«Мэ аштярав лэ Дэвлэстар»

1—3. а) Росԥэнэн, со тумэндэ главно, андэр со тумэ патян? б) Васо амэ гиндосарас, кай фартэ важно, кай о Дэл рия кодэлэн, ко муля каринг и жизня (Диқэн и картинка англа статья.)

СО ТУ ԥэндоп лэ манушэсти, саво пушэл тутар, андэр со ту патяс? Ту ԥэндоп, кай о Иегова кодэва, ко вся создал и кай о Иисусо муля, кай тэ витинэл лэ манушэн лэ грехостар и кай англэ пэ ԥув авэла раё, андэ саво лэ Дэвлэстирэ служителя лэна тэ жувэн вечно. Но ԥэндоп ту, кай патяс, кай о Дэл рия каринг и жизня кодэлэн, ко муля?

² Кода, кай ту патяс, кай о Дэл рия каринг и жизня кодэлэн, ко муля, фартэ куч тирэ одести, даже если ту аштярэс, кай пэрэжувэса фартэ бари бида, сави инке никала на сас и лэса вечно тэ жувэс пэ ԥув. О апостоло Павло ԥэндя, васо када фартэ важно. Во ԥэндя: «Если нинай кода, кай тэ ринпэ каринг и жизня кодэла, ко муля, тоди и о Дэл на рисардя каринг и жизня лэ Христос». Чаче, если о Дэл тэ на рисардоп каринг и жизня лэ Христос, тоди во на авелоп амарэ Царёса и кода, кай амэ росԥэнас важ о Царство авелоп евья. (Адиносар 1 Коринфянам 15:12—19a). Амэ патяс, кай о Дэл рисардя лэ Иисусос каринг и жизня. Амэ на шаспэ пэ садукеёря, савэ на патянас, кай рисавэна каринг и жизня кодэла, ко муля. Даже кала амэндар лэна тэ асанпэ, амэ на парашаса андэ када тэ патяс (Мар. 12:18; Деян. 4:2, 3; 17:32; 23:6—8).

³ Сар кати о мануш залэл тэ уӷанэн пала Христос, во уӷанэн, кай о Дэл рия каринг и жизня кодэлэн, ко муля. И пала када ԥэндя о апостоло Павло (Евр. 6:1, 2). Важ о Павло и вера, кай о Дэл рия каринг и жизня кодэлэн, ко муля, сас фартэ важно (Деян. 24:10, 15, 24, 25). Хоть кадэва гиндо фартэ важно и во ужал андэ кода, сости сытярэл лэ Дэвлэско Алав, всаек тэ полас када най вушэро (Евр. 5:12). Васо?

4. Со амэ роздиқаса андэ кадэя статья?

⁴ Кала и мануша лэн тэ сытён па Библия, вонэ уӷанэн, кай дэлмут о Дэл рияс каринг и жизня кодэлэн, ко муля, сар када сас лэ Лазарёса. Кадяжэ вонэ уӷанэн важ кода, кай о Авраамо, о Иово и о Даниило патянас, кай англэ рисавэна каринг и жизня кодэла, ко муля. Но, со если тумэндар пушэна, васо тумэ патян, кай о Дэл рия каринг и жизня кодэлэн, ко муля, хоть пала када о Дэл дя алав дэлмут и даже бут викоря палпалэ? Ԥэнэнпэ андэ Библия, кала о Дэл рия каринг и жизня кодэлэн, ко муля? Кала амэ уӷанаса пала када, амари вера авэла май састи. Давайте диқаса, со пала када ԥэнэнпэ андэ Библия.

БУТ ВИКОРЯ ПАЛПАЛЭ САС ԤЭНДО, КАЙ О ДЭЛ РИЯ КАРИНГ И ЖИЗНЯ КОДЭЛЭН, КО МУЛЯ

5. Пала со амэ уӷанаса?

⁵ Амэнди найԥарэс тэ представим, кай о мануш, саво кати муля, рияпэ каринг и жизня (Иоан. 11:11; Деян. 20:9, 10). Ай со если варико дя алав, кай ринапэ каринг и жизня кодэла, ко муля, сар прожана бэрша или даже викоря? Можно тэ патяс кадэлэ алавэсти, кай во каринг о мануш, саво муля дэлмут или важ о мануш, саво муля акана? Пала кода, кай о Дэл рия каринг и жизня кодэлэн, ко муля, сас ԥэндо бут викоря палпалэ, и када уже стердяпэ, и тумэ андэ када патян. Пала со катэ жал дума и сар када сжалпэ кодэлэса, кай амэ патяс, кай кодэлэн, ко муля о Дэл рия каринг и жизня?

6. Сар стердэпэ алава анда 118 Псалом по Иисусо?

⁶ Вспомним 118 Псалом, саво может пистросардя о Давидо. Андэ кадэва Псалом исин кацавэ алава: «О Иегова, мангав тут, фэрисар! [...] Тэ авэл лашимос кодэлэсти, ко жал лэ Иеговастирэ алавэстар». Кала 9 нисана лэ Иисусости ашэляпэ найбут деса, кай тэ мэрэл, во залагля по ишако андо Иерусалимо. Кала и мануша лэс додиқлэ, вонэ линэ тэ ԥэнэн и алава анда кода, со сас дэлмут ԥэндо пала Христос (Пс. 118:25, 26; Матф. 21:7—9). Со андэ кадэва псалом ԥэнэнпэ пала кода, кай о мануш рияпэ каринг и жизня, через бут бэрша? Давайте шаса сама пэ кода, со инке ԥэнэнпэ андэ кадэва псалом: «О бар, саво на прилинэ кодэла, ко строинас, ашэля главно по вуӷло» (Пс. 118:22).

7. Сар и евреёря отшутэ лэ Иисусос?

⁷ «Кодэла, ко строинас», важ савэ ԥэнэнпэ андо псалом сас и рашая анда Иудея. Вонэ на прилинэ лэ Христос. Када дицолас най кати, кай вонэ на линэ тэ кандэн лэ Иисусос, но и, кай вонэ на прилинэ лэс, сар лэ Христос. Бут евреёря мангэнас, кай лэс тэ умарэн (Луки 23:18—23). Кода, кай о Иисусо муля, дошалэ вонэ.

8. Сар о Иисусо мог тэ ашэл «главно бар по вуӷло»?

⁸ Сар о Иисусо мог тэ ашэл главно бар по вуӷло, если лэс на прилинэ и умардэ? Када на авелоп кадя, если во тэ на рисайлоп каринг и жизня. Вспомним кода, со росԥэндя о Иисусо пала хулай, савэстэ сас о винограднико. И мануша, савэ терэнас котэ бути марэнас кодэлэн, кас о хулай бишалэлас каринг лэндэ. И израильтяноря кадяжэ обжанаспэ лэ пророконэнца, савэн о Дэл бишалэлас каринг лэндэ. Сар уже тэ парашэл о Иисусо тэ росԥэнэн кадэя дума важ о хулай, савэстэ сас винограднико, во ԥэндя кай о хулай бишалдя тоди каринг и мануша пэстирэ шавэс, савэс во фартэ любияс. Стодэ вонэ пэр лэстэ патив? Най, вонэ лэс умардэ. Кала о Иисусо росԥэндя кадэя дума, во ԥэндя алава анда Псалом 118:22 (Луки 20:9—17). О апостоло Пётро кадяжэ ԥэндя алава анда 118 Псалом, кала во дэлас дума андо Иерусалимо «лэ старейшинонэнца, барэ манушэнца и лэ книжниконэнца. О Пётро дэлас дума пала «Иисус Христос, саво сас назаретянино», савэс вонэ «умардэ по столбо, но савэс о Дэл рисардя каринг и жизня». Во ԥэндя: «Када кодэва „бар, саво тумэ, кодэла, ко строин, отшутэ, но саво ашэля главно по вуӷло» (Деян. 3:15; 4:5—11; 1 Пет. 2:5—7).

9. Со андэ Псалом 118:22 ԥэнэнаспэ, кай трэбуй тэ авэл?

⁹ Андэ Псалом 118:22 бут викоря палпалэ сас ԥэндо, кай лэ Христос отшона, умарэна, ай тоди о Дэл рия лэс каринг и жизня, кай во тэ ашэл «главно бар по вуӷло». Пала о Иисусо, саво рисайля каринг и жизня, андэ Библия ԥэнэнпэ: «Тала нэбо нинай авэр алав, саво динэ лэ манушэнди, савэса амэ трэбуй тэ спасысавас» (Деян. 4:12; Эф. 1:20).

10. а) Со андэ Псалом 16:10 ԥэнэнаспэ, кай трэбуй тэ авэл? б) Васо амэ можем тэ ԥэнас, кай алава анда Псалом 16:10 сас най важ о Давидо?

¹⁰ Роздиқаса инке ек стихо анда Библия. Псалом 16:10 поможыя амэнди май фартэ тэ патяс, кай кодэла, ко муля, ринапэ каринг и жизня и када точно авэла, хоть пала када сас ԥэндо бут бэрша палпалэ. Кадэла алава сас запистромэ май бут, чем пала тысяча бэрш, кала када инке сас трэбуй тэ авэл. Котэ ԥэнэнпэ: «Ту на ашавэса ман андэ могила. Ту на дэса тэ диқэл и яма, кай гаравэн лэ мулэн кодэлэсти, ко на парашэл тэ кандэл тут». О Давидо на ԥэндя, кай во никала на мэрэла и на авэла андэ могила. Анда Библия амэ уӷанас, кай о Давидо ԥуреля и муля, и лэс гарадэ андо форо Давидо (1 Цар. 2:1, 10). Пала со тоди ԥэнэнпэ андэ Псалом 16:10?

11. Кала о Пётро росԥэндя и алава анда Псалом 16:10?

¹¹ Сар прожылэ май бут чем тысяча бэрш, о апостоло Пётро ԥэндя, со сыкавэн и алава анда кадэва стихо. Через найбут курте после кода, сар о Иисусо рисайля каринг и жизня, о Пётро ԥэндя речь. Лэс ашунэнас май бут, чем тысяча. Када сас евреёря и прозелиторя. Прозелиторя, када най евреёря, но линэ тэ тэлён лэ Иеговасти. (Адиносар Деяния 2:29—32b). О Пётро ԥэндя, кай о Давидо муля и лэс гарадэ. Када драго ӷанэнас кодэла, ко лэс ашунэнас. О апостоло ԥэндя, кай о Давидо полэлас и ԥэнэнас, кай о Дэл рия лэ Христос каринг и жизня. Кадяжэ андэ Библия на ԥэнэнпэ, кай андэ када варико на патялас.

12. Сар стердэпэ и алава анда Псалом 16:10 и сар када терэл амари вера май састи андэ кода, кай рисавэна каринг и жизня кодэла, ко муля?

¹² Кай инке еқвар тэ доԥэнэн, о Пётро ԥэндя лэ Давидостирэ алава анда Псалом 110:1. (Адиносар Деяния 2:33—36c). Кала о Пётро дэлас дума бутэ манушэнца па Библия, кадэла мануша линэ тэ патян, кай о Иисусо када «Господо и Христос» и кай стердэпэ по Иисусо и алава анда Псалом 16:10, кала во рисайля каринг и жизня. Прожыля время и апостоло Павло кадажэ росԥэндя лэ манушэнди, савэ сас евреёря анда писидийско Антиохия. Лэ Павлостирэ алава кадя линэ лэн лэ одестар, кай вонэ закамлэ тэ уӷанэн инке май бут. (Адиносар Деяния 13:32—37d, 42e). Лэ Дэвлэстирэ алава, савэ запистромэ андэ Библия, кай о Дэл рий каринг и жизня кодэлэн, ко муля, стердэпэ тоди, кала прожылэ бут викоря. Но всаек, через када и амэ инке май фартэ патяс лэ Дэвлэстирэ алавэнди пала када.

КАЛА РИСАВЭНА КАРИНГ И ЖИЗНЯ КОДЭЛА, КО МУЛЯ?

13. О Дэл рия каринг и жизня кодэлэн, ко муля. Тоди, со амэ можем тэ пушас пэстар?

¹³ О Дэл дя алав, кай рия каринг и жизня кодэлэн, ко муля, хоть када может тэ авэл и через бут викоря. И амэнди кадэлэстар ашэл май фэдэр. Но амэ можем тэ пушас пэстар: «Чаче амэ инке най йто диқасапэ амарэ другонэнца и кодэлэнца, кас амэ любисарас? Кала авэла кодэя время, сави амэ фартэ аштярас, кала о Дэл рия каринг и жизня кодэлэн, ко муля?» О Иисусо ԥэндя лэ апостолонэнди, кай вонэ нэ могут тэ ӷанэн «ни и время, ни о сроко, савэ о Дад ашадя андэ пэстирэ вас» (Деян. 1:6, 7; Иоан. 16:12). Но када на сыкавэл, кай амэ нисо на ӷанас пала кода, кала о Дэл лэла тэ рий каринг и жизня кодэлэн, ко муля.

14. Соса на шолпэ, кала о Иисусо рисайля каринг и жизня и кала и мануша, савэ жувэнас дэлмут, рисайлэ каринг и жизня?

¹⁴ Само важно, кала рисардэ каринг и жизня кодэлэс, ко муля, када сас о Иисусо. Если во тэ на рисайлоп каринг и жизня, тоди нико нэ мог тэ аштярэл, кай тэ диқэлпэ кодэлэнца, ко муля. Кодэла мануша, савэ рисайлэ каринг и жизня через о Илья и о Елисеё, сар инке на сас о Иисусо, кала прожыля время упалэ мулинэ и рисайлэ андо прахо. Но о Иисусо после кода, сар рисайля каринг и жизня, «будэр на мэрэла», и «смэрть уже най хулай понад лэстэ». Во жувэл по нэбо «во вся и время» (Рим. 6:9; Отк. 1:5, 18; Кол. 1:18; 1 Пет. 3:18).

15. Васо о Павло ԥэндя, кай Иисусо, «сар пэрво плодо»?

¹⁵ Кала о Дэл рисардя каринг и жизня лэ Иисусос, када сас пэрво и само важно, кала о Дэл рияс каринг и жизня кодэлэн, ко муля (Деян. 26:23). Но о Иисусо сас най ек, кас трэбуй сас о Дэл тэ рий каринг и жизня по нэбо, сар ангелос. О Иисусо ԥэндя лэ апостолонэнди, савэ на парашэнас лэс тэ кандэн, кай вонэ лэна тэ правин лэса по нэбо (Луки 22:28—30). Но, кай лэндэ тэ авэл кадэва лашимос, лэнди трэбуй сас тэ мэрэн. После када вонэ, сар о Иисусо, трэбуй сас тэ ринпэ каринг жизня, кай тэ жувэн по нэбо. И лэндэ авэла и тила, сар кай и ангелоря. О апостоло Павло пистросардя пэрво письмо андо Коринфо и котэ ԥэнэнпэ: «О Христос рисайля каринг и жизня. Во сас, сар пэрво плодо, анда кодэла, ко муля». Тоди о Павло росԥэндя, кай исин и авэр, кас о Дэл рия каринг и жизни, кай вонэ тэ жувэн по нэбо. Во кадяжэ инке ԥэндя: «Кажно [ко муля, рияпэ каринг и жизня] андэ пэсти время. О Христос, сар пэрво плодо, ай тоди, кала во авэла амэнца, хоть лэс и на дицола, лэ Христостирэ» (1 Кор. 15:20, 23).

16. Со поможыя тэ полас, кала ринапэ каринг и жизня кодэла, ко муля, кай тэ жувэн по нэбо?

¹⁶ Лэ Павлостирэ алава поможын амэнди тэ полас, кала ринапэ каринг и жизня кодэла, ко муля, кай тэ жувэн по нэбо. Када трэбуй сас тэ авэл, кала о Иисусо амэнца, хоть лэс и на дицол. Лэ Иеговастирэ свидетеля уже дэлмут па Библия сыкавэн, кай андо 1914 бэрш, о Иисусо авеля, кай тэ авэл амэнца, хоть лэс и на дицол. И кадэя время жал и доси. Инке вонэ росԥэнэн, кай амэ жувас андэ кодэя время, кала йто о найлашимос на авэла.

17, 18. Со терэлпэ дэсавэ помазанниконэнца, кала о Иисусо амэнца, хоть лэс и на дицол?

¹⁷ Акэ, со инке ԥэнэнпэ андэ Библия пала кодэла, ко ринапэ каринг и жизня, кай тэ жувэн по нэбо: «На камас, кай тумэ тэ на ӷанэн пала кодэла, ко засутя ла смэртяса... Важ кода кай, если амэ патяс, кай о Иисусо муля и рисайля каринг и жизня, тоди амэ кадяжэ патяс, кай и кодэла, ко засутя ла смэртяса... о Дэл андярэла лэса. ...Амэ, савэ жувас, савэ дожуваса жы кай и время, кала о Христос авэла лэ манушэнца, хоть лэс и на дицола, нисар на аваса пэрви кодэлэндар, ко засутя ла смэртяса, важ кода кай екжэно Господо сжала по нэбо и ақарэла... и кодэла, ко патянас андо Христос и мулинэ, ущена пэрви. Тоди амэ, савэ инке жундэ, аваса одындярдэ лэнца пэ тучи, кай тэ диқаспэ по нэбо лэ Господоса, и кадя вся время аваса лэ Господоса» (1 Фес. 4:13—17).

¹⁸ Кай о Дэл тэ рий каринг и жизня по нэбо лэ помазанниконэн, савэ мулинэ, трэбуй сас тэ прожал дэсави время после кода, кала о Иисусо амэнца, хоть лэс и на дицол. Кала жала фартэ бари бида, сави инке никала на сас и помазанникоря, савэ жувэн пэ ԥув, авэна «одындярдэ... пэ тучи». О Павло пистросардя, кай кодэла, ко авэна «одындярдэ», на засовэна ла смэртяса. Сар када тэ полас? Лэнди на трэбуй авэла бут время тэ аштярэн, кай тэ ринпэ каринг и жизня упрэ по нэбо. Вонэ парудёнапэ «фартэ йто, сар андэ ек минута, кала дилабэл послиднё труба» (1 Кор. 15:51, 52; Матф. 24:31).

19. Сави само лащи время амэ аштярас важ кодэла, ко муля?

¹⁹ Адес бут христианоря най помазанникоря и на аштярэн, кай вонэ лэна тэ жувэн по нэбо. Вонэ аштярэн, кала авэла лэ Иеговаско дес и улэла вся о найлашимос. Амэ на ӷанас, кала када авэла, но полас, кай када авэла фартэ йто (1 Фес. 5:1—3). После када ринапэ каринг и жизня мануша, савэ лэна тэ жувэн пэ ԥув андо раё. Андэ Библия ԥэнэнпэ, кай када авэла само лащи время, важ кода кай, кала дэлмут лэ манушэн ринас каринг и жизня, вонэ всаек мэрэнас. Ай и мануша, савэ ринапэ каринг и жизня андо раё пэ ԥув, могут тэ патян, кай вонэ авэна би лэ грехоско и будэр никала на мэрэна (Евр. 11:35).

20. Васо можно тэ патяс, кай, кала лэна тэ ринпэ каринг и жизня, ринапэ кажно андэ пэсти очередь?

²⁰ Сар ԥэнэнпэ андэ Библия, и помазанникоря ринапэ каринг и жизня «кажно андэ пэсти время» (1 Кор. 15:23). Можно тэ патяс, кай, кала лэна тэ ринпэ каринг и жизня кодэла, ко жувэна пэ ԥув, ринапэ кажно андэ пэсти очередь. Амэ фартэ аштярас кадэя время. Кодэла, ко пэрэжувэна фартэ бари бида, сави жы кай кодэя время никала на сас, фартэ аштярэн кодэлэн, ко найдэлмут муля. И амэ можем тэ пушас, о Дэл рия лэн каринг и жизня сразу, сар о Иисусо лэла тэ правий тысяча бэрш? Рия о Иегова спэрва каринг и жизня пэстирэ служителёнэн, савэ жувэнас дэлмут и на парашэнас лэс тэ кандэн, и савэ драго ӷанэнас тэ диқэн пала лэ Дэвлэско народо, кай вонэ тэ диқэн пала лэндэ андо нэво миро? Сар и кай о Иегова лэла тэ рий лэ манушэн каринг и жизня, савэ лэсти никала на служинас? Амэ пала када можем бут со тэ пушас. Но трэбуй пала када фартэ тэ пэрэживаем? Трэбуй тэ поаштярас, и тоди амэ вся диқаса пэстирэ яқэнца. Амэнди фартэ чалёла тэ диқас, сар о Иегова вся када стерэла.

21. Со тумэ фартэ аштярэн?

²¹ Амэнди уже акана трэбуй тэ терас кадя, кай май фартэ тэ патяс лэ Иеговасти. Через о Иисусо во дя алав, кай во сэрэл кодэлэн, ко муля, и рия лэн каринг и жизня (Иоан. 5:28, 29; 11:23). Кай тэ сыкавэл, кай лэ Иеговастэ исин зор тэ рий кодэлэн, ко муля, о Иисусо ԥэндя, кай о Авраамо, о Исаако и о Иаково важ о Дэл жундэ (Луки 20:37, 38). Амэндэ исин вся, кай тэ ԥэнас кадя, сар о Павло: «Мэ аштярав лэ Дэвлэстар...кай во рия каринг и жизня кодэлэн, ко муля» (Деян. 24:15).