Ай тумэ драго ӷанэн пэстирэ вороӷос?

1. Андо Эдемско садо жылэ против Иегова. Со тоди во росԥэндя пала амаро вороӷо?

О АДАМО ӷанэнас, кай и сапа на дэн дума. Файма, важ када о Адамо поля, кай ла Еваса дя дума о анӷело (Быт. 3:1—6). Ни о Адамо, ни и Ева нисо пала лэстэ на ӷанэнас. И всаек о Адамо витидя тэ отбандёл пэстирэ небеснонэ дадэстар и тэ жал кодэлэса, кас во на ӷанэнас. О Адамо вся када драго полэлас (1 Тим. 2:14). О Иегова йто ля тэ терэл кадя, кай тэ уӷанэн май бут пала кадэва вороӷо. О Дэл дя алав, кай поджала время и во лэс умарэла. Кадяжэ о Иегова ԥэндя, кай дэсави время кадэва вороӷо, саво дэлас дума через о сап, авэла тэ тасавэл пэ мануша, савэ любин лэ Дэвлэс (Быт. 3:15).

2, 3. Васо кадя набут ӷанэнас пала Сатана, дэкин на авеля о Христос?

² О Иегова мудро Дэл. Важ када во на ля тэ ԥэнэн амэнди, сар ақарэн лэстирэ небеснонэ шавэс, саво вазгляпэ против лэстэa. Прожыля 2 500 бэрш, кала андо Эдемско садо вазглэпэ против Иегова. И кати тоди, во ля тэ росԥэнэн, ко кадэва вороӷо (Иов 1:6). Пэр лэстэ ԥэнэн Сатана (кадэва алав сыкавэл «кодэва, ко жал против»). Пала кадэва алав ԥэнэнпэ кати андэ трин книӷи анда еврейски писании. Када андэ книӷи 1 Летопись, Иов и Захария. Васо, дэкин на авеля о Христос, кадя набут ӷанэнас пала кадэва вороӷо?

³ Дицол, кай о Иегова на камэлас, кай по Сатана тэ шон бут сама. Важ када во на ля май драго тэ росԥэнэн андэ еврейский писании важ о Сатана и лэстирэ дилы. Кадэя часть анда Библия сас пистромэ важ кода, кай лэ Дэвлэстирэ мануша тэ полэн, ко о Христос и тэ жан пала лэстэ (Луки 24:44; Гал. 3:24). Авеля о Христос. И о Иегова через лэстэ и лэстирэ апостолоря дя тэ полэн лэ манушэнди бут анда кода, со акана амэ ӷанас пала Сатана и пала анӷелоря, савэ жылэ пала лэстэb. О Иегова дя тэ ӷанэн када лэ Иисусости и кодэлэнди, ко лэса лэла тэ правий, важ кода кай вонэ лэна тэ умарэн лэ Сатанас и лэстирэ бэнгэн (Рим. 16:20; Отк. 17:14; 20:10).

4. Васо амэнди на трэбуй тэ тиносавас даратар лэ Сатанастар?

⁴ О апостоло Пётро ԥэндя по Сатана, кай во «о лево, саво рычий», ай о апостоло Иоанно ԥэндя пэр лэстэ «драконо» и «сап» (1 Пет. 5:8; Отк. 12:9). Но амэнди на трэбуй тэ тиносавас даратар лэ Сатанастар, важ кода кай лэстэ най пэ вся исин зор. (Адиносар Иакова 4:7c). Амэндэ исин, ко тэ фэрий амэн, када о Иегова, о Иисусо и анӷелоря, савэ на парашэн тэ кандэн лэ Иеговас. Лэнца амэндэ вижала тэ тердювас против амаро вороӷо. Но амэнди трэбуй тэ ӷанас акэ со. Пэ скати дэ бут кай о Сатана власть? Сар о Сатана тасавэл пэ авэр? И со най па лэско зор? Инке амэ погиндосараса, сости амэ сытювас анда када.

ПЭ СКАТИ ДЭ БУТ КАЙ О САТАНА ВЛАСТЬ?

5, 6. Васо нинай кацаво манушыкано правительство, саво диноп лэ манушэнди кода, со лэнди па чачимастэ трэбуй?

⁵ Бут анӷелоря жылэ лэ Сатанаса против Дэл. Жы каринг о потопо, саво сас па вся ԥув, о Сатана заманисардя дэсавэн анӷелонэн тэ лэн пала пэстэ лэ жувлян. Андэ Библия пала када ԥэнэнпэ акэ сар. О драконо, саво пэля пэ ԥув, цырдя пала пэстэ кажно трито черӷай (Быт. 6:1—4; Иуды 6; Отк. 12:3, 4). Кала кадэла анӷелоря ужылэ анда лэ Дэвлэско ери, о Сатана ашэля пэр лэндэ хулай. Амэ на трэбуй тэ гиндосарас, кай кадэла анӷелоря, ко со камэл, кода и терэл. О Сатана стердя пэско правительство, саво шолпэ по Иеговаско царство. Во стодя пэс царёса андо царство, саво на дицол. Лэстэ исин бэнга, савэн во стодя тэ правин лэ мироса (Эф. 6:12).

⁶ О Сатана через пэстири орӷанизация, сави на дицол, правий всаворэ манушыканэ правительствонэнца. Када дицол па кода, кай о Сатана сыкадя лэ Иисусости «всаворэ царства, савэ исин пэ ԥув» и ԥэндя лэсти: «Мэ дава тути власть пэ всаворэ кадэла царства и лэндири слава, важ кода кай всаворэ кадэла царства мэрнэ, и мэ дав ла касти камав» (Луки 4:5, 6). Но всаек бут манушыканэ правителёря терэн варисо лашо важ пэстирэ мануша, ай дэсавэ правителёря анда вся оди камэн тэ терэн лашимос. Нинай кацаво правительство чи мануш, саво диноп лэ манушэнди кода, со лэнди па чачимастэ трэбуй (Пс. 146:3, 4; Отк. 12:12).

7. Сар о Сатана дилярэл через о правительство, хохавни вера и через и мануша, савэ ӷанэн драго тэ тинэн и тэ битинэн? (Диқэн и картинка англа статья.)

⁷ О Сатана и лэстирэ бэнга дилярэн лэ манушэн па вся ԥув. Вонэ терэн када через о правительство, хохавни вера и через и мануша, савэ ӷанэн драго тэ тинэн и тэ битинэн (Отк. 12:9). Через и хохавни вера о Сатана бандярэл о чачимос важ о Иегова. Инке о Сатана терэл вся, кай лэ Дэвлэско алав и мануша тэ на ӷанэн (Иер. 23:26, 27). Вижал кадя, кай и мануша, савэ анда оди гиндон, кай тэлён лэ Дэвлэсти, па чачимастэ тэлён лэ бэнгэнди (1 Кор. 10:20; 2 Кор. 11:13—15). Кадяжэ о Сатана хохавэл лэ манушэн через и мануша, савэ ӷанэн драго тэ тинэн и тэ битинэн. О Сатана терэл кадя, кай и мануша тэ гиндон, кай кати ек дром каринг и бах, када о барвалимос (Прит. 18:11). Кодэла, ко патян андэ кадэва хохаимос, на служин лэ Дэвлэсти, ай ашэн раборя лэ барвалимасти (Матф. 6:24). Даже сар варикала вонэ любинас лэ Дэвлэс кода, кай вонэ цырдэнпэ пала барвалимос, вонэ парашэлэ тэ любин лэ Дэвлэс (Матф. 13:22; 1 Иоан. 2:15, 16).

8, 9. а) Сости амэ сытювас анда кода, со тердяпэ лэ Адамоса, ла Еваса и лэ анӷелонэнца, савэ вазглэпэ против Дэл? б) Васо амэнди трэбуй тэ ӷанас, кай о Сатана правий лэ мироса?

⁸ Анда кода, со тердяпэ лэ Адамоса, ла Еваса и лэ анӷелонэнца, савэ вазглэпэ против Дэл, амэ сытювас акэ сости. Исин дуй дрома. Ек лэ Иеговаско дром, ай авэр лэ Сатанаско. Трито дром нинай (Матф. 7:13). Инке, сар о мануш жал па лэ Сатанаско дром, лэстэ никала на авэла вся кода, со во камэл. О Адамо и Ева линэ екжэнэ тэ витидэн со лашимос, ай со най. Лэ бэнгэнди о Сатана дя дэсави власть пэ манушыканэ правительстворя (Быт. 3:22). Но важ кода, со дэл о Сатана, вся время трэбуй тэ потинэс фартэ бари цэмин (Иов 21:7—17; Гал. 6:7, 8).

⁹ Васо амэнди трэбуй тэ ӷанас, кай о Сатана правий лэ мироса? Када поможый амэнди драго тэ гиндосарас пала манушыканэ правительстворя и тэ росԥэнас и лащи весть. Амэ полас, кай о Иегова камэл, кай амэ тэ стас патив пэ кодэла, касти динэ власть (1 Пет. 2:17). О Иегова аштярэл, кай амэ ласа тэ жувас па лэндирэ законоря, дэкин кадэла законоря на жан против лэстирэ (Рим. 13:1—4). Кадяжэ амэ ӷанас, кай амэнди на трэбуй тэ залас ни сави риг андэ манушыканэ правительстворя. Ӷанас, кай на трэбуй тэ залас варикастири риг кай и барэ мануша, и тэ на жас пала нисави политическо партия (Иоан. 17:15, 16; 18:36). Амэ ӷанас, кай о Сатана терэл вся, кай тэ шол чик по Дэл и кай лэско алав тэ на ӷанэн, кадэлэстар амэ инке май фартэ лас тэ росԥэнас аврэнди о чачимос важ о Дэл. Амэ лошалэ, кай ақарас лэ Дэвлэс па алавэстэ. Амэ абуросарас, кай ԥэнас пэр пэстэ лэско алав. Амэ патяс, кай и любовь каринг о Дэл пэ бутэстэ май куч, чем варисаво барвалимос (Ис. 43:10; 1 Тим. 6:6—10).

САР О САТАНА ТАСАВЭЛ ПЭ АВЭР?

10—12. а) Сар лэ Сатанастэ вижыля тэ заманий бутэ анӷелонэн? б) Сости амэ сытювас анда када?

¹⁰ О Сатана роздраго ӷанэн, сар тэ тасавэл пэ мануша. Во бут сар заманий лэ манушэн, кай вонэ тэ терэн, со во камэл. Инке о Сатана терэл кадя, кай и мануша тэ даран.

¹¹ О Сатана заманисардя бутэ анӷелонэн. Сар лэстэ када вижыля? Во бут время диқэлас пала анӷелоря, кай тэ ӷанэн, сар лэн тэ заманий. Дэсавэ анӷелоря шутэ сама пэ кода, соса о Сатана лэн заманияс. Вонэ линэ тэ лэн пала пэстэ лэ жувлян. Кадэлэстар лэндэ арақаделэпэ бэятцэ. Вонэ слинэ фартэ барэ, холинатирэ и умарэнас аврэ манушэн (Быт. 6:1—4). О Сатана заманияс лэ анӷелонэн най кати лэ билажавардимаса. Инке во ԥэндя, кай дэла лэнди власть пэ всаворэ мануша. Кадя о Сатана камля тэ на дэл лэ Иеговасти тэ стерэл кода, со во ԥэндя, кай авэла кодэва, ко жала «ла манушнятар» (Быт. 3:15). О Иегова на дя лэ Сатанасти и лэ бэнгэнди тэ стерэн, со вонэ камлэ. О Иегова стердя о потопо па вся ԥув.

¹² Сости амэ сытювас анда када? О Сатана драго заманий кодэлэса, кала камэлпэ тэ стерэн билажавардимос чи, кала заваздэн о шэро. Кати погиндон, и анӷелоря, савэ залинэ лэ Сатанастири риг, бут время слинэ паша Дэл и служинас лэсти. И всаек кадэла анӷелоря домэклэ, кай о найлашимос, саво вонэ камэн, тэ ашэл инке май бут андэ лэнго ди. Амэнди трэбуй тэ сэрас, кай даже сар амэ служисарас лэ Иеговасти бут бэрша, андо амаро ди всаек может тэ авэл о найлашимос, саво камэлпэ (1 Кор. 10:12). Важ када амэнди трэбуй вся время тэ диқас, со андэ амаро ди и тэ вишас о найлашимос, саво камэлпэ, тэ на гиндосарас кати важ пэстэ и тэ на заваздас о шэро (Гал. 5:26; адиносар Колоссянам 3:5d).

13. Сар инке заманий о Сатана и сар тэ на попэрдювас пэ када?

¹³ Инке, сар заманий о Сатана. Када, кала о мануш камэл тэ уӷанэн кода, со жал лэ бэнгэндар. О Сатана заманий най кати ла хохавня вераса, ай и андэ развлечения. Андэ киноря, андэ иӷры па компьютероря, па телефоноря, чи кала жан варикай тэ цэлэн андэ кацавэ иӷры, андэ книжки и андэ пэрэдачи па телевизоро исин дэсо, со жал лэ бэнгэндар. О Сатана сыкавэл, кай вся када лашимос и нисо нинай андэ када. Кажно андар мэндэ трэбуй тэ сытярэл пэско ди, кай тэ жувэл па лэ Иеговаско законо (Евр. 5:14). Годявэрнэс тэ витидас, со тэ терас, амэнди поможына лэ Павлостирэ алава: «Тэ любин тумэ па чачимастэ» (Рим. 12:9). Трэбуй тэ пушас пэстар: «Шавпэ мэ по мануш, саво на притерэлпэ, ай любий па чачимастэ, кала витидав варисави развлечения? Сар кодэла, кас мэ сытярав па Библия, диқлоп пэ кода, сави мэ витидэм развлечения? Диқлоп вонэ, кай мэ жував кадя, сар росԥэнав важ о Дэл? Кала амарэ алава на росжанпэ ла диласа, тоди кай о Сатана на вижала тэ заманий амэн (1 Иоан. 3:18).

14. Со терэл о Сатана, кай амэ лэстар тэ дарас? Со дэла амэнди зор тэ тердювас против Сатана?

¹⁴ О Сатана кадяжэ камэл, кай амэ тэ дарас лэстар и тэ ашавас лэ Иеговас. Во даравэл акэ сар. О Сатана через и барэ мануша андэ страна может тэ тасавэл, кай амэнди тэ на дэн тэ росԥэнас важ о Дэл. Во тасавэл через и мануша, савэнца амэ терас бути чи, савэнца сытювас андэ школа, кай вонэ тэ приасанпэ амэндар, важ кода кай амэ ритярас лэ Дэвлэско законо (1 Пет. 4:4). Дэкала, во тасавэл пар мэндэ через амарэ чаче, савэ камэн важ амэндэ лашимос и важ када терэн варисо, кай амэ тэ на ԥирас пэ собрании (Матф. 10:36). Со дэла амэнди зор тэ тердювас против Сатана? Акэ со, амэ на удивисавас, важ кода кай амэ ӷанас, кай во терэл амэнца война (Отк. 2:10; 12:17). Инке амэнди трэбуй тэ сэрас, кай о Сатана ԥэнэн, кай и мануша служин лэ Дэвлэсти кати, кала вушэро, ай кала ԥарэс, вонэ отжана лэ Дэвлэстар (Иов 1:9—11; 2:4, 5). Кадяжэ амэнди вся время трэбуй тэ мангас, кай о Иегова тэ дэл амэнди зор. Патян, о Иегова никала на ашавэла тумэн (Евр. 13:5).

СО НАЙ ПА ЛЭ САТАНАСКО ЗОР?

15. Вижала лэ Сатанастэ, кай и мануша тэ стерэн, со вонэ на камэн? Росԥэнэн.

¹⁵ О Сатана тасавэл, кай и мануша тэ стерэн, со вонэ на камэн. Но лэстэ када на вижала (Иак. 1:14). Бут мануша на полэн, кай вонэ екжэнэ терэн, со камэл о Сатана. Но кала о мануш уӷанэн о чачимос пала Дэл, во витидэл, касти тэ служий (Деян. 3:17; 17:30). Сар амэ анда вся оди камас тэ терас кадя, сар ԥэнэн о Дэл, лэ Сатанастэ на вижала тэ стерэл кадя, кай амэ тэ ашавас лэ Иеговас (Иов 2:3; 27:5).

16, 17. а) Со инке лэ Сатанасти и лэ бэнгэнди най па лэнго зор? б) Васо амэнди на трэбуй тэ дарас тэ мангаспэ, кай тэ ашундёлпэ?

¹⁶ Со инке лэ Сатанасти и лэ бэнгэнди най па лэнго зор? Андэ Библия никай на ԥэнэнпэ, кай вонэ диқэн амарэ гиндоря чи, со амэндэ андо ди. Када терэн кати о Иегова и о Иисусо (1 Сам. 16:7; Мар. 2:8). Ай со сар амэ варисо дас дума чи мангаспэ кадя, кай ашундёлпэ? Трэбуй амэ тэ дарас, кай о Сатана и бэнга ашунэна амари молитва и терэна варисо против амэндэ? Най. Васо? Амэ на дарас тэ терас драго англа Дэл, кала служисарас лэсти, кати важ кода, кай о Сатана ӷанэн пала када. Кадяжэ амэ на трэбуй тэ дарас тэ мангаспэ, кай тэ ашундёлпэ кати важ кода, кай о Сатана ашунэна амэн. Андэ Библия най еқвар пистромэ, кала лэ Дэвлэстирэ мануша мангэнаспэ, кай тэ ашундёлпэ. И никай най пистромэ, кай варико андар лэндэ даралас, кай о Сатана ашунэна (1 Цар. 8:22, 23; Иоан. 11:41, 42; Деян. 4:23, 24). О Иегова на мэкэла лэ Сатанас тэ стерэл амэнди вэрыто пэ долӷонэстэ. Кала? Кала амэ стас вся о зор, кай тэ дас дума и тэ терас кадя, сар камэл о Дэл. (Адиносар Псалом 34:7e).

¹⁷ Амэнди трэбуй драго тэ ӷанас пэстирэ вороӷос. Но амэнди лэстар на трэбуй тэ тиносавас даратар. Хоть амэ и найсовершенни, лэ Иеговастирэ зорэса амэндэ вижала тэ улас лэ Сатанас (1 Иоан. 2:14). Сар амэ тердюваса против Сатана во нашэлатар амэндар (Иак. 4:7; 1 Пет. 5:9). Здэлпэ, кай андэ амари время о Сатана инке май фартэ тасавэл пэ тэрнэ мануша. Со вонэ тэ терэн, кай тэ на подэнпэ, кала о Сатана тасавэл? Пала када амэ подаса дума андэ авэр статья.