Шавэ и щея, тумэ уже загиндосардэ, со авэна тэ терэн по Дэвлэско дром?

1—3. а) Сави найвушэро время адес кай всаворэ шавэ и щея? Росԥэнэн. (Диқэн и картинка англа статья.) б) Со дэла лэнди зор андэ кадэя найвушэро время?

ПОГИНДОСАР, тути трэбуй тэ доладэс пэ варисави важно дила андэ авэр форо. Тути прижалапэ дур тэ ладэс. Ту авэс по автовокзало. Котэ бут мануша, бут автобусоря и кадэлэстар о шэро может тэ заболдэлпэ. Но ту драго ӷанэс, саво автобусо тэ виарақэс, кай тэ ладэс кордэ, каринг тути трэбуй. Сар ту бэшэса пэ варисаво авэр автобусо, тоди ту уладэса най интя.

² И шавэ и щея, сар кадэва мануш, саво трэбуй тэ витидэл каринг тэ ладэл. Андэ жизня исин бут савэ дрома и на ӷанэс, саво тэ витидэс. Но, кала тумэ драго ӷанэн, пэ саво дром тэ жан, важ тумэндэ авэла вушэро тэ витидэн, со тэ терэн. Саво дром трэбуй тэ витидэн?

³ Пала када тумэ уӷанэна андэ кадэя статья. Кадэя статья поможыя тэ витидэн кацаво дром, саво чалёл лэ Иеговасти. Важ када тумэнди трэбуй тэ приашундёнпэ, со тумэнди подԥэнэн о Иегова андэ кода, кай тэ терэн дила пэр лэско дром. Инке трэбуй тэ приашундёнпэ, пэр кастэ тэ сытён, каринг тэ жан тэ терэн бути, тэ женинпэ чи тэ жан миростэ. Лэ шавэнди и лэ щеянди, савэндэ пэ пэрво ҭан и служения лэ Иеговасти, трэбуй тэ патян, кай во лэн блаӷословия и дэла зор тэ домардён кода, со загиндосардэ. (Адиносар Притчи 16:3a).

ВАСО ТРЭБУЙ ТЭ ЗАГИНДОСАРАС ТЭ ТЕРАС ДИЛА ПО ДЭВЛЭСКО ДРОМ?

4. Пала со амэ подаса дума андэ кадэя статья?

⁴ Васо лэ шавэнди и лэ щеянди тэ гиндон, со вонэ тэ терэн по Дэвлэско дром? Пала када амэ подаса дума андэ кадэя статья. Кала вонэ пала када гиндон, када поможыя лэнди тэ авэн май пашэ каринг о Иегова. Инке вонэ диқэна, саво лашимос када лэнди анэна.

5. Васо пэ пэрво ҭан амэ трэбуй тэ гиндосарас, со камас тэ терас по Дэвлэско дром?

⁵ Амэ трэбуй тэ гиндосарас, со камас тэ терас по Дэвлэско дром. Васо? Важ кода кай пэ пэрво ҭан камас тэ сыкавас лэ Иеговасти, кай блаӷодарни лэсти, кай во любий амэн и пала кода, со во стердя важ амэндэ. Кодэва, ко пистросардя о Псалом ԥэндя: «Драго, кала ԥэнас „наис“ лэ Иеговасти... Иегова, ту андян манди радость пэстирэ делонэнца. Через кода, со стердэ тирэ вас, манди по ди авэл бари радость» (Пс. 92:1, 4). Погиндосар, со тути дя о Иегова. Во дя тути и жизня, и вера, и Библия, и собрания, и о лашимос, саво ту аштярэс англэ! Сар тэ сыкавас лэ Иеговасти пэстири блаӷодарность, важ кода со во стердя? Акэ сар. Тэ загиндосарас тэ терас дила пэр лэско дром. Кадэлэстар амэндэ авэла май лащи дружба лэ Иеговаса.

6. а) Сави амэндэ авэла дружба лэ Иеговаса кодэлэстар, кай амэ загиндосардям тэ терас дила пэр лэско дром? б) Со тэ загиндосарав тэ стерав по Дэвлэско дром, кала мэ инке бэято?

⁶ Акэ, васо инке трэбуй тэ гиндос, со тэ терэс по Дэвлэско дром. Кадя ту авэса май пашэ каринг о Иегова. Кала ту жас каринг када, ту терэс лашэ делоря, савэ радосарэн лэ Иеговас. О апостоло Павло пистросардя: «О Дэл обжалпэ лэ манушэнца кадя, сар вонэ затердэ. Во на бистрэл, со тумэ стердэ и любовь, сави тумэ сыкадэ каринг лэско алав» (Евр. 6:10). Драго авелоп, кай и бэятцэ тэ загиндон, со камэн тэ терэн по Дэвлэско дром. Ла Кристинати сас дэш бэрш, кала вой ля тэ на промэкэл тэ адиной пала лэ Иеговастирэ свидетеля. Ай о Тоби, кала лэсти сас двенадцать бэрш, англа кода, сар тэ болдёл, загиндосардя тэ проадиной вся и Библия. О Максимо и лэстири ԥэй Ноеми болделэ, кала лэсти сас одиннадцать бэрш, ай лати дэш бэрш. После када, вонэ лэдуй загиндосардэ тэ служин андо Вефилё. Кай тэ на забистрэн кода, со загиндосардэ, вонэ амбладэ цэрэ пэ стина заявления пэ служения андо Вефилё. Ай васо тути тэ на загиндос тэ стерэс дила по Дэвлэско дром и тэ лэс тэ терэс варисо, кай када тэ домардёс? (Адиносар Филиппийцам 1:10, 11b).

7, 8. а) Васо тэ витидэс май вушэро, кала ту загиндосардян, со авэса тэ терэс? б) Васо ек щей витидя тэ на жал тэ сытёл андо университето?

⁷ Васо, инке андэ тэрнэ бэрша, и шавэ и щея трэбуй тэ гиндон, со камэн тэ терэн по Дэвлэско дром? Важ кода кай трэбуй авэла тэ витидэн, каринг тэ жан тэ сытён, сави бути тэ терэн и инке бут со. Кала и шавэ и щея витидэн, со авэна тэ терэн, када шолпэ по мануш, саво витидэл англа бут дрома, па саво дром тэ ладэл. Кала ту ӷанэс, каринг тэ ладэс, тути авэла май вушэро тэ витидэс. Кадяжэ, кала ту ӷанэс, со камэс тэ домардёс, тути авэла май вушэро годявэрнэс тэ витидэс. Андэ Притчи 21:5 ԥэнэнпэ: «Лэ манушэстэ, саво драго терэл, со загиндосардя, вижал лашимос». Кала ту инке май англал загиндосардян, со камэс тэ стерэс, тоди йто и драго када вижала. Када дицол па Дамарис, савяти прижыляпэ тэ витидэл андэ тэрнэ бэрша.

⁸ И Дамарис драго висытёля андэ школа. Ла ақардэ тэ сытёл андо университето по адвокато и важ када лати потиндоп ловэ. Но вой витидя авэр. Васо? Вой росԥэнэн: «Кала мэ сымас инке бэятаса, мэ витидэм тэ служисарав пионероса и важ када манди трэбуй сас бути, пэ сави терэн най вся о дес. Тэ авелоп мандэ дипломо, сар кай о адвокато, мандэ вижылоп драго тэ затерав. Но тоди мэ на виарақлоп бути, пэ сави терэн най вся о дес». И Дамарис служий пионероса уже 20 бэрш. Со вой акана гиндой пала кода, со загиндосардя тэ терэл и со витидя андэ тэрнэ бэрша? Вой росԥэнэн: «Пэ пэстири бути мэ най еқвар диқавпэ лэ адвокатонэнца. Вонэ терэн бути, сави тердоп и мэ, сар тэ сытелоп по адвокато. Бутэнди андар лэндэ на чалёл лэндири бути. Кода, кай мэ витидэм тэ служисарав пионероса, андя манди бари радость и мандэ нинай по ди кода, со кай кадэла адвокаторя».

9. Васо лэ тэрнэ христианонэн трэбуй анда вся оди тэ хвалисарас?

⁹ Бут тэрнэ шавэ и щея па вся миро патян лэ Иеговасти и домардён кода, со загиндосардэ тэ стерэн пэр лэско дром. Камас анда вся оди тэ хвалисарас лэн важ када! Кай кадэла шавэ и щея исин вся, со трэбуй важ и жизня. Андэ кадэя же время вонэ сытён андэ вся тэ терэн кадя, сар подԥэнэн о Иегова, кай тэ жан тэ сытён, кай тэ терэн бути и пала ери. О Соломоно пистросардя: «Патя лэ Иеговасти всаворэ́ тирэ одеса. На бистэр пала лэстэ пэ вса́ворэ тирэ дрома и во стерэла тирэ дрома ворта» (Прит. 3:5, 6). О Иегова фартэ любий лэ тэрнэ христианонэн. Во фэрий лэн, подԥэнэн лэнди и блаӷословий лэн.

ДРАГО ГИНДОСАР, СО ТЭ РОСԤЭНЭС ВАЖ О ДЭЛ

10. а) Васо фартэ трэбуй тэ росԥэнас важ о Дэл? б) Со поможыя амэнди инке май драго тэ росԥэнас важ о Дэл?

¹⁰ Тэрно христианино, саво пэстиря жизняса радосарэл лэ Иеговас, шол сама май бут пэ кода, кай тэ росԥэнэн важ о Дэл. О Иисус Христос най еқвар ԥэнэнас, кай англа кода, сар тэ парашэн и деса кадэлэ мирости «трэбуй тэ росԥэнэн лащи весть» (Мар. 13:10). Важ кода кай тэ росԥэнас важ о Дэл, када дила, сави нащи тэ отстас, кадэя дила трэбуй тэ авэл амэндэ пэ пэрво ҭан. Загиндосардян ту важ пэстэ май бут тэ росԥэнэс важ о Дэл чи тэ служис пионероса? Но, со сар тути на чалёл тэ росԥэнэс важ о Дэл? Сар тэ сытёс май драго тэ росԥэнэс важ о Дэл? Тути поможыя акэ со. Драго тэ гиндос, со авэса тэ росԥэнэс и тэ на умэкэс и вас, кала росԥэнэс аврэнди важ о Дэл. Ту даже на гиндосардян, скати када анэна радость.

11, 12. а) Пала со трэбуй и шавэ и щея драго тэ погиндон, кай тэ росԥэнэн пала Иегова? б) Сар еқэ тэрнэ ԥралэстэ вижыля тэ росԥэнэн и лащи весть кодэлэнди, каса во сытёл?

¹¹ Спэрва виарак, со тэ ԥэнэс пэ кода, со тутар пушэн кодэла, каса ту сытёс андэ школа. Андэ када тути поможыя книжка «Ответы на твои вопросы» (том 2). Андо тридцать шесто ӷлава ԥэнэнпэ, сар тэ дэс дума пала кода, кай ту патяс андо Дэл. Адиносар кадэя ӷлава и погиндосар, со тэ ԥэнэс, кала тутар пушэн: «Васо ту патяс андо Дэл?» Погиндосар важ кадэла стихоря анда Библия Евреям 3:4, Римлянам 1:20 и Псалом 139:14. Кода, со запистромэ андэ кадэя книжка, поможыя тути тэ виарақэс, со тэ ԥэнэс, кала тутар пушэн важ тири вера. (Адиносар 1 Петра 3:15c).

¹² Дэсавэ тэрнэ христианоря сыкавэн кодэлэнди, каса вонэ сытён, сар вонэ екжэнэ тэ виарақэн, со камэн тэ уӷанэн андэ кода, со вимэкэл лэ Иеговастири орӷанизация. И тэрнэ христианоря терэн када, кала лэндэ вижал. Кадя стердя о Лука. Еқвар андэ школа по уроко дэнас дума пала разни веры. О Лука додиқля, кай андо учебнико пистромэ хохаимос пала лэ Иеговастирэ свидетеля. Во уля и дар андэр пэстэ и мангля, кай лэсти тэ дэн тэ ԥэнэн о чачимос пала лэ Иеговастирэ свидетеля. И учительница дя лэсти тэ ԥэнэн. Кай о Лука вижыля тэ росԥэнэн, андэр со во патял, ай инке лэстэ вижыля тэ росԥэнэн дэсо анда кода, со вимэкэл лэ Иеговастири орӷанизация. И учительница всаворэ бэятонэнди задя по цэр, кай вонэ тэ диқэн нарисовано мультико «Дай отпор хулиганам, не пуская в ход кулаки». О Лука сас фартэ лошало, кай лэстэ вижыля тэ роԥэнэн аврэнди лащи весть.

13. Васо на трэбуй тэ умэкас и вас, кала пэ амаро дром попэрдёл ԥаримос?

¹³ На умэк и вас, кала пэ тиро дром попэрдёл ԥаримос (2 Тим. 4:2). Кала кацаво терэлпэ, на бистэр, со ту загиндосардян тэ стерэс по Дэвлэско дром. Ла Катаринати сас 17 бэрш, кала вой загиндосардя тэ росԥэнэн важ о Иегова кодэлэнди, каса терэл бути. Важ када ек анда кодэла мануша най еқвар ԥэнэнас пэр латэ найлашэ алава, но вой на пэрэдарайля. Кода, сар вой пэс андярэлас, чалеля еқэ манушэсти, саво терэлас ласа бути. Лэс ақарэн Хансо. Во ля тэ адиной амари литература, тэ сытёл па Библия и болделя. И Катарина на ӷанэнас пала када, важ кода кай пэрэлагля. Прожыля 13 бэрш. И акэ, кала и Катарина пэстирэ ереса сас пэ собрания, и речь вижыля тэ росԥэнэн ԥрал анда авэр собрания и када сас о Хансо! Сар дэ драго, кай и Катарина на парашэля тэ росԥэнэн важ о Дэл, сар и загиндосардя.

НА АШАВ КОДА, СО ЗАГИНДОСАРДЯН ТЭ ТЕРЭС

14, 15. а) Пала со трэбуй тэ сэрэн и тэрнэ христианоря? б) Сар тэ виритярэс кода, кай пэр тутэ тасавэн тирэ ровэсникоря?

¹⁴ Андэ кадэя статья най еқвар ԥэнэнаспэ, кай фартэ трэбуй тэ витидэс андэ жизня кода, со радосарэл лэ Иеговас и тэ загиндос тэ терэс дила пэр лэско дром. Файма, кай тирэ ровэсникоря пэ пэрво ҭан андэ жизня кода, кай тэ отцыён и, кай вэсэло тэ проандярэн и время, и вонэ ақарэн тут пэса. Авэла время и тути прижалапэ тэ сыкавэс лэнди, кай ту загиндосардян тэ терэс авэр дила, сави ту на ашавэса. Рисавам каринг кода, пала со амэ дям дума андэ пэрво абзацо. Найгодявэрнэс авелоп тэ бэшэс андэ пэрво автобусо, саво тути попэрдёла, кати важ кода, кай андэр лэстэ ладэн мануша, савэ вэсэло проандярэн и время.

¹⁵ Со поможыя тути тэ виритярэс кода, кай пэр тутэ тасавэн тирэ ровэсникоря? Тер вся, кай тэ на попэрэс андэ кацавэ ҭана, кай тути авэла ԥарэс тэ виритярэс (Прит. 22:3). Гиндосар пала кода, саво найлашимос анэна, сар ту стидэсапэ найлашэ манушэнца (Гал. 6:7). На заваздэ о шэро и полэ, кай ту на обжасапэ би кодэлэско, кай тути драго тэ подԥэнэн. Приашундёпэ каринг кода, со тути подԥэнэн о дад и дэй, и ԥрала, и ԥэя анда собрания, савэндэ састи дружба лэ Иеговаса. (Адиносар 1 Петра 5:5, 6d).

16. Росԥэнэн, сар кода, со сас лэ Кристофоса сыкавэл, кай трэбуй тэ на заваздэс о шэро?

¹⁶ Кода, кай о ԥрал Кристофо на заваздэлас о шэро, дя лэсти зор тэ приашундёлпэ каринг кода, со лэсти подԥэндэ и ԥрала. После кода, сар во болделя, во ля тэ ԥирэл андо спортзало. Тэрнэ мануша, савэ котэ слинэ, линэ тэ ақарэн лэс андо спортивно клубо. О Кристофо подя дума пала када лэ старейшиноса. И о старейшина мангля лэс тэ погиндой, саво найлашимос котэ авэла. Может тэ авэл кадя, кай во лэла тэ спорийпэ, ко андар лэндэ май лашо. О Кристофо всаек жыля андо спортивно клубо. Прожыля время и во поля, кай кадэва спорто сытярэл тэ марэнпэ лэ манушэнца. Во упалэ подя дума лэ старейшинонэнца и вонэ инке еқвар подԥэндэ лэсти анда Библия. О Кристофо росԥэнэн: «О Иегова драго манди подԥэндя через и ԥрала. Но мэ най йто прилэм када». Ай ту, на заваздэс о шэро, кай тэ приашундёс, кала тути драго подԥэнэн?

17, 18. а) Со о Иегова камэл важ и шавэ и щея? б) Васо дэсавэ шавэ и щея ровэнпэ, кала уже барэ? Со тэ терас, кай амэндэ кадя тэ на авэл? Росԥэнэн пала Мирьяна.

¹⁷ «Радосав тэрно мануш, дэкин ту тэрно, и мэк тиро ди анэн тути радость андэ тирэ тэрнэ бэрша» (Эккл. 11:9). О Иегова камэл, кай ту тэ авэс лошало ла жизняти. Сар када тэ стерэс? Пала када амэ дям дума андэ кадэя статья. Трэбуй тэ на ашавас, со загиндосардям тэ стерас по Дэвлэско дром. И, кала витидас, со тэ терас, тэ сэрас, сар пэ када диқэл о Иегова. Со май йто ту лэса када тэ терэс, тоди йто диқэса, сар о Иегова лэла тэ сыкавэл тути о дром, саво трэбуй. Во лэла тэ фэрий тут и блаӷословия. Гиндосар и тер кадя, сар запистромэ андэ Экклезиаст 12:1: «На бистэр пэстирэ создателёс андэ тирэ тэрнэ бэрша».

¹⁸ Тэрнэ бэрша провурян йто. И шавэ и щея йто ашэн барэ. Ԥарэс тэ ашунас, кай бут анда кадэла мануша, сар ашэлэ барэ, ровэнпэ, кай андэ тэрнэ бэрша витидэ най кодэва дром. Со инке май ԥарэс важ лэндэ, кай вонэ андэ тэрнэ бэрша на загиндосардэ, па саво дром жана. Но, сар ту загиндоса тэ терэс дила по Дэвлэско дром, ту авэса бахтало. Када дицол пэ Мирьяна, сави андэ тэрнэ бэрша драго залэласпэ спортоса. Ла ақардэ тэ жал пэ Олимпийски иӷры. Но вой витидя тэ служий пионероса. Прожылэ май бут чем 30 бэрш. И Мирьяна пэстирэ хуласа кадяжэ служин пионеронэнца. Вой ԥэнэн, кай и мануша, савэ камэн тэ авэн май барэ, тэ авэн ашунглэ, кай пэр лэндэ тэ стон май бут патив и камэн барвалимос, па чачимастэ вонэ найбахталэ. Инке вой ԥэнэн, кай со май лашо андэ жизня, када тэ загиндосарас тэ жас па Дэвлэско дром. Ай кадяжэ тэ поможысарас лэ манушэнди тэ уӷанэн пала Дэл.

19. Саво лашимос анэн лэ христианонэнди, кай вонэ загиндон, кала инке тэрнэ, тэ терэн дила по Дэвлэско дром?

¹⁹ Лэ тэрнэ ԥралэн и ԥэян трэбуй тэ хвалисарас анда оди, важ кода кай вонэ виритярэн о ԥаримос и стон пэ пэрво ҭан андэ жизня тэ терэн лэ Дэвлэстири дила. Вонэ домардён, со загиндосардэ тэ терэн по Дэвлэско дром. Кадяжэ вонэ стон пэ пэрво ҭан андэ жизня тэ росԥэнэн важ о Дэл. Инке вонэ на шон сама пэ кода, со лэнди дэл кадэва миро. Патя, кай ту стос зор, када най евья. Тутэ исин ԥрала и ԥэя андэ собрания, савэ любин тут и подритярэн. Патя лэ Иеговасти и во блаӷословия вся, со ту лэса тэ терэс пэр лэско дром.