав лашо мануш, даже если мандэ и нинай вера андо Дэл». Кадя адес гиндон андэ бут страны. Вонэ ԥэнэн, кай патян андо Дэл, но на камэн май драго тэ полэн лэ Дэвлэс. Вонэ фартэ и на гиндон пала кода, исин Дэл или нинай. Но лэнди чалёл, кала вонэ гиндон, кай могут тэ терэн кода, со камэн. (Адиносар Псалом 10:4a). Кодэла, ко годявэр андэ пэстирэ яқа ԥэнэн: «Кай андэ вся пэс драго тэ андярэс, на трэбуй тэ патяс андо Дэл».
4. Со можно тэ ԥэнэс лэ манушэсти, саво ԥэнэн, кай кодэлэс, ко вся создал, нинай?
4 Годявэрнэс авэла тэ ԥэнэс, кай кодэлэс, ко вся создал нинай? Кала пушэн, катар ляпэ и жизня, и учённи залэн и дума дурал, но нисо нащи росԥэнэн, хоть када и вушэро тэ полэс. О цэр нэ может тэ лэлпэ корко пэстар. Лэс трэбуй варико тэ стерэл. Тоди могла и жизня тэ лэлпэ корко пэстар? Даже само прости клетки андо мануш стердэ фартэ годявэрнэс, май годявэрнэс, чем любо цэр. Вонэ могут тэ терэн кода, со нэ может тэ терэл ни ек цэр. Лэндар инке могут тэ авэн кацавэ же клетки, сар и вонэ. Вижал и клетки анда мануш ӷанэн тэ фэрин и тэ сэрэн кода, со сас, кай лэндар инке тэ авэн кацавэ же клетки. Кастар када вся жыля? Андэ Библия ԥэнэнпэ: «Кажно цэр варико строий, ай кодэва, ко стердя вся, када о Дэл» (Евр. 3:4).
5. Пала со трэбуй тэ погиндон кодэла, касти здэлпэ, кай вонэ могут би лэ Дэвлэско тэ полэн, со лашимос, ай со най?
5 Со можно тэ ԥэнэс пала кода, кай и мануша гиндон, кай можно тэ терэс лашимос аврэнди, кала на патяс андо Дэл? Андэ лэ Дэвлэско Алав ԥэнэнпэ, кай и мануша, савэ на патян андо Дэл, могут тэ терэн драго (Рим. 2:14, 15). Вонэ любин и полэн пэстирэ родителёнэн. Но если о мануш на ритярэл лэ Иеговаско законо, тоди во может тэ витидэл кода, со найдраго андэ лэ Дэвлэстирэ яқа (Ис. 33:22). Пэ ԥув ашэл май бут найлашимос, важ када бут годявэрнэ мануша полэн, кай би лэ Дэвлэско нащи тэ обжанпэ. (Адиносар Иеремия 10:23b). О мануш никала на трэбуй тэ гиндой, кай во может тэ ӷанэн, со лашо, ай со най, если на полэл лэ Дэвлэс и лэско законо (Пс. 146:3).
ТРЭБУЙ ЛЭ МАНУШЭСТИ ВАРИСАВИ ВЕРА ЧИ НАЙ?
6. Сар бут мануша диқэн пэ кода, кай тэ жан андэ варисави вера?
6 «На трэбуй тэ жас ни андэ сави вера, кай тэ авэс бахтало». Адес и мануша часто гиндон кадя, кай и вера на анэн нисави радость и на анэн нисаво лашимос. Бутэн отшол ла вератар, кода, кай котэ сытярэн, кай исин адо, андэ саво ԥабон и мануша, кай трэбуй тэ отдэн десято часть всаворэстар, со лэндэ исин и кай и рашая ақарэн варисо тэ терэн андэ политика. Через када и мануша гиндон, кай вонэ могут тэ жувэн драго, даже кала на жан ни андэ сави вера. Вонэ могут тэ ԥэнэн, кай камэн тэ уӷанэн важ о Дэл, но на камэн тэ жан ни андэ сави вера.
7. Сар и чачуни вера поможый лэ манушэнди, кай вонэ тэ авэн бахталэ?
7 Может о мануш тэ авэл бахтало, если во на жал ни андэ сави вера? Кати если и дума жал пала хохавни вера. Но о мануш на авэла па чачимастэ бахтало, если во на авэла лэ Иеговаско друго, саво «бахтало Дэл» (1 Тим. 1:11). Вся, со терэл о Дэл, анэн аврэнди лашимос. Лэстирэ служителя бахталэ, важ кода кай гиндон, сар тэ поможын аврэнди (Деян. 20:35). Погиндон, сар кода, кай служин лэ Иеговасти, анэн бах андо ери. Хулай и хулаи сытён тэ любин и тэ стон патив пэ ек аврэстэ. Вонэ никала на бистрэн драго тэ сытярэн лэ бэятонэн и на бистрэн кода, кай динэ алав ек еқэсти, кала женисайлэ. Кала служин лэ Иеговасти, када поможый, кай лэско народо тэ авэл, сар ек ери. Важ када андэ лэ Иеговасти собрания па вся люма мануша ладин и любин ек еқэс. (Адиносар Исаия 65:13, 14c).
8. Сар и алава анда Матфея 5:3 поможын амэнди тэ полас, сар тэ авас бахталэ?
8 Может о мануш тэ авэл па чачимастэ бахтало, если во на служий лэ Иеговасти? Ай со важ дэсавэ мануша бах? Важ дэсавэ мануша када лащи бути, пэ сави во баро мануш, кода, соса во любий тэ залэлпэ или спорто. Важ авэр, када о ери и другоря. Чаче, через вся када амари жизня ашэл май бахтали. Но кай о мануш андэ жизня трэбуй тэ авэл инке варисо май важно кадэлэстар. И мануша най кацавэ, сар и животни. О мануш может тэ авэл лэ Создателёско друго и тэ тэлёл лэсти. Када терэл кадя, кай о мануш па чачимастэ тэ авэл бахтало, важ кода кай амэн кадя создал о Дэл. (Адиносар Матфея 5:3d). Кала амэ стидаспэ вмести, кай тэ тэлювас лэ Иеговасти, када анэн амэнди радость и терэл драго по ди (Пс. 133:1). Амэ ради, кай амэ, сар ек баро ери. Кадяжэ, кай амэ англэ аштярас лашимос и амэндэ исин васо тэ жувас.
КАЙ И МАНУША ТЭ НА АНДЯРЭН ПЭС БИЛАЖАВАРДЭС, ВАЖ КАДА ТРЭБУЙ ЗАКОНО?
9. а) Со бут мануша гиндон пала кода, со может тэ авэл кати машкар ром и ромни? б) Васо лэ Дэвлэско Алав сындой, если машкар о мурш и жувли, савэ най женати исин кода, со может тэ авэл кати машкар ром и ромни?
9 «Ай чаче, кай тэ авэл варикаса кода, со может тэ авэл кати машкар ром и ромни, трэбуй кати тэ жениспэ или тэ жас миростэ?» И мануша ԥэнэн амэнди: «Тэ жувэс трэбуй кадя, сар тути чалёл. Но васо када найдраго, кала машкар и мануша кода, со может тэ авэл кати машкар ром и ромни, кала вонэ най женати?» Важ кода кай андэ Библия ԥэнэнпэ, кай кадя нащи тэ терэнe. (Адиносар 1 Фессалоникийцам 4:3—8f). Кай о Иегова исин право тэ стол важ амэндэ законоря, важ кода кай во амаро Создателё. Во любий амэн и важ када дэл амэнди законоря. О Иегова ӷанэн, кай если амэ ритярас кадэла законоря, амари жизня ашэл инке май бахтали. О Дэл ԥэндя, кай кода, со может тэ авэл кати машкар ром и ромни могут тэ авэн кати машкар о мурш и жувли, савэ женати. Андо ери, саво ритярэл кадэва лэ Дэвлэско законо, май драго полэн и любин ек аврэс, стон патив и на даран никастар и нисостар. И о Дэл спушэла кодэлэндар, ко ԥагэл лэстирэ законоря (Евр. 13:4).
10. Со поможыя лэ христианиности, кай тэ на терэл билажавардимос?
10 Лэ Дэвлэско Алав сытярэл амэн, сар тэ на терас билажавардимос. Трэбуй тэ диқас пала пэстирэ яқа, каринг вонэ диқэн. О Иисусо ԥэндя: «Кажно, ко на парашэл тэ диқэл пэ жувли и через када инке май фартэ ла камэл, уже андо пэско ди стердя ласа бэзэх. Если тири як, ашэл важ тутэ, сар бар, через саво можешь тэ пэрэс, вилэ ла и вишу» (Матф. 5:28, 29). Важ када и христианоря трэбуй тэ на диқэн и картинки или тэ ашунэн и диля, андэ савэ ԥэнэнпэ найлашэ алава. О апостоло Павло пистросардя: «Умарэн андэ тумари тила кода, со камэл тэ терэл билажавардэс» (Кол. 3:5). Кадяжэ амэнди трэбуй тэ диқас пала кода, со амэ гиндосарас и со амэ дас дума (Эф. 5:3—5).
ТРЭБУЙ ТЭ ДОМАРДЁС, КАЙ ТЭ АВЭЛ ЛАЩИ БУТИ, ПЭ САВИ ТУ АВЭСА БАРО МАНУШ?
11. Васо бут мануша гиндон, кай ашэл тэ жувэн важ кода, кай тэ авэл лащи бути, пэ сави вонэ авэна барэ мануша?
11 «О мануш авэла бахтало тоди, кала лэстэ авэла лащи бути, пэ сави во авэла баро мануш». Бут мануша гиндон, кай ашэл тэ жувэл через кода, кай тэ авэл лащи бути, пэ сави во баро мануш. Важ кода кай через латэ о мануш может тэ авэл ашунгло и барвало. Бут мануша кадя жувэн и важ када и христианоря могут када тэ пэрэлэн и кадя же тэ гиндон.
12. Чаче, кай кала лэ манушэстэ лащи бути, пэ сави во баро мануш, во авэла бахтало?
12 Ԥэнаса, варико ашэля баро мануш пэ пэстири лащи бути, через сави во ашэля ашунгло и пэр лэстэ линэ тэ стон бари патив. Можно тэ ԥэнэс пэ кадэва мануш, кай во па чачимастэ бахтало? Най. Сэрэн, со сас лэ Сатанаса? Во кадяжэ фартэ камэлас, кай тэ авэл ашунгло и кай лэсти тэ тэлён. Но ашэля во через када бахтало? Най, во ашэля фартэ холинако, ай най бахтало (Матф. 4:8, 9; Отк. 12:12). Ай акана погиндон, сави тумэндэ радость андо ди, кала поможын аврэнди тэ уӷанэн пала Дэл, саво дя алав пала лашимос, саво авэла англэ. Нисави бути на дэла кацаво лашимос. Инке, и мануша могут тэ споринпэ машкар пэстэ, тэ холявэн ек пэ ек, важ кода кай кажно андар лэндэ камэл тэ авэл баро пэ пэсти бути. Андэ Библия ԥэнэнпэ, кай па чачимастэ када, сар «тэ нашэн пала балвал» (Эккл. 4:4).
13. а) Сар амэ трэбуй тэ диқас пэ пэстири бути, пэ сави затерас ловэ? б) Через со о Павло па чачимастэ ашэля бахтало?
13 Чаче, амэнди трэбуй пэ варисо тэ жувас. Если амэнди чалёл амари бути, када драго. Но и бути на трэбуй тэ авэл пэ пэрво ҭан. О Иисусо ԥэндя: «Нико нэ может тэ авэл рабо кай дуй хулая, важ кода кай или еқэс лэла нэнавидеть, ай аврэс тэ любий, или еқэс на ашавэла, ай аврэс на лэла тэ шол сама. Тумэ нэ можете тэ авэн рабонэнца и лэ Дэвлэсти и лэ Барвалимасти» (Матф. 6:24). Кала амэ служисарас лэ Иеговасти и сытярас аврэн па Библия, када анэн амэнди бари радость. Кацаво сас по ди кай о апостоло Павло. Сар во инке на сас христианино, во камля, кай андэ пэсти вера во тэ авел баро мануш. Но о Павло па чачимастэ ашэля бахтало кати, кала ля тэ сытярэл аврэн па Библия и кала диқэлас, сар када парувэлас лэ манушэндири жизня. (Адиносар 1 Фессалоникийцам 2:13, 19, 20g). Нисо авэр андэ жизня на дэл кацави бах, сар кати, кала о мануш служий лэ Иеговасти и сытярэл аврэн па Библия.
Амэ па чачимастэ аваса бахталэ, кала поможысарас аврэнди тэ уӷанэн важ о Дэл (Диқэн и абзацоря 12, 13.)
МОГУТ И МАНУША ТЭ УЛЭН ПЭСТИРЭ ПРОБЛЕМЫ?
14. Васо и мануша патян, кай вонэ екжэнэ могут тэ улэн и проблемы, савэ исин андо миро?
14 «И мануша екжэнэ могут тэ улэн проблемы, савэ исин андо миро». Бутэ манушэнди чалён кадэла алава, важ кода кай тэ авелоп када чачимос, лэ манушэнди на трэбуй авелоп кода, со ԥэнэн о Дэл, и вонэ могли тэ терэн кода, со дэла лэнди андо шэро. Дэсавэнди кадэла гиндоря могут тэ здэнпэ правильни, важ кода кай и мануша ԥэнэн, кай андо миро ашэля май мало войны, преступности, насвалимос и чорымос. Андэ ек статья ԥэнэнаспэ: «Проблемы андо миро ашэн май мало, важ кода кай и мануша закамлэ тэ стерэн андо миро май фэдэр». Па чачимастэ када кадя? Полинэ и мануша, сар тэ улэн и проблемы, кай вонэ тэ на авэн андо миро? Кай тэ уӷанас, чачимос када или най, давайте роздиқаса май драго кадэла проблемы.
15. Со сыкавэн и проблемы, савэ исин андо миро?
15 Войны. Кала сас дуй мирови войны мулинэ май бут, чем 60 миллионоря манушэн. Но жы кодэла времятар и войны на парашэлэ. Андо 2015 бэрш лэ беженцонэн ашэля май бут через и войны и через кода, кай лэн ӷонинас. Лэн ашэля варикай 65 миллионоря. Андо 2015 бэрш лэ манушэнди прижыляпэ тэ ашавэн пэстирэ цэра и кацавэн манушэн сас май бут, чем 12 миллионоря. Преступность. Андэ дэсавэ страны и преступность линэ тэ терэн май мало. Но авэр найлашимос, саво нащи улэн кацаво, сар терроризмо, преступность через интернето, ай кадяжэ андо ери, кала споринпэ, акушэнпэ марэнпэ, умарэн. Кадяжэ нащи улэн кода, кай лэ барэ манушэн подтинэн лэ ловэнца. Насвалимос. Дэсавэ насвалимастар и мануша виарақлэ драба. Но андэ 2013 бэрш ԥэндэ, кай и мануша мэрэн кацавэ насвалимастар, сар инсульто, насвалэ лэ одеса, рако, или кала дуқал о кэрло, питял о нак и кала кай о мануш сахари. Кацавэстар мэрэн кажно бэрш варикай 9 миллионоря манушэн, савэнди инке нинай 60 бэрш. Чорымос. Всемирно банко пистрой, кай и мануша, савэ жувэн чорорэс, кати андэ Африка, ашэля май бут. Андо 1990 бэрш сас 280 миллионоря манушэн, ай андо 2012 ашэля 330 миллионоря.
16. а) Васо кати лэ Дэвлэско Царство улэла всаворэ проблемы? б) Со андэ Исаия и андэ 72 Псалом ԥэнэнпэ пала кода, сави авэла жизня, кала правия о Царство?
16 Пала экономика и пала политика диқэн май бут мануша, савэ гиндон кати пала пэстэ. Через кацавэ мануша на парашэн и войны, преступность, насвалимос и чорымос. Улэла када кати лэ Дэвлэско Царстово. Погиндон, со стерэла важ амэндэ о Иегова. Войны. Лэ Дэвлэско Царство улэла кода, васо терэнпэ и войны. Када, кай и мануша гиндон кати пала пэстэ, кай подтинэн лэ барэ манушэн лэ ловэнца, кай гиндон, кай лэндири нация май лащи аврэндар, кай и мануша патян хохавнэ дэвлэнди и даже лэ Сатанасти (Пс. 46:8, 9). Преступность. Лэ Дэвлэско Царство стердя кадя, кай миллионоря мануша тэ любин и тэ патян ек аврэсти. И барэ мануша, савэ правин нэ могут када тэ стерэн, важ кода кай када най па лэнго зор (Ис. 11:9). Насвалимос. О Иегова пэстирэ служителёнэнди дэла фартэ лашо зор (Ис. 35:5, 6). Чорымос. О Иегова улэла о чорымос. Кай и мануша авэла вся, кай вонэ тэ авэн бахталэ. Но само главно, кай о Дэл авэла лэнго друго, нисо нинай май куч, чем када (Пс. 72:12, 13).
ӶАНЭН, СО ТЭ ԤЭНЭН
17. Со поможыя амэнди тэ на пэрэлас лэ манушэндирэ гиндоря, савэ андэ кадэва миро?
17 Кала тумэ ашунэн, пала со дэн дума бут мануша, но када на сжалпэ кодэлэса, андэр со тумэ патян, драго росполэн, со пала када ԥэнэнпэ андэ лэ Дэвлэско Алав. Кадяжэ пала када тумэ можете тэ подэн дума лэ христианиноса, савэстэ бари вера. Погиндон, васо тумэнди чалёла кода, пала со дэн дума бут мануша андэ кадэва миро. Васо, кода, пала со вонэ гиндон, нэправильно и со, и сар тэ росԥэнэн лэнди пала када? Амэ фэрисараса пэс кадэлэстар, со гиндон и мануша анда кадэва миро, если тераса кадя, сар ԥэндя о апостоло Павло андо письмо, саво сас важ и колоссяноря: «Кодэлэнца, ко най верующё андярэн пэс годявэрнэс... кай тумэ тэ ӷанэн, со тэ ԥэнэн кажнонэсти пэ лэстирэ алава» (Кол. 4:5, 6).
a Псалом 10:4: «О мануш, саво на кандэл лэ Дэвлэс, через кода кай фартэ заваздэл о шэро, на родэл лэ Дэвлэс и гиндой, кай лэ Дэвлэс нинай».
b Иеремия 10:23: «Мэ драго ӷанав, кай о мануш най хулай важ пэско дром. Най андэ лэ манушэстирэ вас тэ сыкавэл пэсти каринг тэ жал».
c Исаия 65:13, 14: «Важ када кадя ԥэнэн Владыка Господо о Иегова: „Мэрнэ служителя лэна тэ хан, ай тумэ авэна боқалэ. Мэрнэ служителя лэна тэ пэн, ай тумэндэ на авэла нисо тэ пэн. Мэрнэ служителя лэна тэ радосавэн, ай тумэнди авэла лажаво. Мэрнэ служителя лэна тэ цыпин андо ди ла радостятар, ай тумэ авэна тэ цыпин, через кода кай фартэ дуқал оди и тэ цыпин кодэлэстар, кай умэклэ и вас“».
d Матфея 5:3: «Бахталэ кодэла, ко полэл, кай лэнди трэбуй о Дэл».
e Андэ дэсавэ переводоря Библии исин Иоанна 7:53—8:11. Но кадэла алава май интя сас стодэ андэ Библия. Дэсавэ проадиносардэ и полинэ лэн най кадя, сар трэбуй. Вонэ ԥэнэн, кай тэ сындой лэ манушэс, саво пэрэсутя най пэстирэ ромэса или най пэстиря ромняса, может кати кодэва, ко би грехоско. Но андо Законо, саво о Дэл дя лэ израильтянонэнди пистромэ: «Если уӷанэн, кай о ром пэрэсутя ла жувляса, савятэ исин хулай, тоди лэн, лэдуен трэбуй тэ умарэн» (Втор. 22:22).
f 1 Фессалоникийцам 4:3—8: «О Дэл камэл, кай тумэ тэ авэн вужэ англа лэстэ, кай тэ на андярэн пэс билажавардэс. Кай кажно тумэндар тэ ӷанэн тэ андярэл пэс достойно и тэ зритярдёлпэ андэ кода, со камэлпэ и кода, со камэл и тила, но со нащи. Тэ на андярэл пэс билажавардэс, сар кодэла, ко патян найчачунэ Дэвлэсти. Кай нико тэ на терэл аврэсти о найлашимос, тэ на авэл кай чужо ромни, кай тэ пэрэсовэл ласа. Важ кода кай о Иегова спушэла пала вся када. И амэ тумэнди пала када ԥэнасас уже май англал. О Дэл ақардя тумэн най важ кода, кай тумэ тэ терэн па пэстирятэ, но кай тумэ тэ андярэн вужи жизня. Важ када, ко отшол када, во отшол най лэ манушэс, ай лэ Дэвлэс, саво дэл тумэнди пэско свято духо».
g 1 Фессалоникийцам 2:13, 19, 20: «Вся время ԥэнас лэ Дэвлэсти „наис“ и пала кода, кай тумэ, кала ашундэ лэ Дэвлэско Алав, ашундэ лэс амэндар, и прилинэ лэс най сар о алав лэ манушэстар, но кадя, саво во и исин па чачимастэ, сар лэ Дэвлэско Алав, саво парувэл и жизня кодэлэнди, ко патял. Када тумэ, кас амэ аштярасас, амари радость, амари фартэ бари радость! Амэ абуросараса тумэндар англа амаро Господо Иисус Христос, кала во авэла амэнца, хоть и на дицола. Да, тумэ амари слава и радость».